Menningar- og nýsköpunarnefnd, fundur 31

Þessi fundargerð á öðrum fundum

• 5. október 2020 Bæjarráð, fundur 681 liður 18

  Fundargerð menningar- og nýsköpunarnefndar nr. 31 lögð fram til afgreiðslu.

• 15. október 2020 Bæjarstjórn, fundur 299 liður 7

  Enginn tók til máls.

  Fundargerð menningar- og nýsköpunarnefndar frá 28. september sl. staðfest með 8 atkvæðum.

Dagskrá

1. 1. Starfs- og fjárhagsáætlun menningar- og nýsköpunarnefndar 2021

   Mál 2005019 Allur ferill málsins

   Rammar að fjárhagsáætlun 2021 fyrir málaflokkinn menningarmál. Menningar- og nýsköpunarnefnd fól formanni og bæjarritara á fundi 7.september, að vinna að fjárhagsáætlunargerð fyrir málaflokkinn og leggja fyrir nefndina að nýju. Lögð fram minnisblöð um fjárhagsramma menningarmála, atvinnu-, ferða- og markaðsmála og almennt um fjárhagsáætlunargerðina. Ætlunin var að bæjarráð fundaði með formönnum nefnda í vikunni um áherslur, gjaldskrár og starfsáætlanir. Stefnt er að lokafrágangi áætlunar fyrri hluta október.

2. 2. Breytingar á stofnsamningi Héraðsskjalasafns Austfirðinga bs. á árinu 2020

   Mál 2006114 Allur ferill málsins

   Fundargerð stjórnarfundar Héraðsskjalasafns Austfirðinga frá 14. september. Einnig lagðar fram tillögur um breytingar á stofnsamningi byggðasamlagsins sem voru samþykktar á stjórnarfundum í júní og september. Óskað er eftir að svör um stofnsamninginn berist í síðasta lagi þann 20.október. Menningar- og nýsköpunarnefnd felur forstöðumanni safnastofnunar að afla nánari upplýsinga frá Héraðsskjalasafni og upplýsa nefndina á næsta fundi.

3. 3. Málþing um súðbyrðinginn

   Mál 2009198 Allur ferill málsins

   Norræni súðbyrðingurinn hefur verið tilnefndur á lista heimsminjaskrár UNESCO. Lagður fram tölvupóstur frá Vitafélaginu - Íslensk strandmenning, er varðar málþing um súðbirðinginn - norræna trébátinn - sem fyrirhugað er að halda í Fjarðabyggð eftir áramótin. Menningar- og nýsköpunarnefnd tekur vel í erindið og mun taka þátt í skipulagningu viðburðarins eins og aðstæður leyfa.

4. 4. Umsókn um styrk vegna fornleifarannsókna í Stöðvarfirði 2021

   Mál 2009197 Allur ferill málsins

   Félag áhugafólks um fornleifarannsóknir í Stöðvarfirði óskar eftir að Fjarðabyggð styrki rannóknarverkefnið í Stöð um eina milljón, líkt og gert hefur verið undanfarin ár. Menningar- og nýsköpunarnefnd samþykkir að veita umbeðinn styrk og fagnar áframhaldandi vinnu við fornleifarannsóknir í Stöðvarfirði.

5. 5. Gjaldskrá bókasafna 2021

   Mál 2009136 Allur ferill málsins

   Gjaldskrá bókasafna lögð fram til umfjöllunar og afgreiðslu nefndar. Taka þarf ákvörðun um breytingu á gjaldskrá eða að óbreytt gjaldskrá gildi frá 1.janúar 2021. Menningar- og nýsköpunarnefnd leggur til við bæjarráð að gjaldskrá bókasafna verði óbreytt á árinu 2021.

6. 6. Gjaldskrá safna 2021 til 2022

   Mál 2009137 Allur ferill málsins

   Gjaldskrá safna fyrir árið 2022 lögð fram til umfjöllunar og afgreiðslu nefndar. Menningar- og nýsköpunarnefnd leggur til við bæjarráð að aðgangseyrir að söfnum hækki um 100 kr. í öllum gjaldhópum milli áranna 2021 og 2022.