Bæjarráð, fundur 537

Þessi fundargerð á öðrum fundum

• 19. október 2017 Bæjarstjórn, fundur 230 liður 1

  Fundargerðir bæjarráðs nr. 537 og 538 teknar til afgreiðslu saman.

  Til máls tóku Jens Garðar Helgason, Jón Björn Hákonarson, Valdimar O. Hermannsson og Einar Már Sigurðarson.

  Fundargerð bæjarráðs, nr. 537 frá 9.október 2017, samþykkt með 9 atkvæðum.

Dagskrá

1. 1. Viðbygging við leikskólann Lyngholt

   Mál 1611029 Allur ferill málsins

   Bæjarráð fól á fundi sínum 2. október sl. fræðslustjóra og sviðsstjóra framkvæmda- og umhverfissviðs, að leggja fyrir bæjarráð útfærða valkosti í húsnæðismálum Leikskólans Lyngholts vegna fjölgunar á leikskólarýmum til að bregðast við þörf vegna fjölgunar barna á leikskólaaldri á Reyðarfirði. Tveir kostir voru skoðaðir sérstaklega, laus kennslustofa yrði sett upp við Leikskólann Lyngholt eða að félagsheimilið Félagslundur yrði nýtt undir starfsemina. Mat fræðslustjóra er að skoða nánar útfærslur á nýtingu Félagslundar.

   Bæjarráð felur sviðsstjóra framkvæmda- og umhverfissviðs og fræðslustjóra að leggja fram kostnaðaráætlun vegna endurbóta á Félagslundi og leggja fyrir bæjarráð að nýju.

2. 2. Ósk um kaup á Veturhúsum

   Mál 1709185 Allur ferill málsins

   Frá fundi bæjarráðs 2.október 2017 þar sem framlagt var bréf Péturs Karls Kristinssonar þar sem óskað er eftir kaupum á hlut Fjarðabyggðar í Veturhúsum ehf. Bæjarráð samþykkti að hlutur Fjarðabyggðar verði seldur og fól bæjarritara að vinna málið áfram og leggja fyrir bæjarráð að nýju.

   Bæjarráð samþykkir að hlutur Fjarðabyggðar í félaginu verði seldur og vísar sölunni til staðfestingar bæjarstjórnar.

3. 3. Ársreikningur 2016 - Veturhús

   Mál 1710031 Allur ferill málsins

   Framlagður til kynningar ársreikningur Veturhúsa ehf. fyrir árið 2016.

4. 4. Dragnótaveiðar innan fjarða

   Mál 1709152 Allur ferill málsins

   Framlagður tölvupóstur Daða Benediktssonar vegna dragnótaveiða innan fjarða sveitarfélagsins.

   Bæjarráð getur að mörgu leyti tekið undir áhyggjur bréfritara og óskar eftir umsögn Hafrannsóknastofnunar um málið.

5. 5. Beiðni um félags aðstöðu fyrir vélhjólaklúbb í Fjarðabyggð

   Mál 1710034 Allur ferill málsins

   Framlagt erindi frá Dreka vélhjólaklúbbi Austurlands, en klúbburinn leitar að húsnæði fyrir starfsemi klúbbsins þar sem aðstöðuleysi hamlar vexti hans.

   Bæjarráð hefur ekki til umráða húsnæði sem hentar til starfsemi klúbbsins en bendir á að fjölmörg félagsamtök og einkaaðilar hafa til umráða húsnæði sem gæti hentað starfsemi hans.

6. 6. Kæra um bindandi álit

   Mál 1701082 Allur ferill málsins

   Málefnið rætt.

   Vísað til áframhaldandi vinnslu fjármálastjóra.

7. 7. Húsnæðisáætlun fyrir allt Austurland

   Mál 1703205 Allur ferill málsins

   Framlagðar fundargerðir 1., 2., 3. og 4. fundar starfshóps um gerð sameiginlegrar húsnæðisáætlunar fyrir Austurland.

   Umræða tekin um stöðu mála. Vísað til kynningar í félagsmálanefnd og eigna-, skipulags- og umhverfisnefnd.

8. 8. Húsnæðisþing 2017

   Mál 1710040 Allur ferill málsins

   Framlagt boð á húsnæðisþing 2017 sem haldið verður 16. október nk.

   Fulltrúi sveitarfélagsins mun mæta á þingið.

9. 9. Eistnaflug 2018

   Mál 1710039 Allur ferill málsins

   Fyrir liggur að forráðamenn Eistnaflugs hafa verið í samskiptum við sveitarfélagið vegna fjárhagslegar endurskipulagninar félagsins sem stendur að baki hátíðinni.

   Bæjarráð samþykkir að styrkja Eistnaflug um 1 millj. kr. árið 2018 með því skilyrði að fjárhagslegri endurskipulagningu sé lokið og að hátíðin fari fram sumarið 2018.

10. 10. Innviðir á Íslandi - ástand og framtíðarhorfur

    Mál 1710025 Allur ferill málsins

    Framlögð til kynningar skýrsla um ástand innviða á Íslandi sem útgefin er af Samtökum iðnaðarins.

    Vísað til eigna-, skipulags- og umhverfisnefndar.

11. 11. Fjárheimildir í fjárhagsáætlun 2018 - Menningar- og safnanefnd

    Mál 1709029 Allur ferill málsins

    Farið yfir áherslur í menningarmálum í fjárhagsáætlun fyrir árið 2018.

    Vísað til áframhaldandi fjárhagsáætlunarvinnu.

12. 12. Fjárheimild í fjárhagsáætlun 2018 - Slökkvilið

    Mál 1709059 Allur ferill málsins

    Farið yfir áherslur í brunamálum og almannavörnum í fjárhagsáætlun fyrir árið 2018.

    Vísað til áframhaldandi fjárhagsáætlunarvinnu.

13. 13. Fjárheimildir í fjárhagsáætlun 2018 - Bæjarráð

    Mál 1709025 Allur ferill málsins

    Farið yfir áherslur í sameiginlegum kostnaði og atvinnumálum í fjárhagsáætlun fyrir árið 2018.

    Vísað til áframhaldandi fjárhagsáætlunarvinnu.