Eigna-, skipulags- og umhverfisnefnd, fundur 302

Þessi fundargerð á öðrum fundum

• 13. desember 2021 Bæjarráð, fundur 736 liður 14

  Fundargerð eigna- skipulags- og umhverfisnefndar frá 6. desember lögð fram til staðfestingar.

• 16. desember 2021 Bæjarstjórn, fundur 324 liður 3

  Enginn tók til máls.

  Fundargerð eigna- skipulags- og umhverfisnefndar frá 6. desember staðfest með 9 atkvæðum.

Dagskrá

1. 1. 730 Stekkjartún 1 - Umsókn um byggingarleyfi, einbýlishús

   Mál 2110047 Allur ferill málsins

   Lögð fram byggingarleyfisumsókn Esterar Boateng Tómasdóttur, dagsett 7. október 2021, þar sem sótt er um leyfi til að byggja 198,3 m2 og 736,2 m3 einbýlishús með innbyggðum bílskúr á lóð hennar að Stekkjartúni 1 á Reyðarfirði.

   Eigna-, skipulags- og umhverfisnefnd samþykkir byggingaráformin

2. 2. 740 Naustahvammur 67 - Umsókn um byggingarleyfi byggja við löndunarhús, seinni hluti

   Mál 2111128 Allur ferill málsins

   Lögð fram byggingarleyfisumsókn Síldarvinnslunnar hf, dagsett 19. nóvember 2021, þar sem sótt er um leyfi til að byggja tvo 43 m2 og 774 m3 hráefnistanka og 122,7 m2 og 1.516,5 m3 viðbyggingu við núverandi löndunarhús á lóð fyrirtækisins við Naustahvamm 67-69. Viðbyggingin er tengibygging að tönkunum sem reistir verða við löndunarhúsið.

   Eigna-, skipulags- og umhverfisnefnd samþykkir byggingaráformin

3. 3. 730 Stekkjarholt 19-21 - Umsókn um lóð

   Mál 2112001 Allur ferill málsins

   Lögð fram lóðarumsókn Ingvars Guðmundssonar, dagsett 30. nóvember 2021, þar sem sótt er um lóðina við Stekkjarholt 19-21 á Reyðarfirði undir parhús.

   Eigna-, skipulags- og umhverfisnefnd samþykkir, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.

4. 4. 730 Ægisgata 9 - Umsókn um endurnýjun á lóðaleigusamningi

   Mál 2111144 Allur ferill málsins

   Lögð fram umsókn Skútabergs ehf, dagsett 22. nóvember 2021, þar sem óskað er eftir endurnýjun lóðarleigusamnings lóðar fyrirtækisins að Ægisgötu 9 á Reyðarfirði. Lögð fram tillaga að lóðarblaði. Lagt fram minnisblað sviðsstjóra umhverfis- og skipulagssviðs frá síðustu endurnýjun lóðarleigusamnings, dagsett 5. febrúar 2016.

   Eigna-, skipulags- og umhverfisnefnd felur sviðsstjóra umhverfis- og skipulagssviðs ásamt bæjarstjóra að ræða við umsækjanda og leggja fyrir nefndina að nýju.

5. 5. 730 Heiðarvegur 18 - Umsókn um endurnýjun á lóðaleigusamningi

   Mál 2110045 Allur ferill málsins

   Lögð fram umsókn Skarphéðins Haraldssonar, dagsett 7. október 2021, þar sem óskað er eftir endurnýjun lóðarleigusamnings lóðar hans að Heiðarvegi 18 á Reyðarfirði. Lögð fram tillaga að lóðarblaði.

   Eigna-, skipulags- og umhverfisnefnd samþykkir að lóðarleigusamningur verði endurnýjaður.

6. 6. Umsókn um framkvæmdaleyfi - sjóvarnir í Norðfirði og Eskifirði

   Mál 2110110 Allur ferill málsins

   Lögð fram umsókn Vegagerðarinnar um framkvæmdaleyfi, ásamt fylgigögnum, vegna sjóvarna í Norðfirði og Eskifirði.

   Eigna-, skipulags- og umhverfisnefnd samþykkir útgáfu framkvæmdaleyfis.

7. 7. 730 Stekkjargrund - Fyrirspurn um fjölgun íbúða

   Mál 2112024 Allur ferill málsins

   Lögð fram fyrirspurn Hauks Sverrissonar, dagsett 2. desember 2021, þar sem leitast eftir áliti á því hvort heimild fengist til að byggja 3. íbúða raðhús á lóðinni við Stekkjargrund 5-7 í stað parhúss og hvort heimild fengist til að byggja parhús á lóðinni við Stekkjargrund 13 í stað einbýlishúss.

   Eigna-, skipulags- og umhverfisnefnd tekur vel í erindið. Breyting á deiliskipulagi yrði grenndarkynnt næstu nágrönnum.

8. 8. 750 Skólavegur 57 - Fyrirspurn um breytta notkun

   Mál 2112025 Allur ferill málsins

   Lögð fram fyrirspurn Jónasar Benediktssonar, dagsett 3. desember 2021, þar sem leitast eftir áliti á því hvort heimild fengist til að breyta notkun atvinnuhúsnæðis hans að Skólavegi 57 á Fáskrúðsfirði í fjölbýlishús með nokkrum íbúðum.

   Eigna-, skipulags- og umhverfisnefnd tekur vel í erindið og telur að hægt sé að breyta notkun Skólavegar 57 í íbúðarhús.

9. 9. Krafa um skaðabætur vegna fasteignanna að Mánagötu 3 og 7 Reyðarfirði

   Mál 2106098 Allur ferill málsins

   Framlagt til kynningar trúnaðarmál um samkomulag við eiganda Mánagötu 3 og 7 um málalok.