Fræðslunefnd, fundur 133

Þessi fundargerð á öðrum fundum

• 13. nóvember 2023 Bæjarráð, fundur 822 liður 18

  Fundargerð fræðslunefndar frá 7. nóvember lögð fram til umfjöllunar og afgreiðslu.

• 16. nóvember 2023 Bæjarstjórn, fundur 363 liður 4

  Fundargerðir fræðslunefndar nr. 132 og 133 lagðar fram til umfjöllunar og afgreiðslu saman.

  Engin tók til máls.

  Fundargerð fræðslunefndar nr. 133 frá 7. nóvember er staðfest með 9 greiddum atkvæðum

Dagskrá

1. 1. Starfsáætlanir og skólanámskrár 2023-2024

   Mál 2310142 Allur ferill málsins

   Fræðslunefnd hefur kynnt sér starfsáætlanir og skólanámskrár leik-, grunn- og tónlistarskóla Fjarðabyggðar. Fræðslunefnd samþykkir fyrirliggjandi starfsáætlanir og skólanámskrár skólaárið 2023-2024.

2. 2. Sumarlokun leikskóla 2024

   Mál 2311038 Allur ferill málsins

   Fyrir liggur minnisblað um sumarlokun leikskóla 2024. Í minnisblaðinu eru lagðar fram tvær tillögur. Fræðslunefnd samþykkir fyrri tillöguna sem gerir ráð fyrir fjögurra vikna sumarlokun eða 20 virkum dögum og er það í samræmi við starfsáætlun í fræðslumálum og niðurstöðu starfshóps um sumaropnun leikskóla. Þá kemur fram að sumarlokun leikskólanna verði stillt af þannig að sumarlokun leikskólanna fimm spanni u.þ.b. tvo mánuði sumarsins. Lagt er til að sumarlokun leikskólanna sumarið 2024 verði þessi:

   Eyrarvellir Norðfirði 24.06-19.07 báðir dagar meðtaldir

   Dalborg Eskifirði 08.07-06.08 báðir dagar meðtaldir

   Breiðdals- og Stöðvarfjarðarskóli 08.07-06.08 báðir dagar meðtaldir

   Kæribær Fáskrúðsfirði 17.07-14.08 báðir dagar meðtaldir

   Lyngholt Reyðarfirði 17.07-14.08 báðir dagar meðtaldir

   Þá er athygli vakin á reglum um leikskóla í Fjarðabyggð, en samkvæmt þeim geta foreldrar boðið börnum sínum upp á fjögurra, sex eða átta vikna sumarleyfi. Leikskólagjöld falla niður í einn mánuð, einn og hálfan mánuð eða tvo mánuði eftir lengd sumarleyfis.

3. 3. Starfshópur um verkefnið Brúum bilið

   Mál 2311039 Allur ferill málsins

   Stjórnandi fræðslumála og skólaþjónustu kynnti tillögu að starfshóp varðandi verkefnið Brúum bilið. Verkefnið miðar að því að brúa bilið milli skólastiga, það er elstu nemendur leikskólanna og 1.bekkjar grunnskólanna. Í starfshópnum munu sitja sérkennslustjórar leikskólanna, með aðkomu sérkennara grunnskólanna, en hópnum er ætlað mynda betri samfellu og umgjörð um verkefnið Brúum bilið.

   Fræðslunefnd fagnar þessu verkefni.

4. 4. Skýrsla stjórnanda fræðslumála og skólaþjónustu

   Mál 2311040 Allur ferill málsins

   Stjórnandi fræðslumála og skólaþjónustu fór yfir viðfangsefni leik-, grunn- og tónlistarskólanna í októbermánuði.

   Fræðslunefnd þakkar greinagóða kynningu.