Beint í efni
Hnotskurninn

NefndirHafnarstjórn

Hafnarstjórn, fundur 132

2. júní 2014, kl. 17:00 til 19:00, í fundarsal á bæjarskrifstofunum að Hafnargötu 2 á Reyðarfirði. Fundargerð ritaði Steinþór Pétursson.

Fundarmenn samkvæmt fundargerð (6)

Fundinn sátu

  • Guðmundur Þorgrímsson, formaður
  • Ævar Ármannsson, aðalmaður
  • Óskar Þór Hallgrímsson, aðalmaður
  • Benedikt Sigurjónsson, varamaður
  • Árni Þórhallur Helgason, varamaður
  • Steinþór Pétursson, embættismaður

Þessi fundargerð á öðrum fundum

  • Bæjarráð, fundur 387 liður 13

    Fundargerð hafnarstjórnar nr. 132 frá 2.júní 2014 lögð fram til kynningar.

  • Bæjarstjórn, fundur 157 liður 3

    Til máls tók Jens Garðar Helgason.

    Fundargerð hafnarstjórnar, nr.132 frá 2.júní 2014, samþykkt með 9 atkvæðum.

Dagskrá

  1. 1. Fundagerðir Hafnasamband Íslands árið 2014

    Mál 1401229 Allur ferill málsins

    Fundargerð stjórnar Hafnasambands Íslands nr. 365 dags. 15. maí 2014. Til kynningar.

  2. 2. Beiðni um umsögn á tillögu að breytingu á Aðalskipulagi Fjarðabyggðar 2007-2027 ásamt umhverfisskýrslu vegna breyttrar landnotkunar við Eyri í Reyðarfirði

    Mál 1405092 Allur ferill málsins

    Erindi frá skipulagsfulltrúa Fjarðabyggðar dags. 20. maí 2014 þar sem óskað er eftir umsögn á tillögu að breytingu á Aðalskipulagi Fjarðabyggðar 2007-2027 ásamt umhverfisskýrslu vegna breyttrar landnotkunar við Eyri í Reyðarfirði.

    Hafnarstjórn gerir ekki athugasemdi við tillögu að breytingu á Aðalskipulagi Fjarðabyggðar 2007-2027 né umhverfismatsskýrslu vegna breyttrar landnotkunar við Eyri í Reyðarfirði.

  3. 3. Norðfjörður - Löndunaraðstaða smábáta

    Mál 1301313 Allur ferill málsins

    Niðurstaða verðkönnunar vegna stoðveggjar ofan við löndunarbryggju smábáta á Norðfirði var opnuð 27. maí 2014 kl. 14. Eitt verðboð barst í verkið en fimm aðilar fengu gögn send. Boðið sem barst var frá Trévangi ehf. og var það upp á 8.798.750 kr. eða 144,5% af kostnaðaráætlun sem var upp á 6.090.000 kr. Hafnarstjórn samþykkir að ganga til samninga við verðbjóðanda.

  4. 4. Kortlagning á starfsemi sjávarútvegs á Austfjörðum, og mögulegri nýsköpun sem gæti leynst þar

    Mál 1402140 Allur ferill málsins

    Framhald erindis sem tekið var fyrir í hafnarstjórn 25. mars 2014. Varðar kortlagningu á starfsemi sjávarútvegs á Austfjörðum. Á fundinum var tekið jákvætt í erindið en óskað frekari upplýsinga. Nú liggja þær fyrir og frekari upplýsingar um verkefnið og ósk um þátttöku hafnarsjóðs upp á 500.000 kr. Hafnarstjórn samþykkir að styðja verkefnið um 500.000 kr. en fer fram á upplýsingar um hvort og hvernig önnur sveitarfélög á Austfjörðum koma að málinu.

  5. 5. Sjávarútvegsskóli Fjarðabyggðar

    Mál 1405107 Allur ferill málsins

    Erindi frá Sjávarútvegsskóla Síldarvinnslunnar dags.22. maí 2014, þar sem óskað er eftir stuðningi til að víkka út starfsemi sjávarútvegsskólans þar sem krökkum í 8. bekk í öllum byggðarkjöfnum yrði gefin kostur á fræðslu um fiskvinnslu, fiskveiðar og sjávarútveg. Farið er fram á 450.000 kr. styrk frá Hafnarsjóði vegna þessa. Hafnarstjórn samþykkti styrkbeiðnina.