Skipulags- og framkvæmdanefnd, fundur 37

Þessi fundargerð á öðrum fundum

• 21. júlí 2025 Bæjarráð, fundur 904 liður 9

  Fundargerð skipulags- og framkvæmdanefndar frá 16. júlí lögð fram til staðfestingar.

  Bæjarráð í umboði bæjarstjórnar staðfestir fundargerð skipulags- og framkvæmdanefndar.

Dagskrá

1. 1. Stækkun iðnaðarsvæðis og athafnasvæðis við Hjallaleiru

   Mál 2507013 Allur ferill málsins

   Lögð fram skipulagslýsing fyrir breytingu á Aðalskipulagi Fjarðabyggðar 2020-2040 og breytingu á deiliskipulagi iðnaðarsvæðis Nes 1 á Reyðarfirði, sbr. 30. og 40. gr. skipulagslaga nr. 123/2010. Til stendur að stækka austustu lóðirnar í deiliskipulaginu og hnika til lóðarmörkum nokkurra annarra lóða. Einnig verður gert ráð fyrir mön á austurjaðri svæðisins. Því þarf að stækka aðalskipulagsreitina AT-300 og I-300 um u.þ.b. 25 metra til austurs. Vegna áforma um breytta legu þjóðvegar fyrir botni Reyðarfjarðar stendur til að breyta vegtengingu svæðanna við Ægisgötu og færa hana austar.

   Skipulags- og framkvæmdanefnd samþykkir matslýsinguna fyrir sitt leyti og vísar erindinu til afgreiðslu bæjarráðs í sumarleyfi bæjarstjórnar.

2. 2. Óveruleg breyting á deiliskipulagi Strandgata 46c ESK

   Mál 2507004 Allur ferill málsins

   Framlögð tillaga að óverulegri breytingu á deiliskipulagi skv. 2. mgr. 43. gr. skipulagslaga nr. 123/2010. Breytingin felst í stækkun lóðar nr. 46c að Strandgötu á Eskifirði í 1.062 fermetra. Breytingin felur ekki í sér grenndaráhrif gagnvart nágrönnum.

   Skipulags- og framkvæmdanefnd samþykkir óverulega breytingu á deiliskipulagi Miðbæjar á Eskifirði og vísar staðfestingu til bæjarráðs sem fer með umboð bæjarstjórnar í sumarleyfi.

3. 3. Byggingarleyfi Flugskýli Norðfirði

   Mál 2506156 Allur ferill málsins

   Framlögð umsókn um byggingarheimild vegna flugskýlis, Norðfirði.

   Skipulag- og framkvæmdanefnd samþykkir fyrirhugaðar framkvæmdir og felur byggingarfulltrúa að gefa út byggingarheimild þegar öllum tilskyldum gögnum hefur verið skilað.

4. 4. Byggingarleyfi viðbygging Mýrargata 21

   Mál 2507028 Allur ferill málsins

   Framlögð umsókn um byggingarleyfi vegna viðbyggingar við Mýrargötu 21, Norðfirði.

   Skipulags- og framkvæmdanefnd felur skipulagsfulltrúa að grenndarkynna fyrirhugaðar framkvæmdir ásamt því að leita umsagnar Veðurstofu er varða styrkingar vegna ofanflóða og leggja fyrir nefndina að nýju.

5. 5. Umsókn um lóð Hlíðarbrekka 5

   Mál 2505031 Allur ferill málsins

   Framlögð umsókn um lóðina Hlíðarbrekku 5 á Fáskrúðsfirði.

   Skipulags- og framkvæmdanefnd samþykkir fyrir sitt leyti úthlutun lóðarinnar og vísar umsókninni til afgreiðslu bæjarráðs.

6. 6. Umsókn um lóð Hlíðarbrekka 7

   Mál 2505032 Allur ferill málsins

   Framlögð umsókn um lóðina Hlíðarbrekku 7 á Fáskrúðsfirði.

   Skipulags- og framkvæmdanefnd samþykkir fyrir sitt leyti úthlutun lóðarinnar og vísar umsókninni til afgreiðslu bæjarráðs.

7. 7. Seley nýting æðavarps

   Mál 2507055 Allur ferill málsins

   Framlagt erindi leigutaka æðvarvarps í Seley vegna framlengingar á nýtingu æðavarps í samræmi við ákvæði samnings um þrjú ár.

   Skipulags- og framkvæmdanefnd samþykkir að samningur verði framlengdur til samræmis við ákvæði samnings.

8. 8. Æðavarp Hafranesi

   Mál 2507054 Allur ferill málsins

   Framlagt erindi vegna ágangs hrafns í æðarvarpi og hópsöfnun hans í kringum urðunarstað í Berunesi.

   Vísað til sviðsstjóra skipulags- og framkvæmdasviðs til úrbóta.

9. 9. Stækkun á kirkjugarðinum á Eskifirði

   Mál 2507007 Allur ferill málsins

   Framlagt bréf frá Sóknarnefnd Eskifjarðarkirkju vegna stækkunar á kirkjugarðinum á Eskifirði.

   Skipulags- og framkvæmdanefnd tekur vel í erindi sóknarnefndarinnar og felur skipulagsfulltrúa að ræða við fulltrúa hennar og að skoða mögulega deiliskipulagsgerð svæðisins.

10. 10. Leikvellir og græn svæði á Neskaupstað

    Mál 2506161 Allur ferill málsins

    Vísað frá bæjarráði til skipulags- og framkvæmdanefndar bréfi Kvenfélagsins Nönnu vegna leikvalla og grænna svæða á Norðfirði.

    Skipulags- og framkvæmdanefnd felur skipulagsfulltrúa ásamt garðyrkjustjóra að skoða svæði í innri hluta Neskaupstaðar sem valkosti til að setja niður leikvöll og leggja fyrir nefndina að nýju.

11. 11. Búðarvegur jarðvinna og lagnir verðkönnun

    Mál 2506112 Allur ferill málsins

    Lagðar fram niðurstöður verðkönnunar vegna jarðvinnu og lagna vegna Búðarvegs á Fáskrúðsfirði.

    Skipulags- og framkvæmdanefnd samþykkir niðurstöður verðkönnunar og felur sviðsstjóra skipulags- og framkvæmdasviðs að ganga frá samningi við bjóðanda og felur bæjarstjóra undirritun verksamnings.

12. 12. Strandgata jarðvinna og lagnir verðkönnun

    Mál 2507050 Allur ferill málsins

    Framlögð niðurstaða verðkönnunar vegna jarðvinnu og lagna í Strandgötu í Neskaupstað.

    Skipulags- og framkvæmdanefnd felur sviðstjóra að ræða við bjóðanda um verkið og ganga frá samningi um verkið og bæjarstjóra falin undirritun hans.

13. 13. Vatnsveitumál í Mjóafirði

    Mál 2503205 Allur ferill málsins

    Fjallað um rekstur og stöðu vatnsveitu í Mjóafirði.

    Skipulags- og framkvæmdanefnd vísar máli til umræðu á næsta fundi nefndarinnar.

14. 14. Boð á Umhverfisþing

    Mál 2506167 Allur ferill málsins

    Framlagt til kynningar boð á umhverfisþing 2025.

    Nefndin sendir fulltrúa á þingið.

15. 15. Ársskýrsla HAUST 2024

    Mál 2507023 Allur ferill málsins

    Framlögð til kynningar ársskýrsla Heilbrigðiseftirlits Austurlands fyrir árið 2024.