Beint í efni
Hnotskurninn

NefndirBæjarráð

Bæjarráð, fundur 392

11. ágúst 2014, kl. 10:00 til 00:00, í fundarsal á bæjarskrifstofunum að Hafnargötu 2 á Reyðarfirði. Fundargerð ritaði Gunnlaugur Sverrisson.

Fundarmenn samkvæmt fundargerð (5)

Fundinn sátu

  • Jens Garðar Helgason, formaður
  • Eydís Ásbjörnsdóttir, aðalmaður
  • Jón Björn Hákonarson, aðalmaður
  • Gunnar Jónsson, embættismaður
  • Gunnlaugur Sverrisson, embættismaður

Þessi fundargerð á öðrum fundum

  • Bæjarstjórn, fundur 160 liður 7

    Fundargerð bæjarráðs, nr. 392 frá 11. ágúst 2014, lögð fram til umræðu og kynningar.

Dagskrá

  1. 1. Fjárhagsáætlun Fjarðabyggðar 2015

    Mál 1407033 Allur ferill málsins

    Fjármálastjóri sat þennan lið fundarins og kynnti vinnu sem framundan er vegna fjárhagsáætlunar ársins 2015 og fór yfir nokkrar forsendur áætlunarinnar.

  2. 2. Kjarasamningar 2014

    Mál 1404108 Allur ferill málsins

    Fjármálastjóri sat þennan lið fundarins. Framlagt minnisblað um metin áhrif kjarasamninga sem gerðir hafa verið á árinu 2014. Metin áhrif nema nú um 112 milljónum kr. umfram áætlun ársins. Vísað til fjármálastjóra með beiðni um gerð viðauka sem lagður verður fyrir bæjarráð og bæjarstjórn.

  3. 3. Rekstur málaflokka 2014 - TRÚNAÐARMÁL

    Mál 1403072 Allur ferill málsins

    Fjármálastjóri sat þennan lið fundarins og lagði fram yfirlit yfir rekstur Fjarðabyggðar janúar - júní 2014. Yfirlitið er lagt fram sem trúnaðarmál. Heilt yfir er rekstur innan fjárhagsramma ársins.

  4. 4. 740 Sæbakki 25 - byggingarlóð

    Mál 1406040 Allur ferill málsins

    Umsókn Byggingarfélagsins Ness um lóðina að Sæbakka 25 en Nípukollur, sem fékk lóðinni úthlutaðri á fundi bæjarráðs 11.júní 2014, hefur afsalað lóðinni til félagsins. Bæjarráð samþykkir að úthluta lóðinni áfram til Byggingarfélagsins Ness.

  5. 5. Breytingar í Stöðvarfjarðarskóla

    Mál 1407075 Allur ferill málsins

    Tillaga mannvirkjastjóra um forgangsröðun viðhaldsframkvæmda. Til að mæta 5 milljón kr. aukakostnaði vegna framkvæmda við Stöðvarfjarðarskóla, er lögð fram tillaga um viðhaldsverkefni sem ekki verða unnin á árinu 2014. Bæjarráð samþykkir tillögur í minnisblaði. Vísað til kynningar í eigna- skipulags- og umhverfisnefnd.

  6. 6. Forkaupsréttur að húsi í Neskaupstað

    Mál 1407093 Allur ferill málsins

    Hilmar Gunnlaugsson, f.h. fasteignasölunnar Inni, hefur óskar eftir afstöðu sveitarfélagsins til þess hvort Fjarðabyggð hyggist nýta sér forkaupsrétt að eigninni Egilsbraut 7 í Neskaupstað, 01 0201 fastanúmer 216-9028. Bæjarráð er sammála um að Fjarðabyggð nýti ekki forkaupsréttinn. Jafnframt óskar bæjarráð eftir afstöðu eigna- skipulags- og umhverfisnefnd til þess hvort eignin Egilsbraut 7 verði áfram á forkaupsréttarlista.

  7. 7. Sameiginleg markaðssetning skíðasvæðanna á Austurlandi

    Mál 1309129 Allur ferill málsins

    Bréf mennta- og menningarmálaráðuneytisins, frá 28.júlí 2014, er varðar skíðasvæðin í Oddsskarði og Stafdal en í bréfinu kemur fram að ráðuneytið getur ekki komið að uppbyggingu á svæðunum. Vísað til kynningar í eigna- skipulags- og umhverfisnefnd og íþrótta- og tómstundanefnd.

  8. 8. Umfang sjávarútvegs á Austfjörðum - skýrsla unnin fyrir Austurbrú í júlí 2014

    Mál 1408013 Allur ferill málsins

    Skýrsla um umfang sjávarútvegs á Austfjörðum, unnin fyrir Austurbrú í júlí 2014, lögð fram til kynningar. Vísað til kynningar í hafnarstjórn. Skýrslan verður kynnt í Neskaupstað 12.ágúst kl. 17:00 í Kreml.

  9. 9. ONS 2014 ráðstefna Stavanger

    Mál 1407091 Allur ferill málsins

    Kynnt ráðstefna sem haldinn verður í Stavanger 25. til 28. ágúst nk. Tveir fulltrúar fara frá Fjarðabyggð, forseti bæjarstjórnar og bæjarstjóri, auk bæjarstjóra Fljótsdalshéraðs. Ráðstefnan fjallar um olíuvinnslu, olíurannsóknir og málefni tengd iðnaðinum.

  10. 10. Franskir Dagar og Íslandshátíð í Gravelines 2014

    Mál 1407019 Allur ferill málsins

    Framlagt þakkarbréf vegna Franskra daga 2014 og boðsbréf vegna Íslandshátíðar í Gravelines 25. til 29.september nk. Eydís Ásbjörnsdóttir, Eiður Ragnarsson og Helga Guðrún Jónasdóttir verða fulltrúar Fjarðabyggðar á hátíðinni í september.

  11. 11. 100 ára afmæli kosningaréttar kvenna 2015

    Mál 1408022 Allur ferill málsins

    Í tilefni 100 ára afmælis kosningaréttar kvenna á næsta ári, eru öll bæjar- og sveitarfélög, söfn og stofnanir í landinu, hvött til að minnast þeirra mikilvægu réttinda sem kosningarétturinn er og 100 ára afmælisins 2015, með sýningum, málþingum, fyrirlestrum og öðrum viðburðum. Vísað til fastanefnda til kynningar með ósk um tillögu að viðburðum.