Félagsmálanefnd, fundur 136

Þessi fundargerð á öðrum fundum

• 14. september 2020 Bæjarráð, fundur 678 liður 15

  Fundargerð félagsmálanefndar frá 8. september sl. lögð fram til afgreiðslu.

• 17. september 2020 Bæjarstjórn, fundur 297 liður 8

  Enginn tók til máls.

  Fundargerð félagsmálanefndar frá 8. september sl. staðfest með 9 atkvæðum.

Dagskrá

1. 1. Starfs- og fjárhagsáætlun félagsmálanefndar 2021

   Mál 2005022 Allur ferill málsins

   Farið yfir samþykkt bæjarráðs á breytingum á forsendum rammaúthlutunar og úthlutaðan ramma fyrir fjárhagsáætlun málaflokksins 2021. Nefndin samþykkir að fela sviðsstjóra og félagsmálastjóra að vinna starfs- og fjárhagsáætlun félagsmálanefndar og leggja aftur fyrir nefndina.

2. 2. Starfs- og fjárhagsáætlun hjúkrunarheimila 2021

   Mál 2005024 Allur ferill málsins

   Farið yfir forsendur fyrir rekstur hjúkrunarheimilanna árið 2021. Framkvæmdaráð hjúkrunarheimilanna mun koma með tillögur fyrir rekstraráætlun fyrir árið 2021.

3. 3. Umhverfisstefna Fjarðabyggðar

   Mál 1704067 Allur ferill málsins

   Umhverfisstjóri Fjarðabyggðar kynnti umhverfisstefnu Fjarðabyggðar fyrir félagsmálanefnd.

4. 4. Reglur um stoð- og stuðningsþjónustu

   Mál 2009002 Allur ferill málsins

   Framlagðar eru nýjar reglur um stuðningsþjónustu í Fjarðabyggð til samþykktar í félagsmálanefnd. Með nýjum reglum er öll stuðningsþjónusta sett undir sömu reglur. Reglurnar eiga því við um þjónustu við börn sem fullorðna og innan heimilis sem utan. Reglurnar ná einnig yfir þjónustu við fatlað fólk.

   Með nýjum reglum falla því úr gildi reglur Fjarðabyggðar um félagslega heimaþjónustu, reglur Fjarðabyggðar um stuðningsfjölskyldur, reglur um félagslega liðveislu hjá félagsþjónustusviði Fjarðabyggðar, reglur um snjómokstur fyrir ellilífeyrisþega og öryrkja og reglur um garðslátt fyrir ellilífeyrisþega og öryrkja.

   Félagsmálanefnd samþykkir reglur um stuðningsþjónustu í Fjarðabyggð fyrir sitt leyti og vísar til bæjarráðs.

5. 5. Styrkbeiðni vegna reksturs Aflsins 2021

   Mál 2009001 Allur ferill málsins

   Afgreiðslu máls frestað til næsta fundar félagsmálanefndar.

6. 6. Uppsögn svæðisfulltrúa Rauða krossins á Austurlandi

   Mál 2008095 Allur ferill málsins

   Framlagður tölvupóstur Beu Meijer í tengslum við uppsögn svæðisfulltrúa Rauða krossins á Austurlandi. Bæjarráð hefur falið bæjarstjóra og sviðsstjóra fjölskyldusviðs að ræða við Rauða Krossinn um málið enda er það óviðunandi að ekki sé svæðisfulltrúi á Austurlandi.

   Félagsmálanefnd lýsir yfir áhyggjum vegna uppsagnar svæðisfulltrúa RKÍ.

7. 7. Málefni hjúkrunarheimila, samningar við Sjúkratryggingar

   Mál 2005127 Allur ferill málsins

   Vísað frá framkvæmdaráði hjúkrunarheimila til bæjarráðs umsögn vegna samninga við Sjúkratryggingar Íslands um rekstur hjúkrunarheimilanna. Vaxandi taprekstur hefur verið á rekstri hjúkrunarheimilanna frá árinu 2014. Mikill taprekstur verður á rekstri hjúkrunarheimilanna á árinu 2020 og fyrirséð er að hann verður einnig mikill á næsta ári að öðru óbreyttu. Í ljósi þessa og umræðunnar á fundinum mælir framkvæmdaráð hjúkrunarheimilanna með að samningi við Sjúkratryggingar Íslands um rekstrinum verði sagt upp. Framkvæmdaráðið telur að uppsögn á samningi sé neyðarúrræði við núverandi aðstæður. Bæjarráð tekur undir bókun framkvæmdaráðs hjúkrunarheimilanna og vísar málinu til félagsmálanefndar. Málinu er jafnframt vísað til næsta fundar bæjarráðs til afgreiðslu. Félagsmálanefnd tekur undir bókun framkvæmdaráðs hjúkrunarheimilanna og vísar til afgreiðslu bæjarráðs.

8. 8. Framkvæmdaráð hjúkrunarheimilanna - 18

   Fundargerðin í heild

   Fundargerð 18. fundar framkvæmdaráðs kynnt í félagsmálanefnd.

   1. 8.1 Rekstur hjúkrunarheimila og Covid 19
   2. 8.2 Rekstur hjúkrunarheimila 2020
   3. 8.3 Endurnýjun húsnæðis Uppsala
   4. 8.4 Starfs- og fjárhagsáætlun hjúkrunarheimila 2021
   5. 8.5 Málefni hjúkrunarheimila, fundur Sambands ísl. sveitarfélaga