Eigna-, skipulags- og umhverfisnefnd, fundur 300

Þessi fundargerð á öðrum fundum

• 15. nóvember 2021 Bæjarráð, fundur 733 liður 11

  Fundargerð eigna- skipulags- og umhverfisnefndar frá 8. nóvember lögð fram til afgreiðslu.

• 18. nóvember 2021 Bæjarstjórn, fundur 322 liður 3

  Til máls tók Eydís Ásbjörnsdóttir.

  Fundargerð eigna- skipulags- og umhverfisnefndar frá 8. nóvember staðfest með 9 atkvæðum.

Dagskrá

1. 1. Umhverfis- og loftlagsstefna Fjb. 2020-2040 - innleiðing

   Mál 2106148 Allur ferill málsins

   Lagt fram til kynningar tilnefningar nefnda í starfshóp um innleiðingu grænna skrefa í Fjarðabyggð.

   Eigna-, skipulags- og umhverfisnefnd staðfestir skipan starfshóps og tilnefnir jafnframt í starfshópinn formann nefndarinnar, sviðsstjóra umhverfis- og skipulagssviðs, sviðsstjóra framkvæmdasviðs og verkefnastjóra úrgangsmála.

2. 2. Boð um þátttöku sveitarfélaga í námskeiðinu Loftslagsvernd í verki

   Mál 2111021 Allur ferill málsins

   Lagt fram til kynningar erindi Sambands íslenskra sveitarfélaga, dagsett 2. nóvember 2021, er varðar námskeið á vegum Landverndar um Loftslagsvernd í verki sem kjörnum fulltrúum og starfsmönnum sveitarfélaga stendur til boða.

   Eigna-, skipulags- og umhverfisnefnd felur umhverfisstjóra að setja námskeiðið og hvetur kjörna fulltrúa, nefndarmenn og aðra starfsmenn til þáttöku.

3. 3. Innleiðing hringrásarhagkerfisins

   Mál 2012172 Allur ferill málsins

   Lagt fram til kynningar erindi Sambands íslenskra sveitarfélaga, dagsett 2. nóvember 2021, er varðar þau verkefni sem framundan eru varðandi meðhöndlun úrgangs í innleiðingu hringrásarhagkerfisins.

4. 4. Samþykkt um hunda- og kattahald - endurskoðun 2021

   Mál 2110088 Allur ferill málsins

   Lagt fram minnisblað umhverfisstjóra, dags. 12. október 2021, er varðar tillögur að breytingum á samþykkt um hunda- og kattahald og annað gæludýrahald í Fjarðabyggð.

   Eigna-, skipulags- og umhverfisnefnd samþykkir breytingar fyrir sitt leyti. Samþykktinni er jafnframt vísað til Heilbrigðisnefndar til umsagnar og bæjarstjórnar til endanlegrar staðfestingar.

5. 5. 735 Deiliskipulag Leira 1, breyting - sameining og stækkun lóða við Leirubakka og Leirukrók

   Mál 2111040 Allur ferill málsins

   Lögð fram beiðni Eskju hf, dagsett 5. nóvember 2021, um að deiliskipulagi Leiru 1 verði breytt þannig að heimil verði bygging þurrgeymslu með því að sameina Leirubakka 4 og Leirukrók 4 í eina lóð, Leirubakka 4. Lóðin er einnig stækkuð til suðurs og vegi hnikað til sem því nemur. Skilmálar fyrir Leirukrók 4 verða felldir út. Lögð fram tillaga að breytingu á deiliskipulagi Leiru 1.

   Eigna-, skipulags- og umhverfisnefnd samþykkir fyrir sitt leyti óverulega breytingu á deiliskipulagi Leiru 1. Farið verði með breytinguna í samræmi við 2. mgr. 43. gr. skipulagslaga nr. 123/2010. Samþykki nágranna liggur fyrir. Endanlegri afgreiðslu er vísað til bæjarstjórnar.

6. 6. 735 Leirubakki 4 og Leirukrókur 4 - Umsókn um sameiningu og stækkun lóða

   Mál 2111037 Allur ferill málsins

   Lögð fram umsókn Eskju hf. dagsett 4. nóvember 2021, þar sem óskað er eftir að lóðir fyrirtækisins að Leirubakka 4 og Leirukrók 4 verði sameinaðar í eina lóð, Leirubakka 4 ásamt stækkun lóðarinnar til suðurs sbr. tillögu að breytingu á deiliskipulagi.

   Eigna-, skipulags- og umhverfisnefnd samþykkir fyrir sitt leyti sameiningu lóðanna og stækkun þegar breytt deiliskipulag hefur verið staðfest. Endanlegri afgreiðslu vegna stækkunar lóðarinnar er vísað til bæjarráðs.

7. 7. 740 Nesgata 7 og 7A - Umsókn um byggingarleyfi, breytingar inni

   Mál 2109188 Allur ferill málsins

   Lagt fram erindi Sniddu Arkitektarstofu fh. eiganda Nesgötu 7a á Norðfirði, dagsett 17. september 2021, þar sem óskað er eftir að skilgreiningu deiliskipulags fyrir lóðina verið breytt þannig að þar verði líka hægt að gera ráð fyrir íbúðum. Samkvæmt aðalskipulagi er reiturinn V3/A5 blönduð landnotkun verslunar- og þjónustu og athafnasvæðis, jafnframt segir að Þar sem aðstæður leyfa megi gera ráð fyrir íbúðum á verslunar- og þjónustusvæðum. Samþykki annarra eiganda hússins liggur fyrir.

   Eigna-, skipulags- og umhverfisnefnd samþykkir gerð íbúðar við Nesgötu 7a. Nefndin samþykkir jafnframt óverulega breytingu deiliskipulagi miðbæjar Neskaupstaðar. Farið verði með breytinguna í samræmi við 3. mgr. 43. gr. skipulagslaga nr. 123/2010 þar sem um svo óveruleg frávik er að ræða að hagsmunir nágranna skerðist í engu hvað varðar landnotkun, útsýni, skuggavarp eða innsýn.

8. 8. Uppsetning á útiæfingatækjum

   Mál 2107013 Allur ferill málsins

   Lagt fram erindi Guðrúnar S. Guðmundsdóttur og Guðrúnar Smáradóttur um uppsetningu útiæfingatækja á Norðfirði. Bæjarráð fjallaði á fundi 25.október um tillögu varðandi uppsetningu á útiæfingartækjum. Aflað hefur verið umsagnar hjá Kvenfélaginu Nönnu en ekki er vilji fyrir uppsetningu tækjanna af hálfu kvenfélagsins í Lystigarðinum. Garðyrkjustjóri Fjarðabyggðar leggur til að tækjunum verði fundinn annar staður þar sem meira pláss er fyrir þau. Bæjarráð fól garðyrkjustjóra frekari vinnslu málsins og vísaði málinu einnig til eigna- skipulags- og umhverfisnefndar.

   Eigna-, skipulags- og umhverfisnefnd er tekur vel í að leggja til land undir umrædd tæki og felur sviðsstjóra umhverfis- og skipulagssviðs og garðyrkjustjóra að finna hentugt svæði undir tækin í samráði við gefendur og leggja fyrir nefndina.

9. 9. Fundargerðir Heilbrigðiseftirlits Austurlands 2021

   Mál 2102187 Allur ferill málsins

   Lögð fram til kynningar fundargerð 164. fundar Heilbrigðiseftirlits Austurlands frá 14. október síðastliðnum.