Beint í efni
Hnotskurninn

NefndirHafnarstjórn

Hafnarstjórn, fundur 232

25. nóvember 2019, kl. 11:30 til 13:00, í fundarsal á bæjarskrifstofunum að Hafnargötu 2 á Reyðarfirði. Fundargerð ritaði Birgitta Rúnarsdóttir.

Fundarmenn samkvæmt fundargerð (7)

Fundinn sátu

  • Jón Björn Hákonarson, formaður
  • Eydís Ásbjörnsdóttir, varaformaður
  • Sævar Guðjónsson, aðalmaður
  • Rúnar Már Gunnarsson, aðalmaður

Starfsmenn

  • Karl Óttar Pétursson, bæjarstjóri
  • Marinó Stefánsson, embættismaður
  • Birgitta Rúnarsdóttir, embættismaður

Þessi fundargerð á öðrum fundum

  • Bæjarráð, fundur 642 liður 6

    Fundargerð hafnarstjórnar, nr. 232 frá 25.nóvember 2019, lögð fram til umfjöllunar.

  • Bæjarstjórn, fundur 281 liður 4

    Til máls tóku Jón Björn Hákonarson og Sævar Guðjónsson.

    Fundargerð hafnarstjórnar, nr. 232 frá 25.nóvember 2019, samþykkt með 9 atkvæðum.

Dagskrá

  1. 1. Erindi varðandi Breiðdalsvíkurhöfn

    Mál 1911086 Allur ferill málsins

    Lagt fyrir erindi frá Elís Pétri Elíssyni varðandi höfnina á Breiðdalsvík. Hafnarstjórn þakkar bréfritara fyrir erindið og mun taka það til frekari skoðunar í vinnu sinni.

  2. 2. Endurnýjun dráttarbáts

    Mál 1911119 Allur ferill málsins

    Endurnýjunar er þörf á dráttarbáti Fjarðabyggðarhafna til framtíðar litið. Hafnarstjórn er sammála um að hefja skoðun og þarfagreiningu á nýjum slíkum báti. Verkefnastjóra hafna og sviðsstjóra framkvæmdasviðs falið að halda utan um þá vinnu.

  3. 3. Hafnarkantur við nýja netaverkstæðið að Naustahvammi 9

    Mál 1911123 Allur ferill málsins

    Lagt fyrir erindi frá Hampiðjunni Ísland ehf. varðandi hafnarkantinn við netagerðina á Norðfirði. Hafnarstjóra og starfsmönnum falið að ræða við bréfritara um útfærslur og frekari skoðun á málinu.

  4. 4. Beiðni um umsögn v.endurnýjunar heimavigtunarleyfis fiskimjölsverksmiðju

    Mál 1911085 Allur ferill málsins

    Lögð fram til kynningar umsögn vegna endurnýjunar heimavigtunarleyfis fiskimjölsverksmiðju Síldarvinnslunnar. Hafnarstjórn gerir ekki athugasemd við umsögnina og felur hafnarstjóra að senda hana.

  5. 5. Listi yfir undanþágu frá Hafnsöguréttindum

    Mál 1901127 Allur ferill málsins

    Fram hafa komið athugasemdir vegna undanþágu frá lóðsskyldu. Hafnarstjóra falið að ræða við skipafélög vegna málsins og leggja fyrir að nýju.

  6. 6. Veðurstöðvar á Fjarðabyggðarhöfnum

    Mál 1911045 Allur ferill málsins

    Framlagðar upplýsingar um veðurstöðvar. Tekið fyrir á næsta fundi.

  7. 7. Seatrade Cruise Global sýningin í Miami 2020

    Mál 1911070 Allur ferill málsins

    Erindi frá Cruise Iceland vegna sýningarinnar Seatrade Cruise Global í Miami 20-23.apríl 2020 um hvort Fjarðabyggðarhafnir vilji nýta sameiginlegan starfsmann þar. Kostnaður 80.000 kr. Hafnarstjórn samþykkir erindið.

  8. 8. Reglur um endurgerð gamalla bryggja

    Mál 1910182 Allur ferill málsins

    Framlögð drög að reglum um styrkveitingu vegna viðhalds og endurgerðar gamalla bryggja. Verkefnastjóra hafna falið að gera lítilsháttar breytingar í samræmi við umræður á fundinum. Hafnarstjórn samþykkir reglurnar fyrir sitt leyti og vísar þeim til bæjarráðs.

  9. 9. Afskráning Stöðvarfjarðarhafnar (ISSTD)

    Mál 1911134 Allur ferill málsins

    Breyting á skráningu Stöðvarfjarðarhafnar vegna skipa í alþjóðasiglingum. Verkefnastjóra hafna falið að ganga frá breytingu.

  10. 10. 740 Afnotasamingur fyrir Egilsbraut 2

    Mál 1808028 Allur ferill málsins

    Afnotasamningur milli hafnarstjórnar og Safnastofnunar Fjarðabyggðar vegna Egilsbrautar 2. Áður tekið fyrir á 206.fundi hafnarstjórnar. Hafnarstjórn samþykkir samninginn og felur hafnarstjóra undirritun hans.