Bæjarráð, fundur 472

Þessi fundargerð á öðrum fundum

• 12. maí 2016 Bæjarstjórn, fundur 200 liður 4

  Fundargerðir bæjarráðs nr. 472 og nr. 473 teknar fyrir saman til umfjöllunar.

  Til máls tóku Jón Björn Hákonarson og Valdimar O. Hermannsson

  Fundargerð bæjarráðs, nr. 472 frá 2.maí 2016, samþykkt með 9 atkvæðum.

Dagskrá

1. 1. Forsetakosningar 2016

   Mál 1604094 Allur ferill málsins

   Kynnt nánari útfærsla á fyrirkomulagi utankjörfundaratkvæðagreiðslu á Fáskrúðsfirði og í Neskaupstað. Bæjarráð samþykkir að bjóða upp á utankjörfundaratkvæðagreiðslu á bókasöfnunum á Fáskrúðsfirði og í Neskaupstað, fram að kosningum, með samkomulagi við sýslumann um framkvæmd utankjörfundaratkvæðagreiðslunnar.

2. 2. Gjaldskrá safna 2016

   Mál 1510140 Allur ferill málsins

   Minnisblað forstöðumanns Safnastofnunar vegna fyrirkomulags á kynningu á ókeypis aðgangi íbúa Fjarðabyggðar að söfnum bæjarins 2016. Bæjarráð samþykkir að auglýsa ókeypis aðgang fyrir íbúa Fjarðabyggðar að söfnunum sumarið 2016. Skilyrði fyrir ókeypis aðgangi er að viðkomandi framvísi Fjarðabyggðarkorti.

3. 3. Áskorun til bæjarstjórnar vegna ofanflóðavarna í Neskaupstað

   Mál 1604140 Allur ferill málsins

   Framlagður undirskriftarlisti tíu íbúa í Neskaupstað vegna ofanflóðavarna á staðnum. Í erindinu er farið fram á skýringar innanríkisráðuneytisins á túlkun laga um ofanflóðasjóð. Fjarðabyggð mun ekki svara fyrir fyrirspurnir til innanríkisráðuneytisins en vekur athygli á því að ofanflóðavarnir eru unnar á grundvelli laga um varnir gegn snjóflóðum og skriðuföllum frá 1997 og hættumati sem gert var fyrir Neskaupstað og staðfest 2002. Þessi framvæmd sem og aðrar hafa verið vel kynntar og hefur gefist og mun gefast, tækifæri til að koma athugasemdum að í því ferli, m.a. þegar hönnun mannvirkjanna verður kynnt. Þá mun sveitarfélagið leggja áherslu á, nú sem fyrr, að eftirlit með framkvæmdinni verði til fyrirmyndar og samstarf við verkaðila gott. Samstarf við Ofanflóðasjóð hefur í alla staði verið faglegt og sjónarmiðum allra aðila hefur verið haldið á lofti.

4. 4. Forkaupslisti Fjarðabyggðar 2016

   Mál 1603112 Allur ferill málsins

   Lagt fram minnisblað skipulags- og byggingarfulltrúa, dagsett 5. apríl 2016, um forkaupsréttarlista Fjarðabyggðar.

   Eigna-, skipulags- og umhverfisnefnd hefur samþykkt, fyrir sitt leyti, að forkaupslista verði breytt til samræmis við minnisblað og vísaði endanlegri afgreiðslu til bæjarráðs. Bæjarráð samþykkir breytingar á forkaupsréttarlista og felur skipulags- og byggingarfulltrúa að ganga frá breytingum á listanum til auglýsingar í Stjórnartíðindum.

   Vísað til endanlegrar samþykktar í bæjarstjórn.

5. 5. Jarðsig á Sandskeiði á Eskifirði

   Mál 1512093 Allur ferill málsins

   Framlagt til kynningar bréf Vegagerðar um ráðstafanir á veginum ofan Sandskeiðs á Eskifirði og sig sem valdið hefur því að vegurinn er ójafn. Vegagerðin stefnir að bráðabirgðaviðgerðum á veginum.

6. 6. Menningarstefna - Trúnaðarmál

   Mál 1306017 Allur ferill málsins

   Drög að menningarstefnu lögð fram til yfirlestrar. Menningar- og safnanefnd hefur fjallað um stefnuna og fagnar tilurð hennar. Nefndin gerir ekki efnislegar athugasemdir við framlögð drög hennar. Jafnframt fól nefndin stjórnsýslu- og þjónustusviði að útbúa kostnaðargreiningu og drög að erindisbréfi starfsmanns menningarstofu. Formanni nefndarinnar var falið að kynna bæjarráði stefnuna og áherslur hennar.

   Bæjarráð ræddi drög að menningarstefnu, felur bæjarstjóra að fara yfir útfærslur og leggja fyrir ráðið að nýju.

7. 7. Óveðurstjón í desember 2015

   Mál 1512096 Allur ferill málsins

   Rætt um bætur sem fengust vegna tjóna sem urðu í desember vegna óveðurs og ráðstöfun þeirra. Ekki er komin sundurliðun endanlegrar bótafjárhæðar og verður málið tekið fyrir í bæjarráði þegar sundurliðun liggur fyrir.

8. 8. 730 Holtagata 2 - umsókn um stækkun á lóð

   Mál 1604119 Allur ferill málsins

   Lagt fram bréf Andra Martin Sigurðssonar, dagsett 20. apríl 2016, þar sem sótt er um stækkun lóðar hans, að Holtagötu 2 á Reyðarfirði, um rúma þrjá metra til austurs. Gert er ráð fyrir byggingu bílskúrs að nýjum lóðarmörkum.

   Eigna-, skipulags- og umhverfisnefnd hefur samþykkt, fyrir sitt leyti, stækkun lóðarinnar að Holtagötu 2 og vísaði umsókninni til bæjarráðs til endanlegrar afgreiðslu. Bæjarráð samþykkir stækkun lóðar.

9. 9. Ársfundur Austurbrúar ses 2016

   Mál 1604153 Allur ferill málsins

   Ársfundur Austurbrúar ses. verður haldinn á Hótel Framtíð Djúpavogi, 11. maí nk. kl. 15:00. Bæjarráð mun sækja fundinn en bæjarritari mun fara með umboð bæjarins á fundinum.

10. 10. Sumarlokun bæjarskrifstofu 2016

    Mál 1604148 Allur ferill málsins

    Tillaga um sumarlokun bæjarskrifstofu með sama hætti og undanfarin ár.

    Bæjarráð samþykkir að bæjarskrifstofa verði lokuð vikuna fyrir og vikuna eftir verslunarmannahelgi.

11. 11. Umsókn um lán frá Ofanflóðasjóði 2016

    Mál 1604136 Allur ferill málsins

    Drög að umsókn til Ofanflóðasjóðs um lánveitingu frá sjóðnum vegna framkvæmda við ofanflóðavarnir, á árinu 2015 í Fjarðabyggð. Bæjarráð samþykkir lántöku og vísar málinu til staðfestingar bæjarstjórnar.

12. 12. Vinabæjarmót í Stavanger 5.- 7.október 2016

    Mál 1604132 Allur ferill málsins

    Lagðar fram upplýsingar um vinabæjarmót sem haldið verður 5. til 7. október 2016 í Stavanger. Bæjarráð þakkar boðið en ákvörðun um fulltrúa sveitarfélagins verður tekin síðar.

13. 13. Tillaga frá Jyväskylä um samstarf í tengslum við vinabæjarsamskipti

    Mál 1604134 Allur ferill málsins

    Tillaga að samstarfi í tengslum við vinabæjarsamskipti við Jyväskylä. Verkefnið snýst um hagnýta þjónustu við samfélög með stighækkandi lífaldur, það er til þriggja ára og er kallað "Smart Ageing Communities". Evrópusambandið fjármagnar 65% af kostnaði. Ísland er hluti af því svæði sem verkefnið nær yfir, Northern Periphery Action Programme (NPA). Ekki er gerð krafa um að allir þátttakendur séu með sama framlag til verkefnisins.

    Hugmyndin að verkefninu kemur upphaflega frá Írlandi og hafði Háskólinn í Ulster frumkvæði að því.

    Aðrir sem taka þátt í verkefninu eru bærinn Limerick, háskólinn í Umeå og Skellefteå og Jyväskylä.

    Áætlað er að verkefnið hefjist í upphafi árs 2017.

    Unnið er að gerð umsóknar en umsóknarfrestur er til 1.september 2016. Bæjarráð samþykkir þátttöku í verkefninu og felur bæjarritara samskipti vegna kostnaðar og skipulags vinnu við verkefnið. Vísað til kynningar í félagsmálanefnd.

14. 14. Námskeið í sjósporti 2.-9.júlí

    Mál 1604152 Allur ferill málsins

    Lagðar fram upplýsingar um sumarbúðir og mót í sjósporti, sem haldið verður á Eskifirði í júlí. Óskað er eftir aðstoð vegna undirbúnings fyrir mótið. Bæjarráð tekur vel í erindið og vísar því til bæjarritara til afgreiðslu.

15. 15. Nefndaskipan Framsóknarflokks 2014 - 2018

    Mál 1406123 Allur ferill málsins

    Einar Björnsson tekur sæti Sigrúnar Júlíu Geirsdóttur sem varamaður í íþrótta- og tómstundanefnd.

16. 16. Eigna- skipulags- og umhverfisnefnd - 143

    Fundargerðin í heild

    Fundargerð eigna- skipulags- og umhverfisnefndar, nr. 143 frá 25.apríl 2016, lögð fram til kynningar.

17. 17. Hafnarstjórn - 162

    Fundargerðin í heild

    Fundargerð hafnarstjórnar, nr. 162 frá 27.apríl 2016, lögð fram til kynningar.

18. 18. Íþrótta- og tómstundanefnd - 21

    Fundargerðin í heild

    Fundargerð íþrótta- og tómstundanefndar, nr. 21 frá 26.apríl 2016, lögð fram til kynningar.