Hafnarstjórn, fundur 148

Þessi fundargerð á öðrum fundum

• 13. apríl 2015 Bæjarráð, fundur 423 liður 20

  Fundargerð hafnarstjórnar frá 31. mars lögð fram til kynningar.

• 15. apríl 2015 Bæjarstjórn, fundur 177 liður 5

  Enginn tók til máls.

  Fundargerð hafnarstjórnar frá 31. mars staðfest með 9 atkvæðum.

Dagskrá

1. 1. Fundagerðir Hafnasamband Íslands árið 2015

   Mál 1501066 Allur ferill málsins

   Fundargerð stjórnar Hafnasambands Íslands nr. 373 dags. 13. mars 2015. Lögð fram til kynningar.

2. 2. Aðstöðuhús við smábátahafnir

   Mál 1503148 Allur ferill málsins

   Gerð grein fyrir undirbúningi við gerð aðstöðuhús fyrir Stöðvarfjörð. Fyrir fundinum lá minnisblað frá vegna málsins. Hafnarstjórn samþykkir að fara eftir því sem lagt er upp með í minnisblaði.

3. 3. Beiðni um leyfi ti að fá að setja skilti um friðlýsingu vegna æðarvarps við smábátahafnir á Reyðarfirði og Eskifirði.

   Mál 1503176 Allur ferill málsins

   Erindi frá Elíasi Jónssyni dags. 24. mars 2015. Um er að ræða beiðni um leyfi til að fá að setja upp skilti um friðlýsingu vegna æðarvarps við smábátahafnir á Reyðarfirði og Eskifirði til að minna smábátaeigendur á friðlýsingu kringum Hólmana. Fram kemur að skiltið þyrfti að standa u.þ.b. frá 15 apríl til 15 júlí,en tekið niður utan þess tíma. Hafnarstjórn samþykkir að heimila uppsetningu skiltis í samráði við hafnarverði.

4. 4. Grjótvarnir við Nesgötu 4 Norðfirði

   Mál 1503129 Allur ferill málsins

   Bréf frá Björgunarsveitinni Gerpi dagsett 17. mars 2015 þar sem óskað er eftir stuðningi við að grjótverja lóð og gera bryggju. Hafnarstjórn þakkar fyrir erindið og vísar því til skoðunar hjá framkvæmdasviði ásamt fleiri sambærilegum verkefnum.

5. 5. Innkaupareglur 2015 - endurskoðun

   Mál 1503141 Allur ferill málsins

   Innkaupareglur - yfirferð 2015

   Skv. 34. gr. innkaupareglna skulu fjárhæðir endurskoðaðar ár hvert af bæjarstjórn Fjarðabyggðar, að fenginni tillögu fjármálastjóra, sbr. 8. gr. reglnanna. Innkaupareglurnar skulu yfirfarnar og framkvæmd þeirra metin í fyrsta sinn innan árs frá gildistöku þeirra en þær tóku gildi 30.maí 2013.

   Bæjarráð samþykkir að vísa núgildandi reglum til nefnda sveitarfélagsins til umsagnar og reglurnar verða teknar til endurskoðunar í bæjarráði að lokinni yfirferð nefnda. Hafnarstjórn telur að reglurnar hafi nýst vel en leggur til lítilsháttar breytingar við viðmiðunarfjárhæðir. Framkvæmdastjóra falið að taka saman minnisblað samkvæmt umræðum hafnarstjórnar.

6. 6. Lóa og lagfæring á upptökustað

   Mál 1503158 Allur ferill málsins

   Erindi frá Gunnari Hjaltasyni dags. 20. mars 2015 þar sem hann bendir á bát sem hann á og henti sem hafnsögubátur auk þess að hann óskar efti að upptökurampur á Reyðarfirði verði gerður brattari. Framkvæmdastjóra falið að taka saman minnisblað varðandi hafnsögu og notkun hafnsögubáts. Hafnarstjórn felur framkvæmdastjóra að láta laga halla upptökuramps á Reyðarfirði.

7. 7. Norðfjörður - Fylling og stálþil á þróunarsvæði

   Mál 1503131 Allur ferill málsins

   Framkvæmdastjóri gerði grein fyrir stöðu málsins og upplýsingum frá Fjarðanetum. Hafnarstjórn felur framkvæmdastjóra að vera í sambandi við sigingasvið Vegagerðarinnar vegna fyrirhugaðs útboðs á stáli.

8. 8. Norðfjörður - Fyrirspurn vegna foktjóns 14. mars 2015

   Mál 1503165 Allur ferill málsins

   Fyrirspurn barst frá smábátaeigendum um hvort höfnin bætti þeim tjón sem þeir urðu fyrir vegna foks þann 14. mars sl. Framkvæmdastjóri gerði grein fyrir málinu.

9. 9. Tillaga að breytingu á Aðalskipulagi Fjarðabyggðar 2007-2027, tillaga að breytingu á deiliskipulagi Naust 1 og umhverfisskýrsla send umsagnaraðilum til umsagnar fyrir auglýsingu

   Mál 1503183 Allur ferill málsins

   Erindi frá skipulags- og byggingafulltrúa dags. 25. mars 2015, þar sem óskað er umsagnar um tillögu að breytingu á Aðalskipulagi Fjarðabyggðar 2007 - 2027, tillögu að breytingu á deiliskipulagi Naust 1 og umhverfisskýrslu.

   Hafnarstjórn gerir ekki athugasemd við framangreint.

10. 10. Frágangur vegna fisk- og kræklingaeldis

    Mál 1503173 Allur ferill málsins

    Erindi frá bæjarráði 16. mars 2015 vegna frágangs á búnaði frá fisk- og kræklingaeldi.

    Bæjarráð felur hafnarstjórn að leita lausna vegna frágangs á búnaði á hafsbotni sem tengst hefur fisk- og kræklingaeldi i fjörðum Fjarðabyggðar en þessi búnaður hefur verið að valda sjófarendum vanda.

    Hafnarstjórn felur framkvæmdastjóra að fá heilbrigðisfulltrúa til fundar við sig um málið.

11. 11. Norðfjörður - umhverfisfrágangur við smábátahöfn

    Mál 1412034 Allur ferill málsins

    Frumhugmyndir af umhverfisfrágangi við höfnina á Norðfirði kynntar. Hafnarstjórn kom með nokkrar ábendinga um úrbætur og fól framkvæmdastjóra að koma þeim til hönnuðar.