Bæjarráð, fundur 370

Þessi fundargerð á öðrum fundum

• 23. janúar 2014 Bæjarstjórn, fundur 148 liður 1

  Fundargerðir bæjarráðs teknar til umfjöllunar og afgreiðslu saman.

  Til máls tóku: Jón Björn Hákonarson, Valdimar O Hermannsson, Eydís Ásbjörnsdóttir, Elvar Jónsson, Stefán Már Guðmundsson, Páll Björgvin Guðmundsson, Ásta Kristín Sigurjónsdóttir.

  Fundargerð bæjarráðs frá 13. janúar 2014 staðfest með 9 atkvæðum.

Dagskrá

1. 1. Gjaldskrár Fjarðabyggðar 2014 breytingar

   Mál 1401094 Allur ferill málsins

   Bæjarráð Fjarðabyggðar samþykkir að eftirfarandi gjaldskrár sem snúa að barnafólki, taki breytingum sem hér segir frá 1. janúar 2014. Jafnframt felur bæjarráð fjármálastjóra að semja viðauki við fjárhagsáætlun 2014 og leggja fyrir næsta fund bæjarstjórnar.

   Gjaldskrár leikskóla, skóladagheimila og tónskóla. Áður samþykkt hækkun fyrrgreindra gjaldskráa um 3 til 10 % frá 1. janúar 2014 er dregin til baka og verða gjaldskrár þær sömu og voru á árinu 2013. Hafa ofangreindar gjaldskrár því ekki hækkað frá 1.janúar 2012 en hækkun verðlags á tímabilinu er 8,5%.

   Ekki var gert ráð fyrir hækkun á gjaldskrám í mötuneytum, íþróttamiðstöðvum og skíðamiðstöð sem lítur að börnum og unglingum að 18 ára aldri og stendur sú ákvörðun. Þá er aldursviðmið hækkað úr 16 í 18 ár í gjaldskrám íþróttamiðstöðva og skíðamiðstöðvar sem lækkar gjald í aldursbilinu umtalsvert.

   Áætlaður kostnaður þessara breytinga er um 5 millj. kr. Til að mæta tillögu um að falla frá samþykkt um gjaldskrárbreytingar er gert ráð fyrir að afgangur ársins og handbært fé lækki um sömu upphæð.

   Greinargerð. Sveitarfélagið Fjarðabyggð vill stuðla eins og nokkur kostur er að stöðugu verðlagi í landinu og afturkallar því hækkanir á gjaldskrám sínum eins og tillagan gerir ráð fyrir. Sveitarfélagið hefur undanfarin ár stillt gjaldskrárhækkunum í hóf og leitað fremur hagræðingar í starfsemi sinni og aukið tekjur með auknum atvinnutækifærum í sveitarfélaginu.

2. 2. 740 Blómsturvellir 41 - Hlaða

   Mál 1205104 Allur ferill málsins

   Fram lagt minnisblað fjármálastjóra vegna viðræðna við Guðmund F. Pálsson um kaup Fjarðabyggðar á fasteign að Blómsturvöllum 41 (Hlaðan).

   Bæjarráð samþykkir að kaupa fasteignina fyrir 1,5 milljón kr. Kostnaði mætt af liðnum óráðstafað 21-69-

   Bæjarstjóra falið að ganga frá kaupunum.

3. 3. 169. mál.til umsagnar tillögu til þingsályktunar um stofnun Hofsjökulsþjóðgarðs

   Mál 1401066 Allur ferill málsins

   Tillaga til þingsályktunar um stofnun Hofsjökulsþjóðgarðs. Alþingi ályktar að fela umhverfis- og auðlindaráðherra að vinna að því, í samvinnu við skipulagsyfirvöld og hugsanlega rétthafa, að stofna Hofsjökulsþjóðgarð sem hafi innan sinna marka Hofsjökul og aðliggjandi svæði.

4. 4. 202. mál til umsagnar tillögu til þingsályktunar um flutning stjórnsýslu um málefni hreindýra

   Mál 1401038 Allur ferill málsins

   Tillaga til þingsályktunar um flutning stjórnsýslu um málefni hreindýra til hreindýraráðs. Alþingi ályktar að fela umhverfis- og auðlindaráðherra að hefja undirbúning að flutningi stjórnsýslu um málefni hreindýra til hreindýraráðs.

   Bæjarráð fagnar framkominni þingsályktunartillögu og telur að málefni hreindýra eigi að hafa aðsetur sitt á Austfjörðum.

5. 5. Eigna- skipulags- og umhverfisnefnd - 83

   Fundargerðin í heild

   Fundargerð eigna-, skipulags- og umhverfisnefndar frá 6. janúar s.l. lögð fram til kynningar.