Félagsmálanefnd, fundur 132

Þessi fundargerð á öðrum fundum

• 14. apríl 2020 Bæjarráð, fundur 658 liður 7

  Fundargerð félagsmálanefndar frá 7. apríl sl. lögð fram til umfjöllunar og afgreiðslu.

• 16. apríl 2020 Bæjarstjórn, fundur 290 liður 9

  Enginn tók til máls.

  Fundargerð félagsmálanefndar frá 7. apríl staðfest með 9 atkvæðum.

Dagskrá

1. 1. Samráðsfundir og viðbrögð vegna coronaveiru COVID19

   Mál 2002090 Allur ferill málsins

   Vísað frá bæjarráði til kynningar í félagsmálanefnd. Bæjarráð fór yfir stöðuna og verkferla hjá sveitarfélaginu vegna Covid-19 og þakkar starfsmönnum sveitarfélagsins sem og íbúum þess fyrir ómetanlegt framlag á þessum erfiðu tímum. Bæjarráð þakkar sérstaklega starfsmönnum skólastofnana, félags-, heimaþjónustu og hjúkrunarheimila fyrir þeirra störf.

   Þá hittist aðgerðarhópur Fjarðabyggðar daglega til að fara yfir stöðuna og almannavarnarnefnd Austurlands gegnir lykilhlutverki við undirbúning viðbragða og eftirfylgni.

   Sviðsstjóri fjölskyldusviðs greindi frá starfi aðgerðarhóps og viðbragðsáætlunum Fjölskyldusviðs varðandi þjónustu við fjölskyldur. Félagmálanefnd þakkar starfsmönnum og íbúum Fjarðabyggðar fyrir gott samstarf og vel unnin störf.

2. 2. Bændur á Austurlandi - Covid 19

   Mál 2003146 Allur ferill málsins

   Vísað frá bæjarráði til félagsmálanefndar bréfi frá stjórn Búnaðarsambands Austurlands þar sem forsvarsmenn sveitarfélaga á Austurlandi eru beðnir um að huga sérstaklega að fólki sem býr í sveitum og teljast, aldurs síns vegna, vera í áhættuhópi hvað varðar COVID-19.

   Bæjarstjóra hefur verið falið að senda út bréf til lögbýla og koma á reglulegum samskiptum.

   Meðal aðgerða fjölskyldusviðs Fjarðabyggðar er að hafa samband við alla íbúa Fjarðabyggðar, 80 ára og eldri sem ekki njóta heimaþjónustu eða heimahjúkrunar, til að kanna hagi þeirra.

3. 3. Viðspyrna af hálfu sveitarfélaga fyrir íslenskt atvinnulíf

   Mál 2003122 Allur ferill málsins

   Vísað frá bæjarráði til kynningar í félagsmálanefnd erindi Sambands íslenskra sveitarfélaga um viðspyrnu af hálfu sveitarfélaga fyrir íslenskt atvinnulíf. Bæjarráð samþykkti tillögur sem fyrstu aðgerðir Fjarðabyggðar til viðspyrnu fyrir samfélagið vegna COVID-19 faraldursins á 656. fundi sínum þann 30. mars 2020.

   Félagsmálanefnd fagnar áætlunum um viðspyrnu en minnir jafnframt á að kynjasjónarmið verði höfð að leiðarljósi við áætlunargerð.

4. 4. Styrktarsjóður EBÍ 2020

   Mál 2003110 Allur ferill málsins

   Framlagt er bréf til kynningar á Styrktarsjóði EBÍ. Tilkgangur sjóðsins er að styrkja sérstök framfaraverkefni á vegum aðildarsveitarfélaga.

   Félagsmálanefnd felur sviðsstjóra fjölskyldusviðs í samráði við félagsmálastjóra og stjórnanda barnaverndar að sækja um í styrktarsjóð EBÍ 2020.

5. 5. 666.mál til umsagnar frumvarp til laga um félagslegan viðbótarstuðning við aldraða

   Mál 2003141 Allur ferill málsins

   Velferðarnefnd Alþingis sendi til umsagnar frumvarp til laga um félagslegan viðbótarstuðning við aldraða, 666. mál. Félagsmálanefnd gerir ekki athugasemd við frumvarpið.

6. 6. Framkvæmdaráð hjúkrunarheimilanna - 16

   Fundargerðin í heild

   Fundargerð framkvæmdaráðs hjúkrunarheimilanna frá 16. fundi sem haldinn var 17. mars 2020 lögð fram til kynningar í félagsmálanefnd. Félagsmálanefnd þakkar starfsfólki hjúkrunarheimilanna fyrir vel unnin störf.

   1. 6.1 Rekstur hjúkrunarheimila og Covid 19
   2. 6.2 Viðbragðsáætlanir hjúkrunarheimilanna
   3. 6.3 Bréf SFV til heilbrigðisráðherra vegna samdráttar hjúkrunarheimila í kjölfar Covid 19