Hafnarstjórn, fundur 129

Þessi fundargerð á öðrum fundum

• 31. mars 2014 Bæjarráð, fundur 379 liður 22

  Fundargerð hafnarstjórnar frá 25. mars lögð fram til kynningar.

• 10. apríl 2014 Bæjarstjórn, fundur 153 liður 8

  Enginn tók til máls.

  Fundargerð hafnarstjórnar frá 25. mars staðfest með 9 atkvæðum.

Dagskrá

1. 1. Beiðni um viðræður um viðkomu Nörrænu í Fjarðabyggðarhafnir

   Mál 1310223 Allur ferill málsins

   Á fundi hafnarstjórnar 5. nóvember 2013 var fjallað um erindi frá P/F Smyril Line dags. 30. október 2013 þar sem óskað er eftir viðræðum um viðkomu Nörrænu í Fjarðabyggðarhöfnum. Samþykkt var að verða við þeirri ósk P/F Smyril Line og var framkvæmdastjóra Fjarðarbyggðarhafna, formanni hafnarstjórnar og bæjarstjóra falið að eiga viðræður við fyrirtækið. Í framhaldi af því hafa forsendur verið skoðaðar hvað hafnaraðstöðu og staðarval varðar. Farið yfir málið.

   Hafnarstjórn og bæjarráð samþykkir að viðræðum verði haldið áfram á grundvelli beiðnar P/F Smyril line og athugunar hafnarsjóðs Fjarðabyggðar, með fyrirhugaða staðsetningu á Eskifirði fyrir augum. Bæjarráð og bæjarstjóri yfirgáfu fundinn.

2. 2. Fundagerðir Hafnasamband Íslands árið 2014

   Mál 1401229 Allur ferill málsins

   Fundargerð stjórnar Hafnasambands Íslands nr. 363, dagsett 28. febrúar 2014, ásamt ársreikningi Hafnarsambandsins fyrir árið 2013. Kynnt.

3. 3. Fyrirspurn vegna tillagna starfshóps um neyðarhafnir og skipaafdrep

   Mál 1402155 Allur ferill málsins

   Erindi frá Samgöngustofu dags. 24. febrúar 2014 þar sem gerð er grein fyrir að nú hafi verið ákveðið að hrinda í framkvæmd tillögum starfshópsins og er verið að endurskoða aðgerðaáætlun um neyðarhafnir og skipaafdrep sem unnar voru í apríl 2008. Kynnt ásamt svari framkvæmdastjóra við erindinu. Framkvæmdastjóra falið að fylgja málinu eftir.

4. 4. Kortlagning á starfsemi sjávarútvegs á Austfjörðum, og mögulegri nýsköpun sem gæti leynst þar

   Mál 1402140 Allur ferill málsins

   Erindi frá Íslenska sjávarklasanum dags. 20. febr. 2014 þar sem verið er að kanna áhuga fyrir kortlagningu á starfsemi sjávarútvegsins á Austfjörðum og þeirri nýsköpun sem gæti leynst þar, og þá mögulega fjármögnun á henni. Fyrir lágu skýrslur sem unnar hafa verið fyrir Faxaflóahafnir, Suðurnesin og Höfn í Hornafirði.

   Hafnarstjórn tekur vel í erindið og felur framkvæmdastjóra að afla frekari upplýsinga.

5. 5. Seatrade Med Cruise 2014 í Barcelaona

   Mál 1403105 Allur ferill málsins

   Þátttaka á sölusýningu skemmtiferðaskipa í Barcelona 16. til 18. september 2014. Hafnarstjórn samþykkir að senda fulltrúa á sölusýninguna.

6. 6. Skeljungur v olíubryggju á Eskifirði

   Mál 2008-05-06-792 Allur ferill málsins

   Erindi frá Mannvit hf fyrir hönd Skeljungs þar sem óskað er umsagnar hafnarsjóðs á hönnun og legu uppskipunarlagnar fyrir olíu á olíubryggju Eskifirði.

   Framkvæmdastjóri hefur veitt umsögn vegna málsins. Hafnarstjórn staðfestir umsögnina

7. 7. Umsókn um undanþágu frá lóðsskyldu

   Mál 1403109 Allur ferill málsins

   Erindi frá Thor Shipping ehf dags. 21. mars 2014 þar sem óskað er eftir undanþágu frá lóðsskyldu fyrir Valeriy Petkevich skipstjóra á M/v Uta að og frá Mjóeyrarhöfn. Hafnarstjórn veitir framkvæmdastjóra heimild til að ganga frá málinu þegar staðfesting liggur fyrir frá yfirhafnsögumanni.