Beint í efni
Hnotskurninn

NefndirMenningar- og nýsköpunarnefnd

Menningar- og nýsköpunarnefnd, fundur 42

25. október 2021, kl. 16:30 til 17:50, í fundarsal á bæjarskrifstofunum að Hafnargötu 2 á Reyðarfirði. Fundargerð ritaði Gunnlaugur Sverrisson.

Fundarmenn samkvæmt fundargerð (8)

Fundinn sátu

  • Magni Þór Harðarson, formaður
  • Jón Kristinn Arngrímsson, varaformaður
  • Elva Bára Indriðadóttir, aðalmaður
  • Kristinn Þór Jónasson, aðalmaður
  • Magnea María Jónudóttir, aðalmaður

Starfsmenn

  • Gunnlaugur Sverrisson, embættismaður
  • Gunnar Jónsson, embættismaður
  • Pétur Þór Sörensson, embættismaður

Þessi fundargerð á öðrum fundum

  • Bæjarráð, fundur 732 liður 22

    Fundargerð menningar- og nýsköpunarnefndar frá 25. október lögð fram til afgreiðslu.

  • Bæjarstjórn, fundur 321 liður 7

    Enginn tók til máls.

    Fundargerð menningar- og nýsköpunarnefndar frá 25. október staðfest með 9 atkvæðum.

Dagskrá

  1. 1. Kaup á munum fyrir Íslenska stríðsárasafnið

    Mál 2110109 Allur ferill málsins

    Lagt fram sem trúnaðarmál minnisblað upplýsingafulltrúa um kaup á munum fyrir Íslenska Stríðsárasafnið á Reyðarfirði. Vísað til menningar- og nýsköpunarnefndar með ósk um afstöðu nefndarinnar. Erindið verður tekið fyrir að nýju í bæjarráði í byrjun nóvember. Menningar- og nýsköpunarnefnd telur mikilvægt að gengið verði frá kaupum á safnmunum og farið verði í frekari uppbyggingu á Íslenska Stríðsárasafninu í beinu framhaldi. Nefndin tekur undir áhersluatriði sem koma fram í framlögðu minnisblaði til bæjarráðs um að skipaður verði starfshópur til að móta framtíðarsýn fyrir safnið. Vísað til bæjarráðs.

  2. 2. Styrveitingar menningar- og nýsköpunarnefndar og hafnarstjórnar

    Mál 2110098 Allur ferill málsins

    Umræða um fyrirkomulag styrkveitinga menningar- og nýsköpunarnefndar og hafnarstjórnar til menningartengdra mála og viðburða. Nefndin óskar eftir minnisblaði frá fjármálastjóra um sundurliðun yfir veitta árlega styrki til menningarmála á síðustu átta árum úr hafnarsjóði. Þegar minnisblað liggur fyrir mun menningar- og nýsköpunarnefnd óska eftir sameiginlegum fundi nefndarinnar með hafnarstjórn.

  3. 3. Umsóknir í Uppbyggingarsjóð 2021

    Mál 2110096 Allur ferill málsins

    Umsóknarfrestur í Uppbyggingarsjóð var til 18. október. Gerð var grein fyrir tveimur umsóknum frá menningarstofu. Um er ræða umsókn vegna Upptakts á Austurlandi 2022 og Fjölbreyttar listasmiðjur og listsýningar í Fjarðabyggð 2022.

  4. 4. Aðalfundarboð Sjóminjasafns Austurlands 2021

    Mál 2109235 Allur ferill málsins

    Lögð fram til kynningar fundargerð aðalfundar Sjóminjasafns Austurlands og ársreikningur 2020.

  5. 5. Menningarstyrkir 2021

    Mál 2101186 Allur ferill málsins

    Beiðni um tvær frestanir á greiðslu menningarstyrkja á árinu 2021 vegna Covid-19. Um er að ræða ljósmyndasýningu í Sköpunarmiðstöðinni kr. 50.000 og Listasýningu í tengslum við Queernes í Neskaupstað kr. 100.000. Menningar- og nýsköpunarnefnd er sammála um að umræddir tveir menningarstyrkir færist yfir á fjárhagsárið 2022. Beiðni um yfirfærslu fjármagns vísað til fjármálastjóra.