Eigna-, skipulags- og umhverfisnefnd, fundur 141

Þessi fundargerð á öðrum fundum

• 11. apríl 2016 Bæjarráð, fundur 469 liður 12

  Fundargerð eigna- skipulags- og umhverfisnefndar, nr. 141 frá 4. apríl 2016, lögð fram til kynningar.

• 28. apríl 2016 Bæjarstjórn, fundur 199 liður 6

  Fundargerðir eigna- skipulags- og umhverfisnefndar nr. 141 og nr. 142 teknar til afgreiðslu saman.

  Til máls tóku Jón Björn Hákonarson

  Fundargerð eigna- skipulags- og umhverfisnefndar, nr. 141 frá 4.apríl 2016, samþykkt með 9 atkvæðum.

Dagskrá

1. 1. 730 Aðalskipulagi Fjarðabyggðar 2007-2027 breyting - stækkun akstursíþróttasvæðis og nýs skotsvæðis vestan Bjarga á Reyðarfirði

   Mál 1403113 Allur ferill málsins

   Almennur íbúafundur þar sem breyting á aðalskipulagi var kynnt var haldinn 30. mars síðastliðinn.

   Tekin umræða um íbúafundinn. Eigna-, skipulags- og umhverfisnefnd felur skipulags- og byggngarfulltrúa að skoða málið frekar og kynna á næsta fundi nefndarinnar.

2. 2. 730 - Deiliskipulag aksturs- og skotíþróttasvæða vestan Bjarga

   Mál 1109100 Allur ferill málsins

   Almennur íbúafundur þar sem tillaga að deiliskipulagi var kynnt var haldinn 30. mars síðastliðinn.

   Tekin umræða um íbúafundinn. Eigna-, skipulags- og umhverfisnefnd felur skipulags- og byggngarfulltrúa að skoða málið frekar og kynna á næsta fundi nefndarinnar.

3. 3. 740 Hafnarbraut 17 - byggingarleyfi

   Mál 1602144 Allur ferill málsins

   Lögð fram byggingarleyfisumsókn Vigfúsar Vigfússonar, dagsett 17. febrúar 2016, þar sem sótt er um leyfi til að byggja 63 m2 glerskála við hús hans að Hafnarbraut 17 á Norðfirði. Afgreiðslu frestað á 139. og 140. fundi nefndarinnar.

   Eigna-, skipulags- og umhverfisnefnd getur ekki samþykkt umsóknina þar sem samanlagður grunnflötur núverandi byggingar og viðbyggingar yrði stærri en heimilað er á lóðinni samkvæmt deiliskipulagi.

   Nefndin bendir jafnframt á að þar sem Hafnarbraut 17 er skilgreind sem víkjandi bygging, þá fáist ekki séð að viðbygging af þeirri gerð sem umsóknin lítur að sé í samræmi við deiliskipulagsskilmála þá sem um lóðina gilda og því sé ekki sjálfgefið að umsókn sem fullnægi kröfum um grunnflöt verði samþykkt. jafnframt samþykkir nefndin að fela bæjarstjóra að ræða við umsækjenda.

4. 4. 740 Mýrargata 37 - Byggingarleyfi - breyting á gluggum

   Mál 1603135 Allur ferill málsins

   Lögð fram byggingarleyfisumsókn Jóns Einars Marteinssonar, dagsett 29. mars 2016, þar sem sótt er um leyfi til að endurnýja- og breyta gluggum, ásamt því að setja svalahurð á vesturhlið, á hús hans að Mýrargötu 37 á Norðfirði.

   Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að gefa út leyfi þegar öll tilskilin gögn liggja fyrir.

5. 5. 750 Hlíðargötu 8 - byggingarleyfi - varmadæla/eimsvala

   Mál 1603133 Allur ferill málsins

   Lögð fram byggingarleyfisumsókn Eiríks Ólafssonar, dagsett 29. mars 2016, þar sem sótt er um leyfi til setja upp tvo eimsvala fyrir varmadælu ofan við hús hans að Hlíðargötu 8 á Fáskrúðsfirði.

   Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að gefa út leyfi þegar öll tilskilin gögn liggja fyrir.

6. 6. Áhersluverkefni í byggðamálum 2016

   Mál 1602151 Allur ferill málsins

   Lagt fram til kynningar erindisbréf starfshóps um svæðisskipulag á Austurlandi og fundargerð 1. fundar starfshópsins.

7. 7. Forkaupslisti Fjarðabyggðar 2016

   Mál 1603112 Allur ferill málsins

   Lagður fram til kynningar gildandi forkaupslisti Fjarðabyggðar.

   Eigna-, skipulags- og umhverfisnefnd felur skipulags- og byggingarfulltrúa að uppfæra listann í samræmi við umræðu á fundinum og leggja fyrir næsta fund nefndarinnar.

8. 8. Fyrirspurn um lóðir - trúnaðarmál

   Mál 1510028 Allur ferill málsins

   Lagt fram til kynningar bréf Sigurjóns Baldurssonar frá 18. mars 2016 vegna fyrirspurnar um lóðir.

9. 9. Lögreglusamþykkt fyrir Fjarðabyggð - nr. 325/1999

   Mál 1602082 Allur ferill málsins

   Eigna-, skipulags- og umhverfisnefnd samþykkir, til viðbótar við samþykkt á síðasta fundi, að á Norðfirði verði svæði fyrir stóra bíla við Strandgötu 77 og 79. Á Eskifirði verði stæði fyrir stóra bíla á lóðinni númer 34 við Strandgötu og við Marbakka til bráðabyrgða. Framtíðar svæði verði við Strandgötu 16.

10. 10. 735 Ofanflóðvarnir í Hlíðarendaá

    Mál 1406056 Allur ferill málsins

    Lagðar fram til kynningar fundargerðir 10. og 11. verkfundar ofanflóðavarna í Hlíðarendaá frá 9. og 30. mars 2016.