Bæjarráð, fundur 616

Dagskrá

1. 1. Trjákurl til húshitunar

   Mál 1905004 Allur ferill málsins

   Kynntar frumhugmyndir um kyndistöð er nýtir trjákurl til húshitunar.

   Bæjarráð þakkar kynninguna og felur bæjarstjóra að halda utanum málið áfram. Jafnframt er kynningu vísað til kynningar í eigna-, skipulags- og umhverfisnefndar.

2. 2. Aðild að rammasamningi um raforkukaup

   Mál 1905095 Allur ferill málsins

   Ríkiskaup fyrirhugar rammasamningsúboð raforkukaupa. Fjarðabyggð er boðin aðild að útboðinu.

   Fjarðabyggð er bæði orkusali og orkukaupandi og tekur því ekki þátt í útboðinu.

3. 3. Húsnæðisstefna Fjarðabyggðar 2019

   Mál 1902145 Allur ferill málsins

   Framlögð drög að húsnæðisstefnu og áætlun Fjarðabyggðar 2019 - 2022. Drögin eru uppfærð stefna er gilti árin 2017 - 2021 og eru uppfærð í samræmi við nýja reglugerð um húnæðisáætlanir sveitarfélaga. Bæjarráð ákvað í máli nr. 1902006 14. febrúar 2019 að fela fjármálastjóra að uppfærslu á áætluninni. Sjálf stefnan er óbreytt frá fyrri stefnu í þessum drögum.

   Bæjarráð vísar stefnunni til afgreiðslu bæjarstjórnar.

4. 4. Velferð barna - Unicef á íslandi

   Mál 1905105 Allur ferill málsins

   UNICEF á Íslandi hvetur öll sveitarfélög til að setja sér heildstætt og samræmt verklag, ef upp kemur grunur um ofbeldi og vanrækslu hjá stofnunum sem starfa með börnum.

   Bæjarráð tekur vel í erindið og vísar því til skoðunar hjá fræðslustjóra og félagsmálastjóra. Jafnframt er erindi vísað til kynningar í fræðslunefnd, félagsmálanefnd, barnaverndarnefnd, og íþrótta- og tómstundanefnd.

5. 5. Sumarlokun bæjarskrifstofu

   Mál 1604148 Allur ferill málsins

   Lagt er til að bæjarskrifstofa Fjarðabyggðar verði lokuð í tvær vikur í sumar með sama hætti og undanfarin ár, þ.e. viku fyrir og viku eftir verslunarmannahelgi.

   Bæjarráð samþykkir tilhögun lokunar.

6. 6. Beiðni um afhendingu á jafréttisáætlun ásamt framkvæmdaáætlun

   Mál 1903123 Allur ferill málsins

   Vísað frá félagsmálanefnd til afgreiðslu bæjarráðs minnisblaði félagsmálastjóra um tillögu að endurskoðaðun framkvæmdaáætlunar jafnréttisstefnu Fjarðabyggðar. Jafnréttisstofa telur að framkvæmdaáætlunin uppfylli ekki kröfur jafnréttislaga nr. 10/2008 um skilgreiningu ábyrgðar og tímamarka. Nefndin fól félagsmálastjóra á fundi 7. maí sl. að gera endurbætur á áætluninni.

   Bæjarráð vísar áætluninni til afgreiðslu bæjarstjórnar.

7. 7. 750 Stekkholt 12 - umsókn um lóð

   Mál 1905062 Allur ferill málsins

   Vísað frá eigna-, skipulags- og umhverfisnefnd til afgreiðslu bæjarráðs að nýju lóðarumsókn Paulius Naucius, dagsett 9. maí 2019, þar sem sótt er um lóðina við Stekkholt 12 á Fáskrúðsfirði undir íbúðarhúsnæði. Grenndarkynningu er lokið með samþykki nágranna.

   Bæjarráð samþykkir að úthluta lóðinni.

8. 8. Kauptilboð í Bleiksárhlíð 2-4, 5herb. 217-0062

   Mál 1905115 Allur ferill málsins

   Framlagt tilboð og samþykkt gagntilboð í 5 herbergja íbúð á 2. hæð að Bleiksárhlíð 2-4 á Eskifirði.

   Bæjarráð samþykkir sölu eignarinnar sbr. samþykkt gagntilboð og felur bæjarstjóra að undirrita gögn vegna sölunnar.

9. 9. Hús frístunda

   Mál 1901070 Allur ferill málsins

   Farið yfir stöðu verkefnisins Hús Frístundanna. Framkvæmdir við endurbætur í húsnæðinu kynntar ásamt kostnaðaráætlun. Jafnframt farið yfir fyrirkomulag rekstrar í húsinu þegar starfsemi er hafin, fyrirkomulag á mönnunar starfseminnar og fjölda stöðugilda.

   Málið tekið fyrir á næsta fundi bæjarráðs.

10. 10. Aðstaða fyrir Hraustur og karate í Neskaupstað

    Mál 1905041 Allur ferill málsins

    Framlögð beiðni frá Karatedeild Þróttar og Hraustur ehf. um að fá til afnota Fjallasalinn í Egilsbúð undir starfsemi sína.

    Íþrótta- og tómstundafulltrúa ásamt verkefnastjóra framkvæmdasviðs falið að ræða við bréfritara.

11. 11. Málefni Slökkviliðs Fjarðabyggðar

    Mál 1905128 Allur ferill málsins

    Lagt fram erindi, merkt trúnaðarmál frá Landssambandi slökkviliðs- og sjúkraflutningamanna er varðar starfsmannamál hjá Slökkviliði Fjarðabyggðar.

    Málefni er þegar í vinnslu og vísar bæjarráð erindi til þeirrar vinnu hjá bæjarstjóra.

12. 12. Samstarfsvettvangur sveitarfélaganna fyrir heimsmarkmið um sjálfbæar þróun og loftslagsmál

    Mál 1905130 Allur ferill málsins

    Boðað er til stofnfundar samstarfsvettvangs sveitarfélaganna fyrir heimsmarkmið um sjálfbæra þróun og loftslagsmál. Stofnfundurinn verður haldinn 19.júní nk. kl. 13:00 til 14:30 í Reykjavík.

    Bæjarráð felur bæjarstjóra að mæta á fundinn fyrir hönd Fjarðabyggðar.

13. 13. Auglýsing umsóknar um byggðakvóta fiskveiðiársins 2018/2019

    Mál 1810049 Allur ferill málsins

    Breyting á áður auglýstum byggðakvóta fyrir fiskveiðiárið 2019 vegna Stöðvarfjarðar. Engar umsóknir bárust og því þarf að auglýsa að nýju þar sem tímafrestur er útrunninn.

    Bæjarráð samþykkir að fela atvinnu- og þróunarstjóra að vinna að og ljúka við nýja auglýsingu og setja í birtingu.

14. 14. Umgengnis- og umhverfismál

    Mál 1905138 Allur ferill málsins

    Bæjarráð Fjarðabyggðar felur bæjarstjóra, sviðsstjóra framkvæmdasviðs og eftir atvikum eigna- skipulags- og umhverfisnefnd að fara yfir bifreiða- og tækjakost sveitarfélagsins með hagræði og notkun í huga. Horfa skal sérstaklega á vistvænari farartæki, ef kostur er, við endurnýjun og losa út eyðslufrekar bifreiðar og tæki. Þá jafnframt skal skilgreina kröfur sveitarfélagsins til verktaka sem fyrir það vinna hvað varðar búnað tækja þeirra, tryggingar, umgengni og aðra samfélagslega ábyrgð. Þá skal horft til gerðar umhverfisstefnu Fjarðabyggðar við útfærslu þessa.

15. 15. Félagsmálanefnd - 123

    Fundargerðin í heild

    Fundargerð félagsmálanefndar, nr. 123 frá 20.maí 2019, lögð fram til umfjöllunar.

    1. 15.1 Fjárhagsaðstoð - Vegna tryggingar húsnæðis1905084
    2. 15.2 Breyting á bankaviðskiptum1904014
    3. 15.3 Málefni fatlaðra barna1905090
    4. 15.4 Snemmtæk íhlutun og starfsumhverfi í félagsþjónustu1905093
    5. 15.5 Tómstundir eldri borgara1905092
    6. 15.6 Dagdvöl aldraðra1905089
    7. 15.7 Reglur um fjárhagsaðstoð 20191905091
    8. 15.8 Beiðni um afhendingu á jafréttisáætlun ásamt framkvæmdaáætlun1903123

16. 16. Framkvæmdaráð hjúkrunarheimilanna - 11

    Fundargerðin í heild

    Fundargerð framkvæmdaráðs hjúkrunarheimilanna, nr. 11 frá 20.maí 2019, lögð fram til umfjöllunar.

    1. 16.1 Endurnýjun húsnæðis Uppsala
    2. 16.2 Rekstur Uppsala 2019
    3. 16.3 Rekstur Hulduhlíðar 2019
    4. 16.4 Starfs- og fjárhagsáætlun hjúkrunarheimila 2020
    5. 16.5 Breyting á bankaviðskiptum
    6. 16.6 Staða samningamála fyrir þjónustu hjúkrunarheimila
    7. 16.7 Aukinn fjöldi hjúkrunarrýma á Uppsölum

17. 16. Eigna- skipulags- og umhverfisnefnd - 234

    Fundargerðin í heild

    Fundargerð eigna- skipulags- og umhverfisnefndar, nr. 234 frá 20.maí 2019, lögð fram til umfjöllunar.

    1. 16.1 Fóstrun svæðis - Stekkjabrekka 18 Rey.1905098
    2. 16.2 Búfjárhald og búfjársamþykkt1811014
    3. 16.3 750 Stekkholt 12 - umsókn um lóð1905062
    4. 16.4 Æðavarp í landi Kollaleiru1905042
    5. 16.5 Aðalfundur Fiskiræktar og veiðifélags Norðfjarðarár 8.maí 20191904171
    6. 16.6 Eftirlitsmyndavélar1809076