Hafnarstjórn, fundur 256

Þessi fundargerð á öðrum fundum

• 1. febrúar 2021 Bæjarráð, fundur 698 liður 9

  Fundargerð hafnarstjórnar nr. 256 frá 26. janúar, lögð fram til afgreiðslu.

• 4. febrúar 2021 Bæjarstjórn, fundur 306 liður 4

  Til máls tók Jón Björn Hákonarson.

  Fundargerð hafnarstjórnar frá 26. janúar sl. staðfest með 9 atkvæðum.

Dagskrá

1. 1. Erindi vegna áforma um innheimtu vörugjalds

   Mál 2101157 Allur ferill málsins

   Lagt fram erindi frá Samtökum fyrirtækja í sjávarútvegi vegna áforma um innheimtu vörugjalds af umskipun á fóðri á sjó. Hafnarstjórn felur hafnarstjóra og verkefnastjóra hafna að vinna að málinu áfram og leggja fyrir að nýju.

2. 2. Deiliskipulag, Eskifjörður-Útkaupstaður

   Mál 2009211 Allur ferill málsins

   Í tengslum við deiliskipulagsgerð óskar eigna-, skipulags- og umhverfisnefnd eftir umsögn hafnarstjórnar vegna landnotkunar neðan Strandgötu 38 til 42 á Eskifirði í kjölfar þess að frystihús og tengd starfsemi eru víkjandi á svæðinu. Hafnarstjórn felur verkefnastjóra hafna að koma umsögn til eigna-, skipulags- og umhverfisnefndar á grundvelli umræðna á fundinum. Hafnarstjórn leggur áherslu á að gætt verði að athafnasvæði hafnar í skipulagi.

3. 3. Aðgangskerfi og myndavélar á Mjóeyrarhöfn

   Mál 2101111 Allur ferill málsins

   Aðgangs- og myndavélakerfis Mjóeyrarhafnar þarfnast endurnýjunar. Lögð fram tillaga að endurnýjun á kerfinu. Hafnarstjórn samþykkir að farið verði í endurnýjun á kerfinu og felur verkefnastjóra hafna og sviðsstjóra framkvæmdasviðs undirbúning á því.

4. 4. Eskifjarðarhöfn - stækkun

   Mál 2003091 Allur ferill málsins

   Staurarekstur er hafinn í nýrri höfn á Eskifirði. Farið yfir stöðu framkvæmda og næstu skref. Áætluð verklok eru 5.febrúar.

5. 5. Fóðurprammi sekkur við Gripalda

   Mál 2101071 Allur ferill málsins

   Farið yfir stöðu mála vegna fóðurpramma Laxa Fiskeldis ehf. sem sökk við Gripalda.

6. 6. Drangur sekkur í Stöðvarfjarðarhöfn

   Mál 2010176 Allur ferill málsins

   Drangur ÁR-307 sem sökk í Stöðvarfjarðarhöfn í lok október síðastliðins liggur þar enn við bryggju. Farið yfir stöðuna.

7. 7. Umsókn um leitar- og rannsóknarleyfi í Reyðarfirði

   Mál 2004013 Allur ferill málsins

   Lagt fram til kynningar leyfi til leitar- og rannsókna á hafsbotni í Reyðarfirði sem Orkustofnun gaf út þann 15.janúar síðastliðinn. Verkefnastjóra hafna falin frekari vinnsla málsins.

8. 8. 418. mál - Frumvarp til laga um breytingu á lögum um stjórn fiskveiða (atvinnu- og byggðakvótar o.fl.)

   Mál 2101173 Allur ferill málsins

   Atvinnuveganefnd Alþingis sendir til umsagnar frumvarp til laga um breytingu á lögum um stjórn fiskveiða(atvinnu- og byggðakvótar o.fl.), 418. mál. Ef veita á umsögn þarf hún að berast eigi síðar en 10. febrúar 2021. Hafnarstjórn felur hafnarstjóra, atvinnu- og þróunarstjóra og verkefnastjóra hafna að fara yfir frumvarpið og meta með umsögn eftir umræður á fundinum.

9. 9. 419.mál - Frumvarp til laga breytingu á lögum um veiðar í fiskveiðilandhelgi Íslands og lögum um stjórn fiskveiða (veiðistjórn grásleppu, sandkola og hryggleysingja)

   Mál 2101174 Allur ferill málsins

   Atvinnuveganefnd Alþingis sendir til umsagnar frumvarp tillaga breytingu á lögum um veiðar í fiskveiðilandhelgi Íslands og lögum um stjórn fiskveiða (veiðistjórn grásleppu, sandkola og hryggleysingja), 419. mál. Ef senda á umsögn þarf hún að berast eigi síðar en 10. febrúar 2021. Hafnarstjórn felur hafnarstjóra, atvinnu- og þróunarstjóra og verkefnastjóra hafna að fara yfir frumvarpið og meta með umsögn eftir umræður á fundinum.