Félagsmálanefnd, fundur 96

Dagskrá

1. 1. Fyrirhuguð koma flóttafjölskyldna frá Reykjanesbæ

   Mál 1706095 Allur ferill málsins

   Þrjár fjölskyldur sem fengu nýlega stöðu flóttamanna fluttu frá Reykjanesbæ til Fjarðabyggðar. Rauði Krossinn á Reyðarfirði tók á móti fjölskyldunum og aðstoðaði þær við flutninga. Félagsmálanefnd þakkar sjálfboðaliðum Rauða krossins fyrir vel unnin störf.

2. 2. Fjárhagsáætlun Fjarðabyggðar 2018

   Mál 1705194 Allur ferill málsins

   Félagsmálastjóri gerði grein fyrir ferli við fjárhagsáætlanagerð fyrir árið 2018. Eins og á síðasta ári er drögum að fjárhagsrömmum fastanefnda úthlutað í maí og gert er ráð fyrir að fyrsta tillaga að starfsáætlun verði lögð fyrir fastanefndir að sumri og þar sem fram koma áherslubreytingar á starfsemi ásamt tillögum að breytingum á þjónustu. Farið var yfir fjölskyldustefnu Fjarðabyggðar og sviðsstjóra falið að gera drög að starfsáætlun á grunni þeirrar umræðu sem fram fór í nefndinni.