Hafnarstjórn, fundur 310

Þessi fundargerð á öðrum fundum

• 29. apríl 2024 Bæjarráð, fundur 845 liður 21

  Framlögð til umfjöllunar og afgreiðslu fundargerð hafnarstjórnar frá 22. apríl.

• 2. maí 2024 Bæjarstjórn, fundur 376 liður 12

  Fundargerðir hafnarstjórnar teknar til umfjöllunar og afgreiðslu saman.

  Til máls tók Heimir Snær Gylfason.

  Fundargerð hafnarstjórnar frá 22. apríl staðfest með 9 atkvæðum.

Dagskrá

1. 1. Rekstur Fjarðabyggðarhafna

   Mál 2312117 Allur ferill málsins

   Yfirferð þeirrar vinnu sem hefur verið unnin frá síðasta fundi. Hafnarstjóra og verkefnastjóra hafna er falið að vinna málið áfram fyrir næsta fund.

2. 2. Starfs- og fjárhagsáætlun hafnarstjórnar 2024

   Mál 2305073 Allur ferill málsins

   Farið yfir stöðu framkvæmda í samhengi við fjárfestingaáætlun.

3. 3. Eskifjarðarhöfn - stækkun

   Mál 2003091 Allur ferill málsins

   Farið yfir stöðu mála varðandi framkvæmdir við Frystihússbryggjuna á Eskifirði, dýpkun hafnarinnar ásamt hönnun og frágang lóðar. Hafnarstjórn felur verkefnastjóra hafna og hafnarstjóra að vinna áfram að málinu og leggja fyrir að nýju. Hefja þarf samtal við hagaðila um nýtingu á nýjum hafnarkanti og þær breytingar sem fylgja honum.

4. 4. Sævarendi 2, Stöðvarfirði

   Mál 2404163 Allur ferill málsins

   Framgangur framkvæmda við Sævarenda 2 á Stöðvarfirði ræddur. Hafnarstjórn óskar eftir að fá kynningu á verkáætlun sumarsins við Sævarenda 2 fyrir næsta fund sinn. Hafnarstjóra falið að ræða við aðila á grundvelli viljayfirlýsingarinnar og kalla eftir áætlun um frágang svæðisins.

5. 5. Öryggismál hafna

   Mál 2206100 Allur ferill málsins

   Á 309.fundi hafnarstjórnar var verkefnastjóra hafna falið að koma með tillögu að breyttu verklagi við hafnsögu. Málið er til skoðunar með hafnsögumönnum þrátt fyrir að engar vísbendingar séu um að þörf sé á að breyta verklagi við hafnsögu.

6. 6. Styrkir til Orkuskipta

   Mál 2403216 Allur ferill málsins

   Hafnarstjórn samþykkti á 309.fundi sínum að sótt verði um styrk í samstarfi við CT Orku ehf. vegna landtengingar á Mjóeyrarhöfn. Lögð fram til kynningar gögn tengd umsókninni.

7. 7. Aðstöðuhús við Stöðvarfjarðarhöfn

   Mál 2404121 Allur ferill málsins

   Ábending barst frá íbúa á Stöðvarfirði um að merkja salernin á höfninni sem almenningssalerni þar sem engin þjónusta væri við ferðamenn í bænum um þessar mundir. Af öryggissjónarmiðum telur hafnarstjórn ekki æskilegt að beina umferð á þetta svæði. Verkefnastjóra hafna falið að ræða málið við verkefnastjóra Sterks Stöðvarfjarðar.

8. 8. Löndun meltu í Fjarðabyggðarhöfnum

   Mál 2404167 Allur ferill málsins

   Borið hefur á að meltu frá laxeldi sé landað í Fjarðabyggðarhöfnum án þess að tilkynningar þess efnis séu sendar höfninni. Löndun meltu er gjaldskyld samkvæmt gjaldskrá Fjarðabyggðarhafna. Verkefnastjóra hafna falið kanna hvaða ábyrgðir liggja á Fjarðabyggðarhöfnum hvað varðar uppskipun á meltu í höfnunum og leggja fram minnisblað er varðar tilkynningaskyldu, ábyrgðir og meðferð meltu í höfnum Fjarðabyggðar.

9. 9. Leyfi fyrir viðbótar hafnarkrana við Mjóeyrarhöfn - Eimskip

   Mál 2307125 Allur ferill málsins

   Þann 20.nóvember síðastliðinn gaf hafnarstjórn Eimskip leyfi fyrir viðbótar krana á Mjóeyrarhöfn. Farið yfir málin varðandi höfnina. Verkefnastjóra hafna falið að útbúa mælingaráætlun og leggja fram til kynningar ásamt niðurstöðu mælinga.

10. 10. Ósk um flotbryggjur við Bæjarbryggjuna á Norðfirði

    Mál 2404168 Allur ferill málsins

    Lagt fram erindi skemmtibátseiganda á Norðfirði þar sem óskað er eftir að sett verði niður flotbryggja við austurkant Bæjarbryggjunnar. Hafnarstjórn þakkar erindið en mun ekki fara í niðursetningu á flotbryggjum á þessum stað. Þær flotbryggjur sem vísað er til í erindinu eru á leið í önnur not. Skemmtibátaeigendur eru hvattir til að nýta sér aðrar bryggjur sem til staðar eru í bænum.

11. 11. Ársreikningur Hafnasambands Íslands 2023

    Mál 2404155 Allur ferill málsins

    Lagður fram til kynningar ársreikningur Hafnasambands Íslands 2023. Samkvæmt 5.mgr. 5.gr. laga Hafnasambands Íslands skal ársreikningurinn kynntur aðildarhöfnum áður en stjórn samþykkir hann og óskast athugasemdir, ef einhverjar eru, sendar fyrir 6.maí n.k. Hafnarstjórn þakkar kynninguna og gerir engar athugasemdir við ársreikninginn.