Bæjarráð, fundur 214
5. október 2010, kl. 16:00 til 18:30, í fundarsal á bæjarskrifstofunum að Hafnargötu 2 á Reyðarfirði. Fundargerð ritaði Gunnlaugur Sverrisson.
Þessi fundargerð á öðrum fundum
Bæjarstjórn, fundur 78 liður 2
Fundargerðir bæjarráðs nr. 213 og nr. 214 teknar fyrir saman. Til máls tóku Elvar Jónsson, Valdimar O. Hermannsson, Jens Garðar Helgason, Páll Björgvin Guðmundsson og Jón Björn Hákonarson. Ályktun bæjarstjórnar Fjarðabyggðar og stærstu fyrirtækja sveitarfélagsins gegn áformum um stórfelldan niðurskurð í helibrigðismálum á Austurlandi. Bæjarstjórn Fjarðabyggðar og fyrirtæki innan sveitarfélagsins, Alcoa-Fjarðaál, Síldarvinnslan, Loðnuvinnslan, Eskja, Launafl og VHE mótmæla harðlega boðuðum niðurskurðaráformum stjórnvalda, er varða Heilbrigðisstofnun Austurlands (HSA), eins og þau koma fram í framlögðu frumvarpi til fjárlaga 2011. Boðaður er 22,1 % niðurskurður á heildarframlögum til HSA og þar af 52 % niðurskurður á sjúkrasviði stofnunarinnar sem koma mun mjög harkalega niður á starfsemi Fjórðungssjúkrahússins í Neskaupstað (FSN) og lama starfsemi þess. Í Fjarðabyggð verður til fjórðungur gjaldeyristekna þjóðarinnar innan hinna sterku fyrirtækja í iðnaði og sjávarútvegi en taka verður tillit til þessarar miklu starfsemi og öryggis starfsmanna þeirra. Eitt af lykilatriðum í þeirri ákvörðun Alcoa að reisa álver sitt á Reyðarfirði var nálægð við sjúkrahúsið í Neskaupstað og öflug heilsugæsla í fjórðungnum. Verði af þessum aðgerðum ber að hafa í huga þær vegalengdir sem íbúar Austurlands munu þurfa að leggja á sig til að sækja sjúkrahúsþjónustu til Akureyrar og Reykjavíkur en þær munu veikja verulega öryggissjónarmið innan fjórðungsins að ótöldum þeim hundruðum sjómanna sem stunda veiðar út af Austurlandi.. Þá sé horft til náttúruhamfara sem, eins og dæmin sýna, hafa skollið á byggðarlögum. Má í því sambandi nefna snjóflóðin í Neskaupstað 1974. Niðurskurðaráform stjórnvalda munu án nokkurs vafa leiða til aukins atvinnuleysis á Austurlandi, meðal annars í kvennastörfum sem skortur er á hér um slóðir, og fýsileiki svæðisins til búsetu og atvinnurekstrar minnkar til muna. Því skora áðurnefndir aðilar á heilbrigðisráðherra að endurskoða boðuð niðurskurðaráform. Alþingismenn Norðausturkjördæmis eru hvattir til að beita sér fyrir endurskoðun á fjárheimildum til HSA eins og þau liggja nú fyrir. Ályktun samþykkt með 9 atkvæðum. Liður 2.17. - Ráðningarsamningur við bæjarstjóra - borinn upp sérstaklega og samþykktur með 9 atkvæðum. <?xml:namespace prefix = o ns = "urn:schemas-microsoft-com:office:office" />Fundargerð samþykkt að öðru leyti af bæjarstjórn með 9 atkvæðum.
Dagskrá
-
1. Fjárheimildir í fjárhagsáætlun 2011 - Bæjarráð
Mál 1009132 Allur ferill málsins
Lagt fram bréf bæjarstjóra frá 17.september er varðar fjárhagsramma sameiginlegs kostnaðar og brunamála og almannavarna. Vísað til viðeigandi sviðsstjóra. Fjallað verður um fjárhagsáætlun 2011 og hagræðingarleiðir á fundi bæjarráðs miðvikudaginn 13.október.
-
2. Edduborgarreiturinn Eskifirði - umgengni
Mál 0909044 Allur ferill málsins
Bréf Ingólfs Friðjónssonar, f.h. Frjálsa Fjárfestingabankans, frá 22.september og tillaga mannvirkjastjóra frá 1.október til eigna-, skipulags og umhverfisnefndar. Bankinn býðst til að afsala fasteignunum að Útkaupstaðarbraut 2, Strandgötu 39a og Grjótagötu 2 á Eskfirði til Fjarðabyggðar án endurgjalds þannig að hvorki Fjarðabyggð né Frjálsi Fjárfestingarbankinn eigi kröfur á mótaðila. Bæjarráð samþykkir tillögu eigna, skipulags- og umhverfisnefndar um að taka tilboði Frjálsa fjárfestingarbankans hf. um yfirtöku allra eigna á Edduborgarreitnum án nokkurra kvaða. Fjarðabyggð mun einnig afsala sér öllum kröfum á hendur Frjálsa fjárfestingarbankans. Bæjarráð felur mannvirkjastjóra jafnframt áframhaldandi vinnu við yfirtöku á eignum á Edduborgarreitnum.
-
3. Lóðarframkvæmdir við Breiðablik
Mál 1009185 Allur ferill málsins
Bréf starfsmanna og íbúa Breiðabliks frá 21.september þar sem farið er fram á að lóðaframkvæmdir verði kláraðar í haust. Mannvirkjastjóra falið að láta ganga frá viðgerð á lóð innan ramma fjárhagsáætlunar.
-
4. Kynning á tillögu að starfsleyfi fyrir Alcoa Fjarðaál
Mál 1008079 Allur ferill málsins
Framlagt minnisblað mannvirkjastjóra til eigna-, skipulags- og umhverfisnefndar frá 30.september vegna tillögu að nýju starfsleyfi fyrir álver Alcoa-Fjarðaáls. Umsagnarfrestur um tillöguna er til 14.október. Bæjarráð felur mannvirkjastjóra að vinna áfram samkvæmt tillögum minnisblaðsins.
-
5. Samvinna vinabæja Fjarðabyggðar
Mál 1002098 Allur ferill málsins
Lögð fram drög að dagskrá vinabæjarheimsóknar 5.-7.október.
-
6. Aðalfundur HAUST bs. 2010
Mál 1009034 Allur ferill málsins
Aðalfundur Heilbrigðiseftirlits Austurlands verður haldinn á Djúpavogi miðvikudaginn 6.október kl.14:00. Mannvirkjastjóri verður fullltrúi Fjarðabyggðar á fundinum og fer með atkvæði bæjarins.
-
7. Ráðstefna um almannavarnir sveitarfélaga 21.október 2010 á Grand Hótel Reykjavík
Mál 1009215 Allur ferill málsins
Bæjarráð felur bæjarstjóra að sækja ráðstefnuna.
-
8. Hættumat fyrir Oddsskarð
Mál 1009201 Allur ferill málsins
Kynningarfundur vegna hættumats fyrir Oddsskarð verður haldinn miðvikudaginn 13.október. Mannvirkjastjóri, formaður eigna-, skipulags- og umhverfisnefndar, fræðslustjóri og forstöðumaður Skíðamiðstöðvarinnar munu sækja kynninguna.
-
9. Árgjöld sveitarfélaga til Avinnuþróunarsjóðs Austurlands
Mál 1009205 Allur ferill málsins
Bréf formanns stjórnar frá 23.september þar sem tilkynnt er að sjóðurinn reikni með að framlög frá sveitarfélögunum verði með sambærilegum hætti á næsta ári og árið 2009. Erindið vísað til fjárhagsáætlunar 2011.
-
10. Aðalfundur Raflagna Austurlands 16.september 2010
Mál 1009055 Allur ferill málsins
Lagt fram til kynningar fundargerð aðalfundar og minnisblað Steinþórs Péturssonar en Steinþór sat aðalfundinn.
-
11. Kynningarfundur vegna rannsókna á samfélagsáhrifum álvers- og virkjunarframkvæmda
Mál 1009218 Allur ferill málsins
Kynningarfundur verður í Fróðleiksmolanum Reyðarfirði fimmtudaginn 7.október frá 10:00 - 12:00. Bæjarstjóri mun sækja fundinn.
-
12. Fyrirspurn um Samband sveitarfélaga á Austurlandi og Fjarðabyggð
Mál 1009220 Allur ferill málsins
Fyrirspurn Ásmundar Ásmundssonar frá 27.september er varðar SSA. Forstöðumanni stjórnsýslu falið að taka saman svar við erindinu.
-
13. Fundur sveitarstjórnar með fjárlaganefnd Alþingis haustið 2010
Mál 1009073 Allur ferill málsins
Fjarfundur verður með fjárlaganefnd Alþingis í Fróðleiksmolanum miðvikudaginn 13.október kl.9:00.
-
14. Íslandshátíð í Gravelines
Mál 1006248 Allur ferill málsins
Bæjarstjóri gerði grein fyrir ferð til Graveline sem farin var í síðasta mánuði.
-
15. Hluthafafundur 1.október 2010 í Lánasjóði sveitarfélaga
Mál 1009138 Allur ferill málsins
Bæjarstjóri gerði grein fyrir efni og helstu niðurstöðum fundarins.
-
16. Samningur við bæjarstjóra
Mál 1010026 Allur ferill málsins
Framlagður ráðningarsamningur sem bæjarráð gerði við bæjarstjóra 29.júlí 2010. Vísað til afgreiðslu bæjarstjórnar.
-
17. Beiðni um styrk vegna útgáfu á geisladisk
Mál 1010015 Allur ferill málsins
Bæjarráð vísar beiðni til atvinnu- og menningarnefndar til afgreiðslu.
-
18. Eigna- skipulags- og umhverfisnefnd - 4
Fundargerð lögð fram.
-
19. Atvinnu- og menningarnefnd - 3
Fundargerð lögð fram.
-
20. Félagsmálanefnd - 2
Fundargerð lögð fram.
-
21. Hafnarstjórn - 74
Fundargerð lögð fram.
-
22. Barnaverndarnefnd - fundur nr. 2
Mál 1010013 Allur ferill málsins
Fundargerð lögð fram.