Fjárhagsleg áhrif loðnubrests

Ferill málsins

• Málið var á dagskrá fundar
• Fundargerð með málinu lögð fram á öðrum fundi

1. 2019

   25. febrúar 2019 Bæjarráð, fundur 602 liður 8

   Bæjarráð fól fjármálastjóra að fara yfir fjárhagsleg áhrif loðnubrests á tekjur aðalsjóðs og hafnarsjóðs, benti á að ekki væri búið að ljúka samningum um kolmunnaveiðar í færeyskri lögsögu og hvatti stjórnvöld til að fara yfir stöðu þessara mála.

   Endursögn gervigreindar

   Bæjarráð felur fjármálastjóra sveitarfélagsins að fara yfir fjárhagsleg áhrif loðnubrests á tekjur aðalsjóðs og hafnarsjóðs og leggja fyrir bæjarráð.

   Ljóst er að fjárhagsleg áhrif þess að ef loðna finnst ekki í nægjanlegu magni á íslandsmiðum á yfirstandandi vertíð verða mikil á mörg sveitarfélög, þar sem uppsjávarvinnsla er mikilvægur þáttur í sjávarútvegi þeirra. Óvíða er uppsjávarvinnsla meiri en í Fjarðabyggð og ljóst er að loðnubrestur mun hafa mikil áhrif á fjárhag sveitarfélagsins. Þá er einnig mikið áhyggjuefni að ekki er búið að ljúka samningum um kolmunnaveiðar í Færeyskri lögsögu, sem ekki síður hefur mikil áhrif á sjávarútvegsfyrirtækin í Fjarðabyggð. Hvetur bæjarráð stjórnvöld til að fara vel yfir stöðu þessara mála enda mikið hagsmunamál fyrir sveitarfélög, fyrirtæki og ríki, þar sem um er að ræða verulegan hluta útflutningsverðmæta sjávarútvegs á Íslandi.

2. 4. mars 2019 Bæjarráð, fundur 603 liður 2

   Fjármálastjóri, Snorri Styrkársson, lagði fram greinargerð þar sem fram kom að tekjur sveitarfélagsins gætu skerst um allt að 260 milljónir króna á árinu, og bæjarráð hvatti stjórnendur stofnana til að gæta aðhalds í rekstri.

   Endursögn gervigreindar

   Lögð fram greinargerð fjármálastjóra, Snorra Styrkárssonar, um möguleg fjárhagsleg áhrif loðnubrests í Fjarðabyggð á árinu 2019. Líkur er á að tekjur sveitarfélagsins geti skerst um allt að 260 milljónir á árinu. Bæjarráð mun fylgjast áfram með þróun málsins, áhrif þess á fjárhagsáætlun ársins og hvetur stjórnendur stofnana sveitarfélagsins til að gæta aðhalds í rekstri.

3. 20. maí 2019 Bæjarráð, fundur 615 liður 4

   Lögð var fram bókun Samtaka sjávarútvegssveitarfélaga sem óskaði eftir upplýsingum um áhrif loðnubrestsins, og bæjarráð fól fjármálastjóra að svara erindinu og benti á að Langanesbyggð yrði höfð með í samantektinni.

   Endursögn gervigreindar

   Lögð fram bókun sem samþykkt var á 52. stjórnarfundi Samtaka sjávarútvegssveitarfélaga um heildaráhrif loðnubrests á afkomu sveitarfélaga. Jafnframt óska samtökin eftir að þeim berist upplýsingar frá Sveitarfélaginu Hornafirði, Fjarðabyggð, Vestmannaeyjabæ og Vopnfjarðarhreppi, um áhrif loðnubrests 2019, s.s. á afkomu hvers sveitarfélags og rekstur. Upplýsingarnar verða notaðar í samantekt Samtaka sjávarútvegssveitarfélaga á heildaráhrifum aflabrestsins á sveitarfélögin. Stjórn Samtaka sjávarútvegsveitarfélaga telur mikilvægt að unnin verði samantekt á heildaráhrifum loðnubrests 2019 og að niðurstöður hennar verði kynntar á fundi stjórnar þar sem bæjarstjórum þeirra sveitarfélaga sem um ræðir verði boðið einnig. Í framhaldinu muni stjórnin síðan álykta um með hvaða hætti ríkisvaldið gæti/ætti að bregðast við komi slíkar aðstæður upp, hvort heldur er varðandi loðnu eða aðra veiðistofna.

   Lesa alla bókunina (28 orð til viðbótar)

   Bæjarráð felur fjármálastjóra að svara erindinu og senda þau gögn sem óskað er eftir. Bæjarráð bendir á að Langanesbyggð verði höfð með í þeirri samantekt sem um ræðir.