Hafnarstjórn, fundur 237

Þessi fundargerð á öðrum fundum

• 2. mars 2020 Bæjarráð, fundur 652 liður 14

  Lögð fram til afgreiðslu fundargerð Hafnarstjórnar frá 17. febrúar sl.

• 5. mars 2020 Bæjarstjórn, fundur 287 liður 3

  Til máls tók Jón Björn Hákonarson.

  Fundargerð hafnarstjórnar frá 17. febrúar sl. staðfest með 9 atkvæðum.

Dagskrá

1. 1. Veðurstöðvar á Fjarðabyggðarhöfnum

   Mál 1911045 Allur ferill málsins

   Eftir að hafa fundað með báðum aðilum þá er það niðurstaða verkefnastjóra hafna og sviðsstjóra framkvæmdasviðs að ganga til samninga við Vista. Hafnarstjórn samþykkir tillögu starfsmanna og felur þeim frágang málsins.

2. 2. Beiðni um styrk til endurbóta á bryggju

   Mál 1910044 Allur ferill málsins

   Gullþúfa ehf., eigandi sjóhúss að Strandgötu 19 í Neskaupstað, óskar eftir styrk úr hafnarsjóði til endurbóta og styrkingar á bryggjunni við sjóhúsið. Áætlaður kostnaður við endurbætur á bryggjunni eru 1.500.000 kr.

   Hafnarstjórn samþykkir beiðnina þar sem hún er í samræmi við reglur Fjarðabyggðarhafna um styrki til viðhalds og endurgerðar gamalla bryggja, að því gefnu að styrkþegi uppfylli öll skilyrði þeirra um upplýsingagjöf.

3. 3. Fundur með sveitar- og hafnarstjórnum vegna kynningar á lýsingu fyrir gerð strandsvæðisskipulags á Austfjörðum

   Mál 2002087 Allur ferill málsins

   Framlögð áform um sameiginlegan fund í tengslum við kynningu á lýsingu fyrir gerð strandsvæðisskipulags á Austfjörðum. Fundað verður með sveitar- og hafnarstjórnum Fjarðabyggðar, Borgarfjarðarhrepps, Seyðisfjarðarkaupstaðar og Djúpavogshrepps þann 20. apríl kl. 10:00.

   Hafnarstjórn mun sækja fundinn.

4. 4. Beiðni um umsögn v.endurnýjunar heimavigtunarleyfis fiskimjölsverksmiðju

   Mál 2002089 Allur ferill málsins

   Tekin til afgreiðslu beiðni Eskju um umsögn vegna endurnýjunar heimavigtunarleyfis fiskimjölsverksmiðju. Hafnarstjórn samþykkir beiðni Eskju og felur verkefnastjóra hafna að veita umsögnina.

5. 5. Umsókn um stækkun á tanki - Stöðvarfjörður

   Mál 2002073 Allur ferill málsins

   Lögð fram umsókn Skeljungs um stækkun bátadælutanks á Stöðvarfirði. Hafnarstjórn samþykkir umsóknina en gerir kröfur um að Skeljungur komi upp fullnægjandi ákeyrsluvörnum og uppfylli öll skilyrði laga og reglna. Jafnframt er verkefnastjóra hafna falin vinna við reglur um aðstöðu olíutanka og leggja fyrir að nýju.

6. 6. Könnun vegna strandveiða

   Mál 2002069 Allur ferill málsins

   Lögð fyrir beiðni Byggðastofnunar um svar við spurningunni hvaða þýðingu strandveiðar hafa fyrir hafnirnar, m.t.t. nýtingar hafnarmannvirkja, tekna og umsvifa. Hafnarstjórn felur verkefnastjóra hafna að svara beiðninni.

7. 7. Aðalfundur Cruise Iceland 2020

   Mál 2002088 Allur ferill málsins

   Aðalfundur Cruise Iceland verður haldinn föstudaginn 8.maí 2020 kl. 16:00 á Siglufirði.

   Hafnarstjórn sendir fulltrúa á fundinn.

8. 8. Umsókn um hluta lóðar í Neskaupstað

   Mál 1805256 Allur ferill málsins

   Hafnarstjórn samþykkti á fundi 14.6.2018 að úthluta lóð til Fiskmarkaðs Austurlands á hafnarsvæðinu í Neskaupstað. Fiskmarkaðurinn tók síðan upp viðræður við Síldarvinnsluna um mögulega nýtingu laxatanka undir starfsemina. Nú er endanlega ljóst að ekki getur orðið af því. Fiskmarkaður Austurlands vill því halda áfram með áform um lóð fyrir byggingu á þjónustuhúsnæði fyrir markaðinn, ca 300 fm að stærð með tilheyrandi lóðarrými.

   Hafnarstjórn samþykkir að úthluta lóð til Fiskmarkaðar Austurlands og felur hafnarstjóra að ræða við Fiskmarkaðinn um útfærslu lóðarinnar.

9. 9. Landtengingar hafna

   Mál 2002112 Allur ferill málsins

   Hafnarstjórn hefur rætt á fundum sínum málefni um landtengingar hafna. Verkefnastjóra hafna falið að kortleggja slíkar tengingar í höfnum Fjarðabyggðar og leggja fyrir nefndina að nýju.