Hafnarstjórn, fundur 259

Þessi fundargerð á öðrum fundum

• 22. mars 2021 Bæjarráð, fundur 704 liður 14

  Fundargerð hafnarstjórnar nr. 259 frá 16. mars sl., lögð fram til afgreiðslu.

• 25. mars 2021 Bæjarstjórn, fundur 309 liður 9

  Fundargerðir hafnarstjórnar teknar til umfjöllunar og afgreiðslu saman.

  Fundargerð hafnarstjórnar frá 16. mars sl., staðfest með 8 atkvæðum.

  Rúnar Már Gunnarsson var fjarverandi afgreiðslu.

Dagskrá

1. 1. Smábátahöfn Fáskrúðsfirði - stækkun

   Mál 2101225 Allur ferill málsins

   Á 258.fundi hafnarstjórnar var sviðsstjóra framkvæmdasviðs falið að fara yfir kostnaðaráætlun með tilliti til fjárhagsáætlunar og leggja fyrir hafnarstjórn að nýju.

   Hafnarstjórn samþykkir að fara í framkvæmdina á grundvelli fyrirliggjandi kostnaðaráætlunar sem rúmast innan fjárfestingaáætlunar hafnarinnar. Sviðsstjóra framkvæmdasviðs er falið að ganga frá samningi við Guðmund Guðlaugsson bryggjusmið um verkið.

2. 2. Smábátahöfn Norðfirði - stækkun

   Mál 2103081 Allur ferill málsins

   Eftir óveðrið sem gekk yfir í byrjun árs þarf að bæta aðstöðu fyrir stærri báta í smábátahöfninni á Norðfirði. Lagt er til að kaupa tvær flotbryggjur til að bæta úr þeim aðstöðuvanda.

   Fyrir liggur tilboð frá Bryggjuvinum ehf. í tvær flotbryggjur, samanlagt að lengd 22 metrar. Hafnarstjórn samþykkir að kaupa bryggjurnar á grundvelli fyrirliggjandi tilboðs og felur sviðsstjóra framkvæmdasviðs að ganga frá kaupunum. Kaupin rúmast innan fjárfestingaáætlunar.

3. 3. Gjaldskrá Fjarðabyggðarhafna 2021

   Mál 2009113 Allur ferill málsins

   Gjaldskrá Fjarðabyggðarhafna lögð fram til samþykkis eftir breytingar sem samþykktar voru á 257. fundi hafnarstjórnar. Hafnarstjórn staðfestir breytingar á gjaldskrá og vísar henni til bæjarráðs.

4. 4. Móttaka á sorpi á hafnarsvæðum

   Mál 2103056 Allur ferill málsins

   Lagt fyrir erindi frá Hafnasambandi Ísland um móttöku úrgangs og farmleifa á hafnasvæðum, þar sem hafnir eru hvattar til að bjóða upp á aðstöðu til að smærri skip og bátar geti skilað flokkuðu sorpi. Verkefnastjóri hafna hefur nú þegar hafið samráð við útgerðarfyrirtækin og hagsmunaaðila í Fjarðabyggð um samræmingu í móttöku sorps í Fjarðabyggðarhöfnum.

5. 5. Fóðurprammi sekkur við Gripalda

   Mál 2101071 Allur ferill málsins

   Farið yfir árangur af áfanga I og II í aðgerðaáætlun Köfunarþjónustunnar sem lauk sunnudaginn 7.mars síðastliðinn. Búið er að losa olíu úr prammanum og unnið er nú að næsta áfanga sem miðar að því að ná prammanum af svæðinu.

6. 6. Drangur sekkur í Stöðvarfjarðarhöfn

   Mál 2010176 Allur ferill málsins

   Drangur ÁR-307 sem sökk í Stöðvarfjarðarhöfn í lok október síðastliðins liggur þar enn við bryggju. Farið yfir stöðuna.

7. 7. Dýpi við Löndunarbryggju á Norðfirði

   Mál 2103084 Allur ferill málsins

   Lagt fyrir erindi frá Síldarvinnslunni varðandi dýpi við Löndunarbryggjuna á Norðfirði og þekju bryggjunnar. Hafnarstjórn felur framkvæmdasviði að taka erindið til skoðunar með tilliti til lagfæringar á þekju í tengslum við aðrar framkvæmdir.

8. 8. Hafnafundur 2021

   Mál 2103061 Allur ferill málsins

   Stjórn Hafnasambands Íslands boðar til 10. hafnafundar, sem haldinn verður í Hafnarfirði föstudaginn 21.maí nk. Hafnarstjórn samþykkir að senda fulltrúa á fundinn.

9. 9. Umsókn um styrk vegna Franskra daga 2021

   Mál 2103055 Allur ferill málsins

   Umsókn um styrk vegna Franskra daga 2021. Hafnarstjórn samþykkir að veita styrk samkvæmt áður samþykktum tillögum, heimili sóttvarnarreglur hátíðahöld.

10. 10. Fundargerðir Hafnasambands Íslands 2021

    Mál 2101212 Allur ferill málsins

    Lögð fram til kynningar fundargerð 432.fundar Hafnasambands Íslands

11. 11. Aðalfundur Fiskmarkaðs Austurlands 2021

    Mál 2103094 Allur ferill málsins

    Framlagt boð um aðalfund Fiskmarkaðar Austurlands þann 23. mars n.k. Núverandi fulltrúar í stjórn eru Snorri Styrkársson og Karl Óttar Pétursson, Rúnar Gunnarsson til vara. Hafnarstjórn felur hafnarstjóra og fjármálastjóra að sækja fundinn fyrir hönd Fjarðabyggðarhafna.