Bæjarráð, fundur 375

Þessi fundargerð á öðrum fundum

• 20. febrúar 2014 Bæjarstjórn, fundur 150 liður 2

  Fundargerðir bæjarráðs teknar til umfjöllunar og afgreiðslu saman.

  Fundargerð bæjarráðs frá 17. febrúar staðfest með 9 atkvæðum.

Dagskrá

1. 1. Kynning á vinnu við eflingu millilandaflugs um Egilsstaðaflugvöll

   Mál 1402008 Allur ferill málsins

   María Hjálmarsdóttir, fulltrúi Austurbrúar, sat þennan lið fundarins og kynnti vinnu vegna eflingar millilandaflugs um Egilsstaðaflugvöll.

   Bæjarráð fagnar verkefninu og ítrekar mikilvægi þess fyrir fjórðunginn.

2. 2. Ósk um kaup á Naustahvammi 52 Norðfirði

   Mál 1402001 Allur ferill málsins

   Beiðni Hákonar Guðröðarsonar f.h. Menningarfjelagsins ehf. um kaup Fjarðabyggðar á fasteigninni að Naustahvammi 52 Norðfirði. Einnig ósk um frestun innheimtuaðgerða, vegna ógreiddra fasteignagjalda, á meðan að viðræður um framtíð hússins standa yfir.

   Bæjarráð samþykkir að kaupa húsið til niðurrifs á upphæð sem nemur álögðum fasteignagjöldum með kostnaði.

3. 3. 730 Fagradalsbraut 2 - umsókn um byggingarlóð

   Mál 1402060 Allur ferill málsins

   Guðgeir Einarsson sækir um lóðina Fagradalsbraut 2 á Reyðarfirði til að byggja hesthús.

   Eigna-, skipulags- og umhverfisnefnd samþykkti fyrir sitt leyti að úthluta lóðinni og vísaði umsókninni til bæjarráðs til endanlegrar afgreiðslu.

   Bæjarráð samþykkir úthlutun lóðarinnar.

4. 4. Málefni Skíðamiðstöðvarinnar í Oddsskarði - Troðari

   Mál 1402112 Allur ferill málsins

   Þennan lið dagskrár sat mannvirkjastjóri.

   Minnisblað mannvirkjastjóra og íþrótta- og tómstundafulltrúa er varðar viðhaldsmál á snjótroðara í Oddsskarði.

   Bæjarráð samþykkir tillögu sem er lögð fram um viðhald á troðaranum. Kostnaður er allt að 9 milljónum kr. við viðgerð og endurnýjun belta sbr minnisblaðið. Viðauki verður fram lagður á næsta fundi bæjarstjórnar með nákvæmri kostnaðargreining. Fjármálastjóra falið að útfæra viðauka á þessum forsendum og fjármögnun verði með lækkun á handbæru fé í Aðalsjóði.

5. 5. Beiðni um styrk fyrir endurhæfingahópa á Fjórðungssjúkrahúsinu í Neskaupstað

   Mál 1402088 Allur ferill málsins

   Beiðni um að einstaklingar í lífsstílshópi, á endurhæfingardeild Fjórðungssjúkrahússins í Neskaupstað, fái ókeypis aðgang í sundlaugina í Neskaupstað á meðan á meðferð stendur.

   Bæjarráð samþykkir að einstaklingar í endurhæfingu hjá Fjórðungssjúkrahúsinu fá endurgjaldslaus afnot af sundlauginni meðan á meðferð stendur. Styrkveiting nemur 10 árskortum. Kostnaði mætt af liðnum óráðstafað 21-69.

6. 6. Beiðni um styrk til að mæta álögðum fasteignaskatti árið 2014

   Mál 1401249 Allur ferill málsins

   Tillaga fræðslustjóra og íþrótta- og tómstundafulltrúa um styrkgreiðslu á móti álögðum fasteignaskatti ársins 2014 hjá fjórum félagasamtökum.

   Bæjarráð samþykkir tillögu fræðslustjóra og niðurfelling nemi 100% af álögðum fasteignaskatti.

7. 7. Sala íbúða í eigu Fjarðabyggðar

   Mál 1402003 Allur ferill málsins

   Þennan lið dagskrár sat mannvirkjastjóri.

   Eigna- skipulags- og umhverfisnefnd hefur samþykkt, fyrir sitt leyti, tillögu mannvirkjastjóra um nýjar reglur varðandi sölu íbúða í eigu Fjarðabyggðar.

   Bæjarráð samþykkir reglurnar fyrir sitt leyti og vísar staðfestingu þeirra til bæjarstjórnar.

8. 8. Tilkynning um breytingu á regluverði

   Mál 1208009 Allur ferill málsins

   Samkvæmt samningi við Kauphöllina (Nasdaq QMX) skulu skráðir viðskiptaaðilar á verðbréfaþingi hafa regluverði og staðgengil regluvarðar. Fjármálastjóri Snorri Styrkársson var skipaður regluvörður 2013. Vegna breytinga í starfsmannamálum á fjármálasviði þarf að skipa staðgengil regluvarðar. Gerð er tillaga um að Gunnlaugur Sverrisson forstöðumaður stjórnsýslu verði staðgengill regluvarðar gagnvart Kauphöll.

   Bæjarráð samþykkir fyrir sitt leyti skipan regluvarðar og vísar staðfestingu til bæjarstjórnar.

9. 9. Umsókn að rammasamningum Ríkiskaupa 2014

   Mál 1402110 Allur ferill málsins

   Árleg endurnýjun á aðild Fjarðabyggðar að rammasamningum Ríkiskaupa.

   Bæjarráð samþykkir aðild Fjarðabyggðar að rammasamningum Ríkiskaupa

10. 10. Ferðaþjónusta fatlaðs fólks 2014

    Mál 1402111 Allur ferill málsins

    Þennan lið dagskrár sat mannvirkjastjóri.

    Greinargerð félagsmálastjóra vegna verðkönnunar á akstursþjónustu fatlaðs fólks, lögð fram til umfjöllunar.

    Bæjarráð samþykkir tillögu félagsmálastjóra um kaup á bifreið sem sinnir akstursþjónustu fatlaðs fólks samanber greinargerðina. Fjárheimild er til staðar í fjárhagsáætlun 2014. Mannvirkjastjóra falið að festa kaup á nýrri bifreið og leysa úr ábyrgðarmálum sem tengjast eldri bifreið.

11. 11. Rekstrar- og uppbyggingarsamningar við íþróttafélög í Fjarðabyggð sem reka eigin íþróttaaðstöðu

    Mál 1308090 Allur ferill málsins

    Þennan lið dagskrár sat fræðslustjóri.

    Fræðslu- og frístundanefnd hefur samþykkt drög að samningum til þriggja ára, við þau sjö íþróttafélög sem reka eigin íþróttaaðstöðu. Vísað til bæjarráðs til fullnaðarafgreiðslu.

    Bæjarráð samþykkir samningana sem eru til þriggja ára og felur bæjarstjóra undirritun þeirra.

12. 12. Fundargerðir barnaverndarnefndar 2014

    Mál 1402090 Allur ferill málsins

    Fundargerð barnaverndarnefndar nr. 40 frá 11. febrúar sl. lögð fram til kynningar.

13. 13. Hafnarstjórn - 127

    Fundargerðin í heild

    Fundargerð hafnarstjórnar nr. 127 frá 11.febrúar 2014 lögð fram til kynningar.

14. 14. Fræðslu- og frístundanefnd - 49

    Fundargerðin í heild

    Fundargerð fræðslu- og frístundanefndar nr. 49 frá 12.febrúar 2014 lögð fram til kynningar.

15. 15. Atvinnu- og menningarnefnd - 54

    Fundargerðin í heild

    Fundargerð atvinnu- og menningarnefndar nr. 54, frá 12.febrúar 2014, lögð fram til kynningar.

16. 16. Eigna- skipulags- og umhverfisnefnd - 86

    Fundargerðin í heild

    Fundargerð eigna- skipulags- og umhverfisnefndar nr. 86 frá 13.febrúar 2014, lögð fram til kynningar.