Félagsmálanefnd, fundur 119

Þessi fundargerð á öðrum fundum

• 4. febrúar 2019 Bæjarráð, fundur 598 liður 16

  Fundargerð 119. fundar félagsmálanefndar frá 29.janúar 2019, lögð fram til umfjöllunar.

Dagskrá

1. 1. Erindi um öldrunarmál

   Mál 1901033 Allur ferill málsins

   Félagsmálanefnd þakkar ábendingar varðandi öldrunarmál í Fjarðabyggð. Félagsmálanefnd tekur undir áhyggjur bréfritara varðandi framtíð þjónustu við aldraða í sveitarfélaginu. Unnið er að ráðningu verkefnastjóra búsetuþjónustu aldraðra í samræmi við áherslur félagsmálanefndar á bætta þjónustu við eldri borgara í Fjarðabyggð. Erindinu er vísað til umfjöllunar í framkvæmdaráði hjúkrunarheimila Fjarðabyggðar.

2. 2. Málefni fatlaðra barna í Fjarðabyggð

   Mál 1901142 Allur ferill málsins

   Erindi móður fatlaðs barns í Fjarðabyggð kynnt í félagsmálanefnd. Félagsmálastjóri og fræðslustjóri munu funda með bréfritara og vinna málið áfram.

3. 3. Umsókn um að gerast dagforeldri

   Mál 1812055 Allur ferill málsins

   Framlögð er greinargerð vegna umsóknar um að gerast dagforeldri. Félagsmálanefnd samþykkir umsókn Sæunnar Skúladóttur um að fá daggæsluleyfi fyrir allt að fjórum börnum til eins árs samkvæmt 11. grein reglugerðar nr. 907/2005.

4. 4. Stefnumörkun í fræðslu- og frístundamálum í Fjarðabyggð

   Mál 1808078 Allur ferill málsins

   Vinna við endurskoðun fræðslu- og frístundastefnu Fjarðabyggðar er hafin. Félagsmálanefnd tilnefnir einn fulltrúa til setu í stefnumótunarhópi. Félagsmálanefnd tilnefnir Hjördísi Helgu Seljan til setu í hópnum.

5. 5. Fjárhagsstaða Uppsala 2018

   Mál 1811186 Allur ferill málsins

   Uppsalir hafa fengið 30 m.kr. að láni frá bæjarsjóði vegna hallarekstrar. Ljóst er að heimilið þarf um 5 m.kr. til viðbótar á þessu ári. Verulegur árangur hefur náðst í lækkun rekstrarkostnaðar og hækkun tekna og eru líkur til að óbreyttu geti heimilið staðið undir reglubundnum útgjöldum á næsta ári. Framkvæmdaráð hjúkrunarheimilanna hefur samþykkt að óska eftir viðbótarfjárframlagi frá bæjarsjóði. Bæjarráð hefur samþykkt 5 milljóna framlag til Uppsala. Jafnframt vísað til kynningar í félagsmálanefnd.

   Kynnt í félagsmálanefnd.

6. 6. Staða samningamála fyrir þjónustu hjúkrunarheimila

   Mál 1812103 Allur ferill málsins

   Lagt fram til kynningar bréf frá samninganefnd SFV og Sambandi íslenskra sveitarfélaga vegna rammasamnings við Sjúkratryggingar Íslands um þjónustu hjúkrunarheimila.

   Kynnt í félagsmálanefnd.

7. 7. Nýtt hjúkrunarheimili í Fjarðabyggð

   Mál 1704039 Allur ferill málsins

   Farið yfir stöðuna á hjúkrunarrýmum í Fjarðabyggð. Framkvæmdaráð hjúkrunarheimilanna telur mikilvægt að tryggð verði full nýting á núverandi hjúkrunarrýmum í Fjarðabyggð, bæði á Hulduhlíð og Uppsölum. Ein forsenda þess er að heimilið að Uppsölum fái eðlilegt viðhald og öllum herbergjum verði breytt í einmennings herbergi. Mikilvægt er að gera langtímaáætlun um uppbyggingu hjúkrunarrýma í Fjarðabyggð í heild.

   Kynnt í félagsmálanefnd.

8. 8. Hús frístunda

   Mál 1901070 Allur ferill málsins

   Framlagt minnisblað um útfærslu frístundastarfs í Egilsbúð í Neskaupstað. Bæjarráð líst vel á tillögurnar og vísar þeim til umfjöllunar í félagsmálanefnd, menningar- og nýsköpunarnefnd, safnanefnd og íþrótta- og tómstundanefnd.

   Kynnt í félagsmálanefnd.

9. 9. Samstarf um greiðslu gistináttagjalds í neyðarathvörfum Reykjavíkurborgar fyrir heimilislausa

   Mál 1901116 Allur ferill málsins

   Bréf Reykjavíkurborgar frá 15.janúar, er varðar greiðsluþátttöku vegna gistingar í neyðarathvörfum á vegum Reykjavíkurborgar fyrir heimilislausa. Bæjarráð samþykkir samning, felur bæjarstjóra undirritun hans og að setja málið í farveg innan stjórnsýslu sveitafélagsins. Vísað til kynningar í félagsmálanefnd og barnaverndarnefnd.

   Kynnt í félagsmálanefnd.

10. 10. Drög að leiðbeinandi reglum fyrir sveitarfélög um styrki til náms og verkfæra- og tækjakaupa fatlaðs fólks

    Mál 1901189 Allur ferill málsins

    Félagsmálastjóri greindi frá að þjónustuhópur hafi fjallað um drögin á fundi þann 23.1.2018.

    Þjónustuhópur mun gera athugasemd við 2. gr. reglnanna þar sem segir: Aðstæður í sveitarfélagi með tilliti til námsúrræða geta einnig haft áhrif á mótun reglna, til dæmis er eðlilegt að sveitarfélag þar sem framhaldsskóli er starfræktur taki afstöðu til þess hvort fatlaðir nemendur, yngri en 18 ára, geti átt kost á styrk til kaupa á fartölvu sem gagnast við námið.

    Þjónustuhópur mun benda á að allir fatlaðir nemendur ættu að hafa sama rétt á styrk óháð því hvort framhaldsskóli sé starfræktur í því sveitarfélagi sem þeir búa í.

11. 11. Drög að leiðbeinandi reglum fyrir sveitarfélög um þjónustu stuðningsfjölskyldna

    Mál 1901190 Allur ferill málsins

    Framlögð eru drög félagsmálaráðuneytis að leiðbeinandi reglum fyrir sveitarfélög um þjónustu stuðningsfjölskyldna. Félagsmálanefnd gerir ekki athugsemd við drögin.