Mannvirkja- og veitunefnd, fundur 3

Þessi fundargerð á öðrum fundum

• 19. september 2022 Bæjarráð, fundur 765 liður 10

  Fundargerð mannvirkja- og veitunefndar frá 7. september lögð fram til afgreiðslu.

• 6. október 2022 Bæjarstjórn, fundur 339 liður 4

  Fundargerðir mannvirkja- og veitunefndar teknar saman til umræðu og afgreiðslu.

  Til máls tók Stefán Þór Eysteinsson.

  Fundargerð mannvirkja- og veitunefndar frá 7. september staðfest með 9 atkvæðum.

Dagskrá

1. 1. Starfs- og fjárhagsáætlun Mannvirkja- og veitunefndar 2023

   Mál 2208082 Allur ferill málsins

   Lagður fram rammi bæjarráðs að fjárhagsáætlun ársins 2023 ásamt reglum um gerð fjárhagsáætlunar Fjarðabyggðar 2023.

   Fjármálastjóri kynnir helstu áherslur bæjarráðs fyrir vinnu við fjárhagsáætlun ársins 2023.

   Mannvirkja- og veitunefnd felur sviðstjóra framkvæmdasviðs að vinna málið áfram í samræmi við umræður á fundinum og leggja fyrir á næsta fundi.

2. 2. Rekstrarform Hitaveitu Fjarðabyggðar

   Mál 2208146 Allur ferill málsins

   Vísað frá bæjarráði til kynningar minnisblaði KPMG um áhrif þess ef breyting verður gerð á bókhaldslegu rekstrarformi Hitaveitu Fjarðabyggðar með tilliti til skattaumhverfis opinberra orku fyrirtækja.

3. 3. Ársreikningur Hitaveitu Fjarðabyggðar 2021

   Mál 2208075 Allur ferill málsins

   Ársreikningur Hitaveitu Fjarðabyggðar fyrir árið 2021 lagður fram til kynningar. Hefur þegar verið samþykktur í samstæðureikningi Fjarðabyggðar.

4. 4. Álagning vatnsgjalds - breytt aðferð álagningar

   Mál 2002002 Allur ferill málsins

   Lögð fram til kynningar samþykkt bæjarráðs frá 22.8. 2022 breytingu á álagningu vatnsgjalds á grunni samantektar fjármálastjóra á hugmyndum um breytingu á álagningu vatnsgjalds í Fjarðabyggð frá 2020. Bókun bæjarráðs var "samþykkir að hefja vinnu við breytingu á framsetningu álagningar á vatnsgjaldi þar sem horft verður til stærðar eigna í sveitarfélaginu í stað verðmætis. Fjármálastjóra falið að hefja þá vinnu í tengslum við gerð fjárhagsáætlunar 2023."

5. 5. Ársreikningur Eignarhaldsfélagsins Hrauns ehf fyrir árið 2021

   Mál 2208076 Allur ferill málsins

   Ársreikningur Eignarhaldsfélagsins Hrauns ehf fyrir árið 2021 lagður fram til kynningar. Hefur þegar verið samþykktur í samstæðureikningi Fjarðabyggðar.

6. 6. Fráveitustyrkir - Fjarðabyggð

   Mál 2207109 Allur ferill málsins

   Framkvæmdasvið Fjarðabyggðar fékk styrk vegna framkvæmda við fráveitur, hönnun á fráveitum sveitarfélagsins, á árinu 2022.

   Mannvirkja- og veitunefnd felur sviðstjóra framkvæmdasviðs að vinna málið áfram á milli funda og leggja fyrir að nýju.

7. 7. Bréf frá íbúasamtökum Stöðvarfjarðar

   Mál 2208086 Allur ferill málsins

   Lagt fram erindi frá íbúasamtökum Stöðvarfjarðar. Mannvirkja- og veitunefnd þakkar íbúasamtökum Stöðvarfjarðar erindið og felur sviðstjóra framkvæmdasviðs að fara yfir þau verkefni sem í erindinu eru og hafa þau í huga fyrir áætlanir næstu missera.

8. 8. Björgunnarhringir við vötn í Fjarðabyggð

   Mál 2209018 Allur ferill málsins

   Framlagður tölvupóstur frá Slysavarnardeildinni Hafdísi á Fáskrúðsfirði um uppsetningu björgunarhringja við vötn í Fjarðabyggð.

   Vísað frá bæjarráði til mannvirkja- og veitunefndar til úrvinnslu.

   Mannvirkja- og veitunefnd felur sviðstjóra framkvæmdasviðs að vinna málið á sama hátt og við Andapollinn á Reyðarfirði.

9. 9. Mannvirkja- og veitunefnd

   Mál 2209034 Allur ferill málsins

   Tillaga að fundarplani haustsins 2022 hjá mannvirkja- og veitunefnd. Mannvirkja- og veitunefnd samþykkir fundarplan haustsins 2022