Menningar- og nýsköpunarnefnd, fundur 30

Þessi fundargerð á öðrum fundum

• 14. september 2020 Bæjarráð, fundur 678 liður 16

  Fundargerð menningar- og nýsköpunarnefndar frá 7. september sl. lögð fram til afgreiðslu.

• 17. september 2020 Bæjarstjórn, fundur 297 liður 7

  Til máls tók Magni Þór Harðarson.

  Fundargerð menningar- og nýsköpunarnefndar frá 7. september sl. staðfest með 9 atkvæðum.

Dagskrá

1. 1. Starfs- og fjárhagsáætlun menningar- og nýsköpunarnefndar 2021

   Mál 2005019 Allur ferill málsins

   Rammar að fjárhagsáætlun 2021 fyrir málaflokkinn menningarmál 05 fram lagðir.

   Menningar- og nýsköpunarnefnd felur formanni og bæjarritara að vinna að fjárhagsáætlunargerðinni fyrir málaflokkinn og leggja fyrir nefndina að nýju.

2. 2. Útgáfa á sögu Fáskrúðsfjarðar

   Mál 2006128 Allur ferill málsins

   Farið yfir kostnað við útgáfu sögu Fáskrúðsfjarðar en óformleg verð hafa verið sett fram af útgáfufélaginu.

   Menningar- og nýsköpunarnefnd samþykkir að vísa erindi til fjárhagsáætlunargerðar 2021. Jafnframt samþykkir nefndin að gerð verði áætlun um næstu skref í útgáfunni og hvenær stefnt sé að útgáfu hennar. Nefndin stefnir á að lokið verði við útgáfu sögunnar á árinu 2021.

3. 3. Erlendir ferðamenn í Fjarðabyggð 2014-2019

   Mál 2007004 Allur ferill málsins

   Framlögð greining frá Rannsóknum og ráðgjöf sem unnin var í júní 2020 um niðurstöður og greiningar á straumi ferðamanna til Íslands. Vísað til menningar- og nýsköpunarnefndar frá bæjarráði. Atvinnu- og þróunarstjóri kynnir.

   Menningar- og nýsköpunarnefnd þakkar fyrir góða kynningu á greiningunni. Greiningunni er vísað til áframhaldandi umfjöllunar um ferðamenn í Fjarðabyggð og ferðamálastefnu.

4. 4. Verkefni menningarstofu 2020

   Mál 2001116 Allur ferill málsins

   Forstöðumaður menningarstofu sat þennan lið fundarins og fór yfir helstu verkefni á döfinni.

   Menningar- og nýsköpunarnefnd þakkar fyrir góða yfirferð.