Eigna-, skipulags- og umhverfisnefnd, fundur 243

Þessi fundargerð á öðrum fundum

• 1. október 2019 Bæjarráð, fundur 632 liður 15

  Fundargerð eigna- skipulags- og umhverfisnefndar, nr. 243 frá 30.september 2019, lögð fram til umfjöllunar.

• 10. október 2019 Bæjarstjórn, fundur 276 liður 4

  Til máls tók Einar Már Sigurðarson.

  Fundargerð eigna- skipulags- og umhverfisnefndar, nr. 243 frá 30.september 2019, samþykkt með 8 atkvæðum.

Dagskrá

1. 1. Varanleg lýsing í Lystigarði Neskaupstaðar og skemmdaverk.

   Mál 1909083 Allur ferill málsins

   Lagt fram bréf Helgu M. Steinsson formanns Kvenfélagsins Nönnu fh. félagsins vegna varanlegrar lýsingar í Lystigarði Neskaupstaðar og um skemmdarverk sem þar voru unnin, dagsett 14. september 2019. Skorað er á bæjaryfirvöld að koma fyrir lýsingu meðfram göngustíg garðsins svo notagildi aukist allt árið og til að koma í veg fyrir að skemmdarverk verði unnin. Vísað til umfjöllunar og afgreiðslu eigna- skipulags- og umhverfisnefndar frá bæjarráði. Einar Már Sigurðarson stýrir fundi en tekur ekki þátt í umræðu um erindið.

   Eigna-, skipulags- og umhverfisnefnd felur sviðsstjóra framkvæmdasviðs í samráði við umhverfisstjóra að skoða hvernig hægt er að koma á móts við óskir félagsins um lýsingu Lystigarðsins.

2. 2. Lystigarður Neskaupstaðar

   Mál 1605142 Allur ferill málsins

   Lagt fram minnisblað umhverfisstjóra um úrbætur og aðgerðir í lystigarði Neskaupstaðar á komandi ári, dagsett 24. september 2019.

   Eigna-, skipulags- og umhverfisnefnd samþykkir tillögur sem koma fram í minnisblaðinu og felur umhverfisstjóra að vinna þær áfram.

3. 3. Lausaganga sauðfjár í Stöðvarfirði

   Mál 1908051 Allur ferill málsins

   Lagt fram bréf landeiganda Óseyrar í Stöðvarfirði varðandi lausagöngu fjár á jörðinni, lausagöngu fjár í Stöðvarfirði og lausagöngu fjár í Fjarðabyggð, dagsett 23. september 2019. Lagt fram minnisblað umhverfisstjóra um girðingar og þátttöku kostnaðar, dagsett 25. september 2019.

   Eigna-, skipulags- og umhverfisnefnd vísar erindinu til umfjöllunar landbúnaðarnefndar.

4. 4. Umsóknir í Framkvæmdasjóð Ferðamannastaða 2019

   Mál 1909098 Allur ferill málsins

   Lagt fram minnisblað umhverfisstjóra um tillögur að umsóknum í Framkvæmdasjóð ferðamannastaða 2019, dagsett 27. september 2019.

   Eigna-, skipulags- og umhverfisnefnd samþykkir tillögurnar og felur umhverfisstjóra að ganga frá umsóknum.

5. 5. Afréttarmál - Héraðsfé

   Mál 1608075 Allur ferill málsins

   Lagt fram minnisblað umhverfisstjóra um ágangsfé á heimalöndum í Reyðarfirði og Eskifirði, dagsett 26. september 2019.

   Eigna-, skipulags- og umhverfisnefnd vísar erindinu til umfjöllunar landbúnaðarnefndar.

6. 6. Skrúðgarður Fáskrúðsfjarðar

   Mál 1712016 Allur ferill málsins

   Lagt fram minnisblað umhverfisstjóra um Vigdísarstein við Skrúðgarð Fáskrúðsfjarðar, dagsett 27. september 2019.

   Eigna-, skipulags- og umhverfisnefnd samþykkir tillögur að bættu aðgengi og lagfæringu svæðisins við Vigdísarstein og að gert verði ráð fyrir endurbótum á svæðinu 2020.

7. 7. Starfs- og fjárhagsáætlun ESU nefndar fyrir B hluta stofnanir

   Mál 1904131 Allur ferill málsins

   Eigna-, skipulags- og umhverfisnefnd og sviðsstjóri framkvæmdasviðs fara yfir launa- og fjárhagsáætlanirnar í B hluta stofnunum fyrir árið 2020.

   Eigna-, skipulags- og umhverfisnefnd samþykkir launa- og framkvæmdaáætlun og felur sviðstjóra framkvæmdasviðs að vinna áfram að áætlunargerðinni.

8. 8. Starfs- og fjárhagsáætlun ESU nefndar í A hluta 2020

   Mál 1904130 Allur ferill málsins

   Eigna-, skipulags- og umhverfisnefnd og sviðsstjórar framkvæmdasviðs og umhverfis- og skipulagssviðs fara yfir launa- og fjárhagsáætlanirnar í A hluta fyrir árið 2020. Lagt fram minnisblað sviðsstjóra umhverfis- og skipulagssviðs vegna starfs- og fjárhagsáætlunar umhverfis- og skipulagssviðs, dagsett 25. september 2019.

   Eigna-, skipulags- og umhverfisnefnd samþykkir launaáætlun og felur sviðsstjórum að vinna áfram að áætlunargerðinni.

9. 9. Lambeyrarbraut 8 - Umsókn um byggingaráform og byggingarleyfi

   Mál 1909130 Allur ferill málsins

   Lögð fram byggingarleyfisumsókn Hilmis Ásbjörnssonar, dagsett 25. september 2019, þar sem óskað er eftir leyfi til að breyta burðarvegg innanhúss í íbúðarhúsi hans að Lambeyrarbraut 8 á Eskifirði.

   Eigna-, skipulags- og umhverfisnefnd samþykkir umsóknina.

10. 10. 750 Skólavegur 12 og 14 - Kæra vegna sólpalls og skjólveggs á lóðamörkum

    Mál 1907106 Allur ferill málsins

    Lagður fram til kynningar úrskurður Úrskurðarnefndar umhverfis- og auðlindamála í máli

    nr. 72/2019 er varðar kæru vegna byggingar sólpalls- og skjólveggjar við lóðarmörk Skólavegar 12 og 14 á Fáskrúðsfirði. Kærunni er vísað frá úrskurðarnefndinni.

11. 11. Vottun gervigrass í Fjarðabyggðarhöllinni

    Mál 1909149 Allur ferill málsins

    Lagt fram bréf Magnúsar Ásgrímssonar formanns Knattspyrnudeildar Leiknis, dagsett 27. september 2019, þar sem bent er á að áður en Íslandsmót í Inkasso deild karla hefst næsta vor þurfi að liggja fyrir vottun um að gervigrasið í Fjarðabyggðarhöllinni uppfylli kröfur til valla í flokki C.

    Eigna-, skipulags- og umhverfisnefnd vísar erindinu til fjárhagsáætlunargerðar 2020.