Bæjarráð, fundur 876

Þessi fundargerð á öðrum fundum

• 16. janúar 2025 Bæjarstjórn, fundur 390 liður 1

  Fundargerðir bæjarráðs teknar til umfjöllunar og afgreiðslu saman.

  Til máls tóku. Ragnar Sigurðsson, Stefán Þór Eysteinsson, Jón Björn Hákonarson.

  Fundargerð bæjarráðs frá 23. desember utan liða 8. og 9. staðfest með 9 atkvæðum.

Dagskrá

1. 1. Húsnæðisáætlun Fjarðabyggðar 2025

   Mál 2409205 Allur ferill málsins

   Lögð fyrir til kynningar drög að húsnæðisáætlun Fjarðabyggðar fyrir árin 2025-2034.

   Vísað til áframhaldandi vinnu og til næsta fundar bæjarráðs.

2. 2. Kauptilboð í Sólbakka 7 Breiðdalsvík frá Sigurði og Tatiana

   Mál 2412136 Allur ferill málsins

   Framlagt tilboð í fasteignina Sólbakka 7 á Breiðdalsvík.

   Bæjarráð hafnar tilboði.

3. 3. Niðurfelling fasteignagjalda

   Mál 2412113 Allur ferill málsins

   Framlagt erindi frá Víkinni fögru ehf. þar sem óskað er eftir afslætti á fasteignagjöldum.

   Bæjarráð samþykkir að veita styrk samkvæmt reglum Fjarðabyggðar um styrki til greiðslu fasteignaskatts í hlutfalli af starfsemi sem fellur þar undir.

4. 4. Ársfundur Brákar 2024

   Mál 2412148 Allur ferill málsins

   Framlagt boð á ársfund Brákar íbúðafélags hses. miðvikudaginn 15. janúar 2025.

   Bæjarráð samþykkir að fela Jónu Árnýju Þórðardóttur bæjarstjóra að fara með umboð Fjarðabyggðar á aðalfundinum.

5. 5. Verkefnið Sterkur Stöðvarfjörður

   Mál 2211108 Allur ferill málsins

   Vísað frá fyrri fundi bæjarráðs tillögu um að óska eftir framlengingu á samningi við Byggðastofnun um verkefnið Sterkur Stöðvarfjörður.

   Bæjarráð samþykkir að fela bæjarstjóra að óska eftir við Byggðastofnun að verkefnið Sterkur Stöðvarfjörður verði framlengt um tvö ár.

6. 6. Flýting vegtengingar Suðurfjarðavegar

   Mál 2412103 Allur ferill málsins

   Fjallað um ástand Suðurfjarðavegar og áætlanir um nýja brú á Sléttuá og vegtengingu fyrir botni Reyðarfjarðar.

   Fjarðabyggð ítrekar fyrri bókanir sínar og leggur ríka áherslu á að flýta framkvæmdum við Suðurfjarðarveg og færslu hringvegarins í Reyðarfjarðarbotni og byggingu nýrra brúa yfir Sléttuá.

   Brúin yfir Sléttuá er umferðarþyngsta einbreiða brú á Austurlandi og jafnframt ein elsta brú landsins á hringveginum í dag. Fyrir vikið er þessi vegkafli, ásamt brúm, orðinn verulegur áhættuþáttur í þungaflutningum til og frá Suðurfjörðum Fjarðabyggðar.

   Fjarðabyggð leggur þunga áherslu á að verkhönnun hefjist strax á árinu 2025 og að framkvæmdir hefjist sem fyrst í kjölfarið. Það er mikilvægur öryggis- og hagsmunamál fyrir íbúa og atvinnulíf í Fjarðabyggð að þessum framkvæmdum verði hraðað eins og kostur er.

   Bæjarráð felur bæjarstjóra að ítreka afstöðu sveitarfélagsins til samgönguframkvæmda við Suðurfjarðarveg samanber fyrri ályktanir sveitarfélagsins.

7. 7. Fundargerðir Austurbrúar og SSA

   Mál 2311224 Allur ferill málsins

   Framlagðar til kynningar fundargerðir Austurbrúar og Sambands sveitarfélaga á Austurlandi.

8. 8. Ósk um afstöðu til nýtingar forkaupsréttar Naustahvamms 20 í Neskaupstað

   Mál 2412157 Allur ferill málsins

   Jón Björn Hákonarson vék af fundi við umfjöllun og afgreiðslu dagskrárliðar.

   Framlagt erindi frá Hildibrand slf. þar sem óskað er eftir afstöðu Fjarðabyggðar til nýtingar forkaupsréttar á fasteignina Naustahvamm 20 í Neskaupstað, F 2169466 vegna sölu eignarinnar milli félaga.

   Bæjarráð samþykkir að nýta ekki forkaupsrétt vegna sölu eignarinnar.

9. 9. Ósk um afstöðu til nýtingar forkaupsréttar Egilsbrautar 26 í Neskaupstað

   Mál 2412158 Allur ferill málsins

   Jón Björn Hákonarson vék af fundi við umfjöllun og afgreiðslu dagskrárliðar.

   Framlagt erindi frá Hildibrand slf. þar sem óskað er eftir afstöðu Fjarðabyggðar til nýtingu forkaupsréttar á fasteignina Egilsbraut 26 í Neskaupstað, F 2169057 vegna sölu eignarinnar á milli félaga.

   Bæjarráð samþykkir að nýta ekki forkaupsrétt vegna sölu eignarinnar.