Eigna-, skipulags- og umhverfisnefnd, fundur 284

Þessi fundargerð á öðrum fundum

• 15. mars 2021 Bæjarráð, fundur 703 liður 15

  Fundargerð eigna- skipulags- og umhverfisnefndar nr. 284 frá 8. mars, lögð fram til afgreiðslu.

• 25. mars 2021 Bæjarstjórn, fundur 309 liður 6

  Fundargerðir eigna-, skipulags- og umhverfisnefnd teknar til umfjöllunar og afgreiðslu saman.

  Til máls tók Eydís Ásbjörnsdóttir.

  Fundargerð eigna- skipulags- og umhverfisnefndar frá 8. mars sl., staðfest með 8 atkvæðum.

  Rúnar Már Gunnarsson var fjarverandi afgreiðslu.

Dagskrá

1. 1. Einstefna við Melagötu 4-15 Neskaupstað

   Mál 2012149 Allur ferill málsins

   Lagt fram að nýju bréf íbúa við Melagötu 4 til 15 á Norðfirði, þar sem m.a. er mótmælt einstefnuakstri í götunni. Vísað frá bæjarráði til umfjöllunar í eigna- skipulags og umhverfisnefnd. Lagt fram minnisblað sviðsstjóra framkvæmdasviðs dagsett 5. febrúar 2021.

   Eigna-, skipulags- og umhverfisnefnd samþykkir að Melagata 4 - 15 verði gerð að tvístefnu að nýju og að þessi hluti götunnar verði sett í forgang í snjómokstri í samræmi við minnisblað. Nefndin felur sviðsstjóra umhverfis- og skipulagssviðs að vinna að breytingu á umferðarsamþykkt Fjarðabyggðar til samræmis.

2. 2. Ofanflóðavarnir á Eskifirði - Grjótá

   Mál 2002092 Allur ferill málsins

   Lögð fram til kynningar vinnugögn Eflu hf. vegna hönnunar ofanflóðavarna í og við Grjótá á Eskifirði ásamt vegtengingum á Bleiksárhlíð og Strandgötu.

3. 3. 750 Hafnargata 39 - Umsókn um lóð

   Mál 2102147 Allur ferill málsins

   Lögð fram lóðarumsókn Hafnarsjóðs Fjarðabyggðar, dagsett 22. febrúar 2021, þar sem sótt er um lóð undir atvinnuhúsnæði á svæðinu austan við Hafnargötu 41 á Fáskrúðsfirði. Svæðið er ódeiliskipulagt. Samkvæmt aðalskipulagi er umrætt svæði innan reits H2/V1 sem gerir meðal annars ráð fyrir iðnaðar- og athafnastarfsemi.

   Eigna-, skipulags- og umhverfisnefnd samþykkir, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.

4. 4. 735 Strandgata 88 - Umsókn um byggingarleyfi, fluttningur

   Mál 2102131 Allur ferill málsins

   Lögð fram byggingarleyfisumsókn Helgu Þuríðar Ingvarsdóttur, dagsett 18. febrúar 2021, þar sem sótt er um leyfi til að flytja hús hennar sem stendur á lóðinni við Strandgötu 88 á Eskifirði af lóðinni.

   Eigna-, skipulags- og umhverfisnefnd samþykkir flutning hússins.

5. 5. 735 Bakkastígur 2 - Umsókn um byggingarleyfi, viðbygging og endurbætur

   Mál 2102153 Allur ferill málsins

   Lögð fram byggingarleyfisumsókn Jens Garðars Helgasonar, dagsett 23. febrúar 2021, þar sem sótt er um leyfi til að bæta við hæð á eldri viðbyggingu við hús hans við Bakkastíg 2 á Eskifirði ásamt utanhússklæðningu og annarra endurbóta. Samþykki nágranna liggur fyrir.

   Eigna-, skipulags- og umhverfisnefnd samþykkir umsóknina.

6. 6. Ósk um viðræður vegna kaupa á landi í eigu sveitarfélagsins

   Mál 2101066 Allur ferill málsins

   Lagt fram að nýju bréf Jens Garðars Helgasonar, dagsett 8. janúar 2021, þar sem óskað er eftir viðræðum um kaup á landi í eigu sveitarfélagsins. Vísað til umsagnar eigna-, skipulags- og umhverfisnefndar frá bæjarráði. Umsögn Veðurstofu vegna hættumats liggur fyrir. Ákvæði aðalskipulags koma ekki í veg fyrir byggingu á svæðinu.

   Eigna-, skipulags- og umhverfisnefnd fellst á að leigja umrætt landsvæði ef bréfritari sýnir fram á með staðbundnu hættumati að hægt sé að gera ráð fyrir byggingum á svæðinu.

7. 7. C.9 Byggðaáætlun

   Mál 1903034 Allur ferill málsins

   Lagður fram til kynningar annar hluti C-9 verkefnisins, af þrem, er varðar greiningu á hagrænum áhrifum friðlýsingar. Annar hluti snýr að náttúruvernd og eflingu byggða.

8. 8. Viðhorfskönnun landshlutasamtaka sveitarfélaga

   Mál 2102089 Allur ferill málsins

   Vísað frá bæjarráði til kynningar í nefndum sveitarfélagsins viðhorfskönnun landshlutasamtaka sveitarfélaga og Byggðastofnunar.

9. 9. Múlaþing, Seyðisfjörður, aðalskipulagsbreyting og deiliskipulag ofanflóðavarna

   Mál 2103058 Allur ferill málsins

   Lögð fram beiðni Múlaþings um umsögn vegna tillögu að breytingu á Aðalskipulagi Seyðisfjarðarkaupstaðar 2010-2030 ásamt tillögu að deiliskipulagsgerð vegna snjóflóðavarna undir Bjólfshlíðum.

   Eigna-, skipulags- og umhverfisnefnd gerir ekki athugasemdir við tillögurnar.

10. 10. Múlaþing, Seyðisfjörður, aðalskipulagsbreyting, lýsing - Vesturvegur 4

    Mál 2103060 Allur ferill málsins

    Lögð fram beiðni Múlaþings um umsögn á skipulagslýsingu og vinnslutillögu fyrir breytingu á Aðalskipulagi Seyðisfjarðarkaupstaðar 2010-2030 vegna breyttrar landnotkunar á lóð Vesturvegar 4.

    Eigna-, skipulags- og umhverfisnefnd gerir ekki athugasemdir við lýsinguna.

11. 11. Múlaþing, Djúpivogur, aðalskipulagsbreyting og deiliskipulagstillaga - Innri Gleðivík

    Mál 2103057 Allur ferill málsins

    Lögð fram beiðni Múlaþings um umsögn vegna tillögu að breytingu á Aðalskipulagi Djúpavogshrepps 2008-2020 ásamt tillögu að deiliskipulagsgerð vegna uppbyggingar athafnasvæðis við Háukletta og nýs aðkomuvegar að athafnarsvæði.

    Eigna-, skipulags- og umhverfisnefnd gerir ekki athugasemdir við tillögurnar.

12. 12. Múlaþing, Borgarfjörður, aðalskipulagsbreyting - Gamla frystihúsið

    Mál 2103059 Allur ferill málsins

    Lögð fram beiðni Múlaþings um umsögn á skipulagslýsingu og vinnslutillögu fyrir breytingu á Aðalskipulagi Borgarfjarðarhrepps 2004-2016 vegna stækkunar á reitnum BV6 svo hægt sé að gera ráð fyrir aukinni gistiaðstöðu og þjónustu á svæðinu.

    Eigna-, skipulags- og umhverfisnefnd gerir ekki athugasemdir við lýsinguna.