Bæjarráð, fundur 602

Dagskrá

1. 1. Í skugga valdsins

   Mál 1712003 Allur ferill málsins

   Framlögð drög aðgerðaráætlunar ásamt minnisblaði starfshóps sem falið var að fjalla um #metoo byltinguna undir formerkjum "í skugga valdsins". Starfshópurinn hefur lokið störfum og leggur til við bæjarráð að staðfest verði drög aðgerðaráætlunar ásamt því að endurskoðaðar verði reglur um heilsu og vinnuvernd og áherslur og áætlun um vinnuvernd. Bæjarráð samþykkir aðgerðaráætlun og vísar áframhaldandi vinnu til bæjarritara.

2. 2. Ljósleiðaravæðing 2019 - umsóknir

   Mál 1811036 Allur ferill málsins

   Framlagt tilboð Fjarskiptasjóðs vegna ljósleiðaravæðingar 2019 vegna afmarkaðra verkefna í Mjóafirði og Breiðdal. Um er að ræða 9 milljónir vegna Mjóafjarðar og 4 milljónir vegna Breiðdals. Bæjarráð þiggur tilboð Fjarskiptasjóðs og felur bæjarritara afgreiðslu málsins.

3. 3. Sveitarfélögin og "sjálfboðaliðastörf"

   Mál 1902141 Allur ferill málsins

   Framlagt til kynningar bréf ASÍ um sveitarfélög og sjálfboðaliðastörf.

4. 4. Upplýsingatæknimál - endurskoðun þráðlausra kerfa

   Mál 1807063 Allur ferill málsins

   Útfærsla á uppfærðri áætlun um endurnýjun núverandi þráðlausra kerfa. Upphaflega lagt fyrir 16. júlí 2018 en við endurmat nú er lögð til breytt útfærsla. Frestað til næsta fundar.

5. 5. Upplýsingatæknimál - innleiðing á Microsoft 365 og uppfærsla reksturs

   Mál 1807028 Allur ferill málsins

   Framlagt minnisblað þar sem greint er frá breytingum á miðlægum rekstri tölvukerfa á domain fjardabyggd.lan. Gert er ráð fyrir útleiðingu á kerfisveitu í sýndarumhverfi (RDS) og við taki rekstur á útstöðvum sem keyri forrit beint við miðlæga rekstrarþjóna. Bæjarráð samþykkir tillögur bæjarritara og felur honum útfærslu í samráði við þjónustuaðila tölvukerfis.

6. 6. Styrkbeiðni vegna sagnfræðirannsóknar

   Mál 1901179 Allur ferill málsins

   Beiðni Hrafnkels Lárussonar um styrk vegna sagnfræðirannsóknar. Vísað frá menningar- og nýsköpunarnefnd með beiðni um afgreiðslu. Bæjarráð getur ekki orðið við beiðni um styrk.

7. 7. Hús frístunda

   Mál 1901070 Allur ferill málsins

   Rætt um fyrirkomulag ferðar til Skagafjarðar í byrjun mars. Atvinnu- og þróunarstjóra falið að halda utan um skipulag ferðar.

8. 8. Fjárhagsleg áhrif loðnubrests

   Mál 1902181 Allur ferill málsins

   Bæjarráð felur fjármálastjóra sveitarfélagsins að fara yfir fjárhagsleg áhrif loðnubrests á tekjur aðalsjóðs og hafnarsjóðs og leggja fyrir bæjarráð.

   Ljóst er að fjárhagsleg áhrif þess að ef loðna finnst ekki í nægjanlegu magni á íslandsmiðum á yfirstandandi vertíð verða mikil á mörg sveitarfélög, þar sem uppsjávarvinnsla er mikilvægur þáttur í sjávarútvegi þeirra. Óvíða er uppsjávarvinnsla meiri en í Fjarðabyggð og ljóst er að loðnubrestur mun hafa mikil áhrif á fjárhag sveitarfélagsins. Þá er einnig mikið áhyggjuefni að ekki er búið að ljúka samningum um kolmunnaveiðar í Færeyskri lögsögu, sem ekki síður hefur mikil áhrif á sjávarútvegsfyrirtækin í Fjarðabyggð. Hvetur bæjarráð stjórnvöld til að fara vel yfir stöðu þessara mála enda mikið hagsmunamál fyrir sveitarfélög, fyrirtæki og ríki, þar sem um er að ræða verulegan hluta útflutningsverðmæta sjávarútvegs á Íslandi.

9. 9. Aurflóð í Mjóafirði

   Mál 1902182 Allur ferill málsins

   Bæjarráð felur sviðstjóra framkvæmdasviðs sveitarfélagsins að hlutast til um hreinsun árfarvegs Borgarár í Mjóafirði, sem hljóp í krapaflóði um liðna helgi, til að varna því að ekki hljótist frekari skemmdir og til að verja mannvirki. Leitað skal samstarfs við Viðlagatryggingu og Vegagerðina vegna þessa.

   Um liðna helgi rigndi töluvert ofan í mikið snjófarg sem gerði það að verkum að ár og lækir víða í fjallshlíðum Fjarðabyggðar, ruddust upp úr farvegum sínum með tilheyrandi hættu. Slíkt gerðist í Borgará í Mjóafirði þannig að mannvirkjum og íbúum stóð ógn af. Þar sem vegasamgöngur við Mjóafjörð eru einungis færar yfir sumartímann, verður erfitt að koma þangað stórvirkum tækjum sem þarf til að koma Borgaránni aftur í farveg sinn svo frekara tjón hljótist ekki af. Bæjarráð Fjarðabyggðar vill árétta enn einu sinni við samgönguyfirvöld og Alþingi hversu skert lífskjör íbúar Mjóafjarðar búa við vegna lélegra samgangna á 21.öldinni. Þó fáir íbúar búi í þessu hverfi Fjarðabyggðar er það áfram krafa sveitarfélagsins að til þess verði horft, að einangrun Mjóafjarðar verði rofin, þannig að þar geti fólk búið við sama grundvallaröryggi og aðrir íbúar landsins og um leið geti byggðin í Mjóafirði aftur elfst við slíkar breytingar.

10. 10. Starfsemi Rönning á Reyðarfirði

    Mál 1902164 Allur ferill málsins

    Framkvæmdastjóri Rönning Vignir Örn Sigþórsson, sat þennan lið fundarins. Rætt um starfsemi Rönning Reyðarfirði og eflingu þeirrar starfsemi. Bæjarráð hvetur íbúa, fyrirtæki og stofnanir í sveitarfélaginu til að versla í heimabyggð.

11. 11. Fundur með bæjarráði vegna fasteignagjalda 2019

    Mál 1902098 Allur ferill málsins

    Guðjón Steinsson starfsmaður Þjóðskrár Íslands og Einar Már Sigurðarson formaður eigna- skipulags- og umhverfisnefndar sátu þennan lið fundarins. Bæjarstjóra og fjármálastjóra falið að vinna áfram að yfirferð á fasteignamati sveitarfélagsins.

12. 12. Menningar- og nýsköpunarnefnd - 10

    Fundargerðin í heild

    Fundargerð menningar- og nýsköpunarnefndar, nr. 10 frá 18.febrúar 2019, lögð fram til umfjöllunar.

    1. 12.1 Endurskoðun Menningarstefnu Fjarðabyggðar1805211
    2. 12.2 Stefnumótun í ferðaþjónustu1811077
    3. 12.3 Umsókn um styrki til menningarmála1902101
    4. 12.4 Umsókn um styrki til menningarmála1902100
    5. 12.5 Umsókn um styrki til menningarmála1902099
    6. 12.6 Umsókn um styrki til menningarmála1902090
    7. 12.7 Umsókn um styrki til menningarmála1902089
    8. 12.8 Umsókn um styrki til menningarmála1902087
    9. 12.9 Umsókn um styrki til menningarmála1902085
    10. 12.10 Umsókn um styrki til menningarmála1902084
    11. 12.11 Umsókn um styrki til menningarmála1902081
    12. 12.12 Umsókn um styrki til menningarmála1902035
    13. 12.13 Umsókn um styrki til menningarmála1902028
    14. 12.14 Umsókn um styrki til menningarmála1902025
    15. 12.15 Umsókn um styrki til menningarmála1901197
    16. 12.16 Umsókn um styrki til menningarmála1901138
    17. 12.17 Umsókn um styrki til menningarmála1901063
    18. 12.18 Umsókn um styrki til menningarmála1812143
    19. 12.19 Söngleikur - umsókn um styrk til Menningar-og nýsköpunarnefndar1810013
    20. 12.20 Styrkbeiðni vegna sagnfræðirannsóknar1901179