Safnanefnd, fundur 14

Þessi fundargerð á öðrum fundum

• 23. mars 2020 Bæjarráð, fundur 655 liður 10

  Fundargerð safnanefndar frá 17. mars sl. lögð fram til afgreiðslu.

• 3. apríl 2020 Menningar- og nýsköpunarnefnd, fundur 24 liður 7

  Framlögð til afgreiðslu fundargerð safnanefndar frá 17. mars sl.

Dagskrá

1. 1. Reglugerð um rekstur héraðsskjalasafns

   Mál 2002106 Allur ferill málsins

   Formaður fór yfir málið og kynnti umsögn sem send var að hálfu Fjarðabyggðar vegna reglugerðarinnar.

2. 2. Sala á Búðarvegi 8 - Templarinn

   Mál 2002096 Allur ferill málsins

   Formaður nefndar fór yfir stöðu mála. Safnanefnd ræddi hugmyndir um að húsið verði látið af höndum sveitarfélagsins gegn því að það verði gert upp. Telur Safnanefnd rétt þá að auglýsa húsið á opinberum vettvangi og að bjóðendur leggi fram hugmyndir sínar og tímaáætlun um uppgerð sem horft verði til við ákvörðun um hvort húsið verði látið af hendi. Jafnframt leggur Safnanefnd til að nýttar verði reglur Fjarðabyggðar um styrkveitingar til greiðslu fasteignaskatts og veittur verði 5 ára styrkur til greiðslu fasteignaskatts með húsinu. Vísað til esu.

3. 3. Fundagerðir Héraðsskjalasafns Austurlands 2020

   Mál 2002186 Allur ferill málsins

   Vísað frá menningar- og nýskpunarnefnd til kynningar safnanefndar fundargerð Héraðsskjalasafns Austfirðinga.

   Fundargerð stjórnar Héraðsskjalasafns Austfirðinga lögð fram til kynningar.

4. 4. Þjónustusamningur milli Safnastofnun Fj. og Myndlistarsafn Tryggva

   Mál 2003096 Allur ferill málsins

   Þjónustusamningur Safnastofnunar og Myndlistarsafns Tryggva Ólafssonar fyrir árið 2020 lagður fram til kynningar og samþykktar.

   Safnanefnd samþykkir samninginn fyrir sitt leyti og vísar honum til Menningar- og nýsköpunarnefndar og bæjarráðs.

5. 5. Tilkynning um slit á Safnaráði Neskaupstað

   Mál 2003097 Allur ferill málsins

   Tilkynning um slit á Safnaráði Neskaupstaðar lögð fram til kynningar. Safnanefnd hafði áður samþykkt slit á Safnaráðinu og falið formanni og forstöðumanni frágang málsins. Safnanefnd vísar jafnframt minnisblaði til Menningar- og nýsköpunarnefndar og bæjarráðs til kynningar.

6. 6. Slit félagsins Sjóminja- og smiðjuminjasafn Jósafats Hinrikssonar

   Mál 1911133 Allur ferill málsins

   Lagt fram minnisblað um slit á Sjálfseignarstofnun um Sjóminja- og smiðjumunasafn Jósafats Hinrikssonar til kynningar. Safnanefnd hafði áður samþykkt slit á sjálfseignarstofnuninni fyrir sitt leyti og falið formanni og forstöðumanni frágang málsins. Safnanefnd vísar jafnframt minnisblaði til Menningar- og nýsköpunarnefndar og bæjarráðs til kynningar.

7. 7. Fyrirhuguð uppbygging Íslenska stríðsárasafnsins.

   Mál 1812130 Allur ferill málsins

   Farið var yfir stöðu mála Íslenska stríðsárasafnsins og framtíðarsýn vegna uppbyggingar á svæðinu. Von er á skýrslu nema við safnadeild Háskóla Íslands nú í vor vegna vinnu þeirra nú í byrjun árs við safnið.

   Safnanefnd felur forstöðumanni Safnastofnunar og sviðsstjóra framkvæmdasviðs að vinna kostnaðaráætlun vegna verkloka á endurgerð bragga sem hugsaður er sem móttökurými og leggja fyrir næsta fund Safnanefndar. Þá samþykkir jafnframt Safnanefnd að geymsluhús sem stendur á lóð Stríðsárasafnsins og er síðari tíma bygging sem tengist ekki stríðsáraminjum verði fjarlægður í vor og felur forstöðumanni Safnastofnunar og sviðsstjóra framkvæmdasviðs af afla leyfa þaraf lútandi og sjá til þess að verkið verði unnið á sem hagkvæmastan hátt fjárhagslega.

8. 8. Stjórn Sjóminjasafns Austurlands.

   Mál 1806162 Allur ferill málsins

   Formaður nefndar fór yfir stöðu mála. Safnanefnd vísar því til Eigna-skipulags- umhverfisnefndar að taka skipulagsmál vegna safnasvæðis á Eskifirði til skoðunar. Formanni falið að fylgja máli eftir við Skipulags- og byggingarfulltrúa.