Bæjarráð, fundur 253
10. ágúst 2011, kl. 09:00 til 11:00, í fundarsal á bæjarskrifstofunum að Hafnargötu 2 á Reyðarfirði. Fundargerð ritaði Gunnlaugur Sverrisson.
Þessi fundargerð á öðrum fundum
Bæjarstjórn, fundur 97 liður 8
Fundargerðir bæjarráðs teknar saman til umfjöllunar og kynningar.
Dagskrá
-
1. Ágangur vatns á lóð í Árdal.
Mál 1107061 Allur ferill málsins
Lögð fram umsögn mannvirkjastjóra frá 4.ágúst. Mannvirkjastjóra falið að svara erindinu og fara yfir varnir vegna ágangs vatns í Árdal.
-
2. Fasteignamat 2012
Mál 1107030 Allur ferill málsins
Lagðar fram til kynningar upplýsingar frá Þjóðskrá Íslands um fasteignamat 2012. Fjármálastjóra falið að greina upplýsingarnar nánar.
-
3. Stofnfjáreigendafundur í Sparisjóð Norðfjarðar 18.ágúst 2011
Mál 1108010 Allur ferill málsins
Stofnfjáreigendafundur í Sparisjóð Norðfjarðar verður haldinn 18.ágúst kl. 17:00 í Nesskóla. Lagt fram til kynningar. Bæjarráð tilnefnir Jón Björn Hákonarson, forseta bæjarstjórnar, sem fulltrúa sveitarfélagsins.
-
4. Skatepark á Eskifirði
Mál 1005109 Allur ferill málsins
Ódagsett bréf Brettafélags Austurlands, frá júlí 2011 auk kostnaðaráætlunar, þar sem óskað er eftir að Fjarðabyggð hugi að aðstöðu fyrir bretta- og hjólaíþróttir. Vísað til fræðslu- og frístundanefndar og fjárhagsáætlunar 2012.
-
5. Ráðstefna um eflingu lýðræðis hjá ríki og sveitarfélögum
Mál 1107079 Allur ferill málsins
Fyrir liggur ódagsett bréf frá Innanríkisráðuneytinu þar sem vakin er athygli á ráðstefnu um eflingu lýðræðis hjá ríki og sveitarfélögum sem fyrirhuguð er 14. september 2011. Stjórnsýslustjóra falið að kanna hvort mögulegt sé að ráðstefnan verði send út í gegnum fjarfundabúnað.
-
6. Starfshópur um almenningssamgöngur á Austurlandi 2011
Mál 1106107 Allur ferill málsins
Fundargerð frá 30.júní lögð fram til kynningar.
-
7. Drög að reglum um framlög úr Jöfnunarsjóði sveitarfélaga til eflingar tónlistarnáms og jöfnunar á aðstöðumun nemenda
Mál 1108001 Allur ferill málsins
Drög að reglum og samkomulag, milli ríkissjóðs og sambands sveitarfélaga, lagt fram til kynningar og vísað til fræðslustjóra.
-
8. Fundargerðir framkvæmdaráðs SSA - 2011
Mál 1107058 Allur ferill málsins
Fundargerð frá 25.júlí lögð fram til kynningar.
-
9. Fjárhagsáætlun 2012
Mál 1108029 Allur ferill málsins
Lögð eru fram til kynningar drög að dagsetningum í fjarhagsáætlunarferli og drög að ferli og framsetningu hennar. Tekið fyrir á næsta fundi.
-
10. Vinna við sóknaráætlun; Verkefnin 5 - 7
Mál 1108028 Allur ferill málsins
Lagður er fram til kynningar tölvupóstur frá framkvæmdastjóra SSA þar sem kynnt er vinna við sóknaráætlun. Bæjarstjóra falið að vinna málið áfram.