Bæjarráð, fundur 438

Þessi fundargerð á öðrum fundum

• 13. ágúst 2015 Bæjarstjórn, fundur 183 liður 10

  Fundargerð bæjarráðs, nr. 438 frá 10. ágúst 2015, lögð fram til umræðu og kynningar.

Dagskrá

1. 1. Fjárhagsáætlun Fjarðabyggðar 2016

   Mál 1506139 Allur ferill málsins

   Framlögð tillaga að reglum um gerð fjárhagsáætlunar Fjarðabyggðar fyrir árið 2016 og þriggja ára áætlun áranna 2017 - 2019.

   Bæjarstjóri fór yfir breytingar sem gerðar voru á reglunum frá síðasta ári.

   Bæjarráð samþykkir reglurnar fyrir sitt leyti og visar þeim til staðfestingar bæjarstjórnar.

2. 2. 100 ára afmæli kosningaréttar kvenna 2015

   Mál 1408022 Allur ferill málsins

   Farið yfir undirbúning sérstaks bæjarstjórnarfundar í tilefni af 100 ára afmæli kosningarréttar kvenna.

   Fundurinn verður haldinn 13. ágúst nk.

   Fundinn sitja kvenkyns bæjarfulltrúar. Embættismenn fundarins verða bæjarstjóri og bæjarritari.

   Bæjarráð vísar eftirfarandi málum sérstaklega til umræðu á fundi 13. ágúst sl.

   1) Staða kvenna í sveitastjórnarmálum á landsvísu.

   2) Jafnréttisáætlun Fjarðabyggðar- staða og framtíðarsýn.

   3) Almennar umræður.

   Jafnframt verða fundargerðir teknar til kynningar.

3. 3. Málefni Eskifjarðarvallar

   Mál 1409085 Allur ferill málsins

   Framlögð gögn vegna Eskifjarðarvallar frá Knattspyrnufélagi Fjarðabyggðar. Óskað var eftir fundi með bæjarráði vegna knattspyrnuvallarins á Eskifirði.

   Haldinn var fundur með vallarnefnd KFF sunnudaginn 19. júlí sl. í vallarhúsinu á Eskifjarðarvelli.

   Bæjarráð felur bæjarstjóra ásamt framkvæmdasviði að gera gróft kostnaðarmat um uppbyggingu vallar á Eskifirði og leggja fyrir bæjarráð.

4. 4. Mat á umhverfisáhrifum. Reglugerð. C-flokkur

   Mál 1508002 Allur ferill málsins

   Birt hefur verið ný reglugerð um mat á umhverfisáhrifum, nr. 660/2015, sem hefur að geyma ákvæði um framkvæmdir í flokki C, en ákvæði lagabreytingar um flokk C tóku gildi í júní. Í reglugerðinni eru þau nýmæli að sveitarstjórn tekur ákvörðun um hvort framkvæmd, sem háð er framkvæmdaleyfi sveitarstjórnar eða byggingarleyfi byggingarfulltrúa samkvæmt skipulagslögum eða lögum um mannvirki og tilgreind er í flokki C í 1. viðauka, skuli háð mati á umhverfisáhrifum.

   Vísað til eigna-, skipulags- og umhverfisnefndar og skipulagsfulltrúa.

5. 5. Breyting á viðmiðunarreglum Kirkjugarðaráðs og Sambands íslenskra sveitarfélaga

   Mál 1508001 Allur ferill málsins

   Framlagðar til kynningar breytingar á viðmiðunarreglum Kirkjugarðaráðs og Sambandsins vegna framkvæmda við kirkjugarða.

   Vísað til eigna-, skipulags- og umhverfisnefndar og mannvirkjastjóra til kynningar.

6. 6. Þjóðarsáttmáli um læsi barna í grunnskólum

   Mál 1507135 Allur ferill málsins

   Framlögð gögn um þjóðarsáttmála um læsi barna í grunnskólum.

   Vísað til umræðu í fræðslunefnd og erindið tekið aftur fyrir í bæjarráði 24.ágúst, daginn fyrir undirskrift.

7. 7. Fundargerðir Samband íslenskra sveitarfélaga 2015

   Mál 1502053 Allur ferill málsins

   Framlögð 829. fundargerð stjórnar Sambands íslenskra sveitarfélaga frá 2. júli sl.

   Bæjarstjóra falið að koma athugasemdum á framfæri við formann Sambands íslenskra sveitarfélaga.