Hafnarstjórn, fundur 283

Þessi fundargerð á öðrum fundum

• 12. september 2022 Bæjarráð, fundur 764 liður 12

  Fundargerð Hafnarstjórnar frá 6. september lögð fram til afgreiðslu.

• 14. september 2022 Bæjarstjórn, fundur 338 liður 6

  Til máls tók Jón Björn Hákonarson.

  Fundargerð Hafnarstjórnar frá 6. september er staðfest með 9 atkvæðum.

Dagskrá

1. 1. Erindi til hafnarstjórnar vegna Breiðdalsvíkurhafnar

   Mál 2208171 Allur ferill málsins

   Bréf frá Stefáni Höskuldssyni frá 29. ágúst 2022 um málefni sem varða aðstöðu við höfnina á Breiðdalsvík. Hafnarstjórn þakkar Stefáni fyrir ábendingarnar. Brugðist hefur verið við ábendingum um lagfæringar og unnið er að endurbótum.

2. 2. Erindi vegna bryggju og frárennslisrörs á Breiðdalsvík

   Mál 2109186 Allur ferill málsins

   Lagt fram minnisblað sviðsstjóra framkvæmdasviðs varðandi erindi Elís Péturs Elíssonar vegna bryggju og frárennslisrörs á Breiðdalsvík. Hafnarstjórn samþykkir að farið verði í verkefnið á grundvelli minnisblaðs.

3. 3. Stormpolli á Mjóeyrarhöfn

   Mál 2209023 Allur ferill málsins

   Eimskip óskaði eftir því að settur yrði upp stormpolli vestan við núverandi kant á Mjóeyrarhöfn þar sem hætta væri á því að núverandi búnaður gæfi sig ef hnykkur kæmi á skip þeirra.

   Lagðar fram tillögur og teikningar af færanlegum stormpolla sem mun þannig nýtast í framtíðarstækkun Mjóeyrarhafnar. Hafnarstjórn samþykkir að hafinn verði undirbúningur að gerð stormpolla. Framkvæmdasviði falið umhald framkvæmdarinnar ásamt því að fá sundurliðun kostnaðar og leggja fyrir hafnarstjórn að nýju.

4. 4. Umsókn um styrk vegna viðhalds á bryggju í Viðfirði

   Mál 2209026 Allur ferill málsins

   Lögð fram umsókn Viðfjarðar sf. um styrk vegna viðhalds á bryggju í Viðfirði. Hafnarstjórn samþykkir styrk á grundvelli reglna um viðhald og endurgerð gamalla bryggja. Verkefnastjóra hafna falið að ganga frá afgreiðslu styrksins.

5. 5. Fóðurprammi sekkur við Gripalda

   Mál 2101071 Allur ferill málsins

   Fóðurprammanum Munin var náð upp af hafsbotni og hann fluttur að bryggju á Reyðarfirði. Farið yfir stöðu mála í aðgerðunum. Á næstunni er von á frekari búnaði til aðgerðanna.

6. 6. Ósk um umsögn um strandsvæðisskipulag Austfjarða

   Mál 2207045 Allur ferill málsins

   Lögð fram til samþykkis umsögn Fjarðabyggðar við strandsvæðisskipulagi Austfjarða. Skilafrestur er til 15.september. Hafnarstjórn samþykkir umsögnina með lítilsháttar breytingum í samræmi við umræður á fundinum.

7. 7. Ráðstefnan Lagarlíf

   Mál 2209012 Allur ferill málsins

   Ráðstefnan Lagarlíf verður haldin 20.-21.október á Grand Hótel Reykjavík. Efni ráðstefnunnar verður fiskeldi, í sjó og á landi. Hafnarstjórn samþykkir að senda fulltrúa á ráðstefnuna.

8. 8. Sjávarútvegsskólinn á Austurlandi 2022

   Mál 2203147 Allur ferill málsins

   Lagt fram til kynningar þakkarbréf Sjávarútvegsskóla unga fólksins ásamt frétt sem tekin var saman um skólann.