Fræðslunefnd, fundur 77

Þessi fundargerð á öðrum fundum

• 9. desember 2019 Bæjarráð, fundur 643 liður 17

  Fundargerð fræðslunefndar, nr. 77 frá 4.desember 2019, lögð fram til umfjöllunar.

• 12. desember 2019 Bæjarstjórn, fundur 281 liður 6

  Enginn tók til máls.

  Fundargerð fræðslunefndar, nr. 77 frá 4.desember 2019, samþykkt með 9 atkvæðum.

Dagskrá

1. 1. Tvöföld skólavist

   Mál 1910056 Allur ferill málsins

   Á síðasta fundi fræðslunefndar var fræðslustjóra falið að semja drög að reglum sem taka mið af áliti Sambandsins um tvöfalda skólavist. Í áliti Sambandsins eru sveitarfélög hvött til þess að hafna tvöfaldri skólavist í bæði leik- og grunnskóla, þar sem tvöföld skólavist samræmdist ekki ákvæðum laga. Fyrir fundinum liggja drög að reglum sjá næsta mál á dagskrá, Reglur um skólahverfi, umsóknir og innritun í grunnskóla Fjarðabyggðar, en þar er fjallað um tvöfalda skólavist auk þess sem tekið er á fleiri þáttum er varðar innritun í grunnskóla.

2. 2. Reglur um skólahverfi, umsóknir og innritun í grunnskóla Fjarðabyggðar

   Mál 1911162 Allur ferill málsins

   Fyrir liggja drög að reglum um skólahverfi, umsóknir og innritun í grunnskóla Fjarðabyggðar. Í reglunum er kveðið á um skiptingu skólahverfa í Fjarðabyggð, fjallað um umsóknir og innritun í grunnskóla Fjarðabyggðar, nám utan lögheimilissveitarfélags og tvöfaldri skólavist. Fræðslunefnd fór yfir fyrirliggjandi drög. Fræðslunefnd óskar eftir áliti grunnskólastjóra og frestar afgreiðslu til næsta fundar.

3. 3. Snjalltækjavæðing og reglur um snjalltæki í grunnskólum Fjarðabyggðar

   Mál 1806053 Allur ferill málsins

   Til umræðu eru drög að viðhorfakönnun þar sem leitað er eftir viðhorfum nemenda í 5.-10. bekk grunnskóla, viðhorfum foreldra/forráðamanna nemenda í 5.-10. bekk og starfsmanna grunnskóla, til reglna um snjalltæki í grunnskólum Fjarðabyggðar. Reglurnar tóku gildi 1. febrúar 2019 og þá var ákveðið að endurskoða þær að ári liðnu. Viðhorfakannanirnar eru liður í þeirri endurskoðun. Fræðslunefnd fór yfir könnunina og felur fræðslustjóra að leggja hana fyrir í desember.

4. 4. Niðurstöður úr Skólavoginni

   Mál 1311034 Allur ferill málsins

   Fyrir liggja upplýsingar úr skólavoginni um niðurstöður nemendakönnunar 6. - 10. bekkjar grunnskóla sem lögð var fyrir í október 2019. Hver grunnskóli fer yfir og vinnur úr niðurstöðum.