Bæjarráð, fundur 207

Þessi fundargerð á öðrum fundum

• 2. september 2010 Bæjarstjórn, fundur 76 liður 3

  Til máls tóku ( fundargerðir bæjarráðs teknar til umræðu saman).Fundargerð fram lögð og kynnt.

Dagskrá

1. 1. Boðun verkfalls Landssambands slökkviliðs- og sjúkraflutningamanna

   Mál 1007135 Allur ferill málsins

   Slökkviliðsstjóri Fjarðabyggðar sat þennan lið fundarins og fór yfir gang mála í verkfalli félagsmanna í Landssambandi slökkviliðs- og sjúkraflutningamanna eins og deilan hefur snúið að Slökkviliði Fjarðabyggðar.

2. 2. Tilboð í akstur með nemendur í VA

   Mál 1008048 Allur ferill málsins

   Eitt tilboð barst í aksturinn frá Tanna Travel. Bæjarráð felur fjármálastjóra og umhverfisstjóra að fara yfir tilboð Tanna Travel og leggja fram á næsta fundi.

3. 3. Tilboð í akstur með íþróttahópa

   Mál 1008047 Allur ferill málsins

   Eitt tilboð barst í aksturinn frá Tanna Travel. Bæjarráð felur fjármálastjóra og umhverfisstjóra að fara yfir tilboð Tanna Travel og leggja fram á næsta fundi.

4. 4. Ríkisjörðin Grænanes í Norðfirði - Hugsanleg kaup Fjarðabyggðar á jörðinni.

   Mál 1008013 Allur ferill málsins

   Bæjarstýra fór stuttlega yfir forsögu málsins en það nær aftur til 2008. Bæjarstýru og umhverfisstjóra falið að funda með forsvarsmönnum Golfklúbbs Norðfjarðar um leigu á spildu sem klúbburinn hefur haft til afnota og jafnframt að ræða við Sjávarútvegs- og landbunaðarráðuneytið í framhaldi af því.

5. 5. Viðhald á félagsaðstöðu fyrir unglinga á Fáskrúðsfirði og Stöðvarfirði

   Mál 1008046 Allur ferill málsins

   Bréf forstöðumanns félagsmiðstöðva á Suðurfjörðum frá 6.ágúst er varðar viðhald húsnæðis félagsmiðstöðvanna á Fáskrúðsfirði og Stöðvarfirði.  Vísað til fræðslustjóra með ósk um umsögn vegna samanburðar á húsnæðiskosti og tækjabúnaði í félagsmiðstöðvunum í Fjarðabyggð.

6. 6. Starfsdagar í leikskólum Fjarðabyggðar

   Mál 1008004 Allur ferill málsins

   Tillaga fræðslustjóra frá 4.ágúst um fjölgun starfsdaga á leikskólum Fjarðabyggðar, úr þremur í fjóra, sem vísað var til bæjarráðs frá fræðslu- og frístundanefnd.  Bæjarráð frestar umræðu um málið til næsta fundar, óskar eftir að fræðslustjóri komi inn á næsta fund bæjarráðs og óskar einnig eftir samanburði við önnur sveitarfélög vegna fjölda starfsdaga á leikskólum.

7. 7. Atvinnuþróunarmál í Fjarðabyggð

   Mál 1007204 Allur ferill málsins

   Rætt um málið og tekið fyrir á næsta fundi.

8. 8. Námskeið um lýðræði í sveitarfélögum 6.september nk.

   Mál 1007187 Allur ferill málsins

   Lagt fram til kynningar upplýsingar um námskeið um lýðræði í sveitarfélögum sem haldið verður 6.september nk. á Reykjavíkursvæðinu.  Bæjarráð telur að á tímum niðurskurðar þurfi að gæta aðhalds við ferðir og námskeiðahald og því verði námskeiðið ekki sótt á vegum sveitarfélagsins.

9. 9. Tilfærsla málefna fatlaðra til sveitarfélaga

   Mál 1007146 Allur ferill málsins

   Félagsmálastjóri sat þennan lið fundarins. Lögð fram greinargerð félagsmálastjóra og fjármálastjóra um tilfærslu á málefnum fatlaðra til sveitarfélaganna sem fyrirhuguð er um áramót.  Bæjarráð felur bæjarstýru, félagsmálastjóra og fræðslustjóra að eiga fund með Fljótsdalshéraði í vikunni um fyrirliggjandi hugmyndir.