Bæjarráð, fundur 695

Þessi fundargerð á öðrum fundum

• 21. janúar 2021 Bæjarstjórn, fundur 305 liður 1

  Fundargerðir bæjarráðs teknar til umfjöllunar og afgreiðslu saman.

  Til máls tóku: Sigurður Ólafsson, Jón Björn Hákonarson, Ragnar Sigurðsson,

  Fundargerð bæjarráðs frá 11. janúar sl. staðfestur með 8 atkvæðum.

Dagskrá

1. 1. Íbúðarhúsnæði í Fjarðabyggð - TRÚNAÐARMÁL

   Mál 2003158 Allur ferill málsins

   Lögð fram sem trúnaðarmál, drög að hugmyndum um samning við Hrafnshól um byggingu íbúða í Fjarðabyggð á næstu árum.

   Bæjarstjóra og fjármálastjóra falið að halda áfram viðræðum við Hrafnshól um byggingu íbúða í Fjarðabyggð. Tekið að nýju fyrir í bæjarráði.

2. 2. Kauptilboð í grunna að Búðarmel 4 og 10 Reyðarfirði

   Mál 2101057 Allur ferill málsins

   Lagt fram kauptilboð frá Hobart ehf. í húsgrunna að Búðarmel 4 og 10 á Reyðarfirði.

   Bæjarráð samþykkir að taka kauptilboði með skilyrðum. Bæjarstjóra falið að undirrita kaupsamning og gögn tengdri sölunni.

3. 3. Forkaupsréttur að Laxinum NK-71

   Mál 2101019 Allur ferill málsins

   Framlögð beiðni Guðjóns Guðmundssonar skipasala um yfirlýsingu þess efnis að sveitarfélagið hyggist ekki nýta forkaupsrétt á bátnum Laxinum NK-71, nr. 1841, sem er 8,86 br.tonna bátur í eigu Keppings ehf. Kaupandi er Fengur útgerð ehf á Akureyri. Skipið er án aflahlutdeildar, aflamarks og grásleppuleyfis.

   Bæjarráð samþykkir að nýta ekki forkaupsrétt að skipinu Laxinum NK-71.

4. 4. Sólvellir - flutningur á dagvistun eldri borgara Breiðdal

   Mál 2101049 Allur ferill málsins

   Framlagt minnisblað sviðsstjóra framkvæmdasviðs um kostnað við að breyta gamla leikskólanum að Ásvöllum í Breiðdal, þannig að húsnæðið henti fyrir starfsemi dagvistunar eldri borgara í Breiðdal.

   Bæjarráð samþykkir að horfa til breytinga á húsnæði fyrrum leikskóla í tengslum við dagvist aldraðra og felur bæjarstjóra frekari útfærslu málsins. Tekið fyrir að nýju í bæjarráði.

5. 5. Innleiðing hringrásarhagkerfisins

   Mál 2012172 Allur ferill málsins

   Lagt fram minnisblað umhverfisstjóra um þátttöku í hringrásarhagkerfinu - "e. Dedifer project". Í umsókn sem matvæla og næringasvið Háskóla Íslands á aðild að, er Fjarðabyggð boðið að vera með í verkefninu sem "follower region", sveitarfélaginu að kostnaðarlausu. Um stóra EU umsókn er að ræða sem hefur að markmiði að efla hringrásarhagkerfið.

   Bæjarráð samþykkir að vera umsækjandi með Háskóla Íslands að verkefninu. Endanleg afstaða til þátttöku verður tekin þegar afgreiðsla umsóknar liggur fyrir.

   Vísað til kynningar í eigna- skipulags- og umhverfisnefnd.

6. 6. Ósk um viðræður vegna kaupa á landi í eigu sveitarfélagsins

   Mál 2101066 Allur ferill málsins

   Framlagt bréf Jens Garðars Helgasonar frá 8. janúar sl., þar sem óskað er eftir viðræðum um kaup á landi í eigu sveitarfélagsins.

   Vísað til umsagnar eigna-, skipulags- og umhverfisnefndar.

7. 7. Barnvænt samfélag

   Mál 2006045 Allur ferill málsins

   Lagt fram minnisblað sviðsstjóra fjölskyldusviðs þar sem fjallað er um verkefnið barnvæn sveitarfélög. Fjarðabyggð hefur boðist þátttaka í verkefninu árið 2021 og leggur sviðsstjóri til að sveitarfélagið taki þátt í verkefninu. Kostnaður vegna þátttöku liggur fyrst og fremst í vinnuframlagi starfsmanna.

   Bæjarráð samþykkir aðild að verkefninu barnvæn sveitarfélög og felur sviðsstjóra fjölskyldusviðs umhald þess.

8. 8. Aðalfundur Héraðsskjalasafn Austfirðinga bs.

   Mál 2011102 Allur ferill málsins

   Fundargerð aðalfundar Héraðsskjalasafns Austfirðinga frá 11.desember, lögð fram til kynningar. Vísað til kynningar í menningar- og nýsköpunarnefnd.

9. 9. Aðalfundur Tónlistarmiðstöðvar

   Mál 2012055 Allur ferill málsins

   Framlögð til kynningar fundargerð aðalfundar Tónlistarmiðstöðvar.

   Vísað til kynningar í menningar- og nýsköpunarnefnd.