Bæjarráð, fundur 345

Þessi fundargerð á öðrum fundum

• 22. ágúst 2013 Bæjarstjórn, fundur 138 liður 9

  Fundargerð bæjarráðs frá 25. júní til umræðu og kynningar.

Dagskrá

1. 1. Veiðigjald - 15.mál beiðni um umsögn

   Mál 1306089 Allur ferill málsins

   Umsögn Fjarðabyggðar um frumvarp til laga um veiðigjald, 15. mál lögð fram til umræðu en það var sent nefndasviði Alþingis í gær fyrir tímafrest.

   Umsögnin staðfest.

2. 2. Afsal - Hafnarbraut 34 Neskaupstað

   Mál 1211021 Allur ferill málsins

   Framlagt til kynningar afsal af Hafnarbraut 34 í Neskaupstað sem keypt hefur verið til niðurrifs.

   Samþykkt.

3. 3. Ósk um endurnýjun á lóðaleigu að Strandgötu 7, 730

   Mál 1303116 Allur ferill málsins

   Málið var tekið fyrir í eigna-, skipulags- og umhverfisnefnd 8. apríl 2013 og var því vísað til vinnslu hjá mannvirkjastjóra og bæjarstjóra. Samningarviðræður hafa staðið yfir við lóðarhafa um uppkaup á húsinu og bæjarstjóra falið að halda þeim áfram. Gangi þær ekki eftir vísar bæjarráð málinu til eigna-, skipulags og umhverfisnefndar til umfjöllunar vegna umsóknar lóðarhafa um breytta notkun á húsnæðinu.

   Lagt var fram minnisblað mannvirkjastjóra merkt trúnaðarmál um fund með lóðarhafa fasteignar að Strandgötu 7 á Reyðarfirði lagt fram til kynningar.

4. 4. Aðalfundur SSA 2013

   Mál 1306105 Allur ferill málsins

   Aðalfundar Sambands sveitarfélaga Austurlandi verður haldinn í Fjarðabyggð dagana 13. og 14. september nk. Umræða um fyrirkomulag fundarins.

   Bæjarstjóra falið að hefja undirbúning að skipulagi aðalfundarins í samstarfi við SSA.

5. 5. Skammtímafjármögnun

   Mál 1306100 Allur ferill málsins

   Framlagt minnisblað fjármálastjóra um heimild til skammtímafjármögnunar í Íslandsbanka til að tryggja lausafjárstöðu yfir framkvæmdamánuði.

   Bæjarráð samþykkir að veita heimild til fjármálastjóra til að afla skammtímafjármögnunar til samræmis við minnisblað.

6. 6. Fyrirspurnir vegna málefna Raflagna Austurlands og yfirfærslu hlutafjár

   Mál 1306093 Allur ferill málsins

   Framlagt minnisblað fjármálastjóra vegna fyrirspurnar Ásmundar Ásmundssonar um yfirfærslu hlutafjár Raflagna Austurlands í annað einkahlutafélag.

   Fjármálastjóra falið að svara erindi bréfritara á grundvelli minnisblaðs.

7. 7. Boð um heimsókn frá Vesteralen, Museum Nord og Vesteralen Cultural Council

   Mál 1306104 Allur ferill málsins

   Framlagt boð á menningar- og safnaráðstefnu í Versterålen í Noregi í mars 2014.

   Bæjarráð samþykkir að senda fulltrúa á menningar- og safnaráðstefnuna. Vísað til starfs- og fjárhagsáætlunar 2014 og atvinnu- og menningarnefndar til umfjöllunar.

8. 8. Stækkun heilsugæslustöðvarinnar á Reyðarfirði

   Mál 1305026 Allur ferill málsins

   Framlögð drög að viljayfirlýsingu Fjarðabyggðar og Heilbrigðisstofnunar Austurlands um stækkun heilsugæslustöðvarinnar á Reyðarfirð.

   Bæjarráð fagnar framkomnum hugmyndum frá HSA um stækkun húsnæðis heilsugæslunnar á Reyðarfirði sem miðstöð heilsugæslu í Fjarðabyggð til að mæta m.a. kröfum heimilislækna um bætt vinnuumhverfi. Lögð er áhersla á að þjónustu daglækna skerðist ekki frá því sem nú er í öllum byggðakjörnum. Einnig vill bæjarráð benda á að hægt er að nýta heilsugæslustöðina á Eskifirði sem miðstöð til byrja með þar til ný og stærri heilsugæslustöð verði reist á Reyðarfirði sem kæmi til með að taka við hlutverki miðstöðvar heilsugæslu.

   Bæjarstjóra falið að óska eftir breyttu orðalagi eftir óskum bæjarráðs og undirrita viljayfirlýsinguna.

9. 9. Hálendisvegur - beiðni um stuðning

   Mál 1305106 Allur ferill málsins

   Bæjarstjórn vísar máli til frekari umfjöllunar í bæjarráði.

   Bæjarráð telur að málið eigi að taka upp á vettvangi Sambands sveitarfélaga á Austurlandi og aðalfundi sem verður í haust.

10. 10. Óviðundandi þjónusta ferlimála í Fjarðabyggð

    Mál 1306073 Allur ferill málsins

    Framlagt minnisblað félagsmálastjóra um stöðu ferðaþjónustumála fatlaðs fólks í Fjarðabyggð.

    Bæjarráð vísar málinu til félagsmálanefndar til umræðu í tengslum við starfs- og fjárhagsáætlun 2014. Félagsmálastjóra falið að svara bréfriturum.

11. 11. Samgöngunefnd SSA - Fundargerðir 2013

    Mál 1305097 Allur ferill málsins

    Fundargerð samgöngunefndar SSA nr. 2 frá 10. júní 2013 lögð fram til kynningar.

12. 12. Ársfundur Austurbrúar 31.maí 2013

    Mál 1305080 Allur ferill málsins

    Framlögð til kynningar ársskýrsla og ársreikningur 2012 auk siðareglna og samþykkta um verklagsreglur og fundarsköp stjórnar Austurbrúar.

13. 13. Ársfundur Menningarráðs Austurlands

    Mál 1304121 Allur ferill málsins

    Framlögð til kynningar fundargerð ársfundar Menningarráðs Austurlands.

14. 14. Hafnarstjórn - 118

    Fundargerðin í heild

    Framlögð til afgreiðslu fundargerð hafnarstjórnar frá 21. júní

    Bæjarráð samþykkir fundargerð hafnarstjórnar.