Fræðslunefnd, fundur 47

Þessi fundargerð á öðrum fundum

• 16. október 2017 Bæjarráð, fundur 538 liður 29

  Fundargerð fræðslunefndar, nr. 47 frá 11.október, lögð fram til kynningar.

• 19. október 2017 Bæjarstjórn, fundur 230 liður 5

  Til máls tóku Pálína Margeirsdóttir og Jón Björn Hákonarson.

  Fundargerð fræðslunefndar, nr. 47 frá 11.október 2017, samþykkt með 9 atkvæðum.

Dagskrá

1. 1. Gjaldskrá tónlistarskóla 2018

   Mál 1709214 Allur ferill málsins

   Fræðslunefnd skoðaði gjaldskrá tónlistarskólanna í Fjarðabyggð og bar hana saman við gjaldskrá viðmiðunarsveitarfélaga. Fjárhagsrammi fræðslunefndar gerir ráð fyrir 2,7% hækkun á gjaldskrá frá 1. janúar 2018 miðað við verðlagsspá og það er jafnframt tillaga nefndarinnar.

2. 2. Gjaldskrá leikskóla 2018

   Mál 1709213 Allur ferill málsins

   Fræðslunefnd skoðaði gjaldskrá leikskólanna í Fjarðabyggð og bar hana saman við gjaldskrá viðmiðunarsveitarfélaga og úttekt ASÍ á 15 stærstu sveitarfélögum landsins fyrir árið 2017. Fjárhagsrammi fræðslunefndar gerir ráð fyrir 2,7% hækkun á gjaldskrá frá 1. janúar 2018 miðað við verðlagsspá og það er jafnframt tillaga nefndarinnar.

3. 3. Gjaldskrá skólamats í grunnskólum 2018

   Mál 1710065 Allur ferill málsins

   Fræðslunefnd skoðaði gjaldskrá á skólamáltíðum í Fjarðabyggð og bar hana saman við gjaldskrá viðmiðunarsveitarfélaga fyrir árið 2017. Fjárhagsrammi fræðslunefndar gerir ráð fyrir 2,7% hækkun á gjaldskrá frá 1. janúar 2018 miðað við verðlagsspá og það er jafnframt tillaga nefndarinnar.

4. 4. Gjaldskrá skóladagheimila 2018

   Mál 1709212 Allur ferill málsins

   Fræðslunefnd fór yfir gjaldskrá frístundar (skóladagheimila) í Fjarðabyggð og bar hana saman við gjaldskrár viðmiðunarsveitarfélaga. Fjárhagsrammi fræðslunefndar gerir ráð fyrir 2,7% hækkun á gjaldskrá frá 1. janúar 2018 miðað við verðlagsspá og það er jafnframt tillaga nefndarinnar.

5. 5. Gjaldskrá grunnskóla 2018

   Mál 1709211 Allur ferill málsins

   Fræðslunefnd fór yfir gjaldskrá grunnskóla í Fjarðabyggð og bar hana saman við gjaldskrár viðmiðunarsveitarfélaga fyrir árið 2017. Fjárhagsrammi fræðslunefndar gerir ráð fyrir 2,7% hækkun á gjaldskrá frá 1. janúar 2018 miðað við verðlagsspá og það er jafnframt tillaga nefndarinnar.

6. 6. Fjárheimildir í fjárhagsáætlun 2018 - Fræðslunefnd

   Mál 1709028 Allur ferill málsins

   Farið var yfir fjárhagsáætlun í fræðslumálum og hún borin saman við úthlutaðan fjárhagsramma. Vitað var að töluverður munur yrði á áætlun og úthlutuðum fjárhagsramma þar sem ramminn tók mið af fjölda og rekstri á árinu 2017. Fjölgun nemenda í bæði leik- og grunnskólum kallar á fleiri stöðugildi í skólunum. Nýr samningur um skólamáltíðir sem og samþykkt bæjarstjórnar vorið 2017 varðandi bókun 1 í kjarasamaningi LNS og FG eru atriði sem vitað var að myndi auka kostnað. Munur á fjárhagsáætlun og fjárheimildum er um 3,6%.

   Einnig var farið yfir drög að starfsáætlun í fræðslumálum fyrir árið 2018. Fræðslustjóra er falið að ljúka við fjárhags- og starfsáætlun í takt við umræðu í nefndinni.

7. 7. Viðbygging við leikskólann Lyngholt

   Mál 1611029 Allur ferill málsins

   Fræðslunefnd ræddi um fyrirhugaða stækkun leikskólans Lyngholts á Reyðarfirði og hvernig bregðast megi við þeirri stöðu sem upp kemur um áramótin 2017-2018 þegar núverandi leikskólahúsnæði getur ekki lengur tekið á móti öllum börnum sem orðin eru 12 mánaða. Fræðslustjóri, leikskólastjóri og sviðsstjóri framkvæmda- og umhverfissviðs hafa undanfarið skoðað möguleika á að koma fyrir lausri kennslustofu í námunda við skólann og skoða nýtingu á Félagslundi fyrir leikskóladeild. Það er álit fyrrnefndra aðila að erfitt sé að staðsetja lausa kennslustofu í námunda við skólann án þess að hún stæði í vegi fyrir framkvæmdum við viðbyggingu. Nýting á Félagslundi þykir vænlegri kostur og Heilbrigðiseftirlit Austurlands hefur gert úttekt á húsnæðinu og gert athugasemdir sem bregðast þarf við. Nú er unnið að því að kostnaðarmeta breytingar á húnæðinu og yfirfara á hvern hátt deild verði best komið fyrir í húsnæðinu. Fræðslunefnd leggur mikla áherslu á að flýta vinnunni þannig að áfram verði hægt að bjóða öllum börnum sem orðin eru 12 mánaða upp á leikskólavist.

8. 8. Velferðarvaktin - Kostnaðarþátttaka vegna skólagagna

   Mál 1710041 Allur ferill málsins

   Lögð var fyrir skýrsla Velferðarvaktarinnar, þar sem farið er yfir kostnaðarþátttöku sveitarfélaga vegna skólanámsgagna. Fyrr í sumar samþykkti sveitarfélagið Fjarðabyggð að veita öllum nemendum ókeypis námsgögn. Framkvæmdin gekk mjög vel í grunnskólum sveitarfélagsins og mikil ánægja með ákvörðunina. Lagt fram til kynningar

9. 9. Málefni nemenda

   Mál 1710066 Allur ferill málsins

   Fært í trúnaðarmálabók.