Bæjarráð, fundur 247

Dagskrá

1. 1. Vinnuskóli og sumarvinna 2011 - fyrirkomulag

   Mál 1103084 Allur ferill málsins

   Rætt um ráðningar ungmenna sem ekki hafa fengið vinnu í sumar. Bæjarstjóra og mannvirkjastjóra falið að vinna að málinu áfram og leggja tillögu fram á næsta fundi.

2. 2. Olíubirgðastöð í Reyðarfirði

   Mál 2009-02-13-215 Allur ferill málsins

   Lögð fram drög að áformayfirlýsingu ásamt minnisblaði framkvæmdastjóra Fjarðabyggðarhafna frá 30.maí og minnisblaði Alta frá 1.júni.   Bæjarráð samþykkir drög að áformayfirlýsingu og felur bæjarstjóra undirskrift yfirlýsingar að fenginni staðfestingu bæjarstjórnar.

3. 3. Framtíð félagsstarfs í Fjarðabyggð

   Mál 1106010 Allur ferill málsins

   Þennan lið fundarins sátu félagsmálastjóri og deildarstjóri heimaþjónustu. Framlagt minnisblað félagsþjónustusviðs frá 16.maí vegna fyrirkomulags og framtíðarsýnar félagssstarfs eldri borgara í Fjarðabyggð. Bæjarráð felur félagsþjónustusviði frekari útfærslu framtíðarsýnar og tillagna í minnisblaði og að leggja þær hugmyndir fyrir bæjarráð að nýju í lok mánaðarins. Málinu jafnframt vísað til félagsmálanefndar.

4. 4. Endurfjármögnun lána 2011

   Mál 1103167 Allur ferill málsins

   Endurfjármögnun lána var áður á dagskrá bæjarráðs 17.maí og bæjarstjórnar 19.maí. Fjármálastjóri sat þennan lið fundarins og lagði fram drög að lánasamningum. Bæjarráð samþykkir að sækja um höfuðstólslækkun á þremur erlendum lánum sveitarfélagsins hjá Íslandsbanka og veitir bæjarstjóra umboð til að undirrita þau skjöl sem til þarf, svo höfuðstólslækkun geti gengið eftir, þar á meðal tvo nýja lánasamninga sem koma í  stað eldri samninga.  Vísað til staðfestingar í bæjarstjórn.

5. 5. Nýting frystihússins á Stöðvarfirði undir menningarstarfsemi

   Mál 1008038 Allur ferill málsins

   Framlagt minnisblað stjórnsýslustjóra frá 6.júní. Bæjarráð samþykkir tillögur í minnisblaði og felur stjórnsýslustjóra og fjármálastjóra afgreiðslu málsins.

6. 6. Lóð umhverfis Stöðvarfjarðarkirkju

   Mál 0905091 Allur ferill málsins

   Bréf sóknarnefndar Stöðvarfjarðarkirkju þar sem ítrekuð er ósk um nauðsynlegar framkvæmdir á lóð umhverfis kirkjuna. Vísað til eigna- skipulags- og umhverfissnefndar.

7. 7. Fjárhagsleg endurskipulagning Eignarhaldsfélagsins Fasteignar hf

   Mál 1104081 Allur ferill málsins

   Kynningarfundur vegna endurskipulagningar Eignarhaldsfélagsins Fasteignar verður haldinn þriðjudaginn 21.juní kl. 13:00 á skrifstofum KPMG Borgartúni 27 Reykjavík.  Bæjarstjóri og fjármálastjóri munu sækja fundinn.

8. 8. Uppsögn Landsvirkjunar á samningum sem snúa að ótryggri orku

   Mál 1106007 Allur ferill málsins

   Bréf Landsvirkjunar og Orkusölunnar vegna uppsagnar á samningum er snúa að ótryggri orku. Lagt fram til kynningar og vísað til mannvirkja- og umhverfissviðs.

9. 9. Stefnumót við Stjórnlagaráð á Austurlandi

   Mál 1105192 Allur ferill málsins

   Opinn fundur með þremur stjórnlagaþingsfulltrúum verður haldinn í Valaskjálf á Egilsstöðum þriðjudaginn 14. júní kl.17:00 - 22:00 undir yfirskriftinni ,,Stefnumót við Stjórnlagaráð - Landsbyggðin og stjórnsýslan"  Bæjarráð og bæjarstjóri munu sækja fundinn.

10. 10. AST - Fundargerðir framkvæmdaráðs

    Mál 1104003 Allur ferill málsins

    Fundargerð og minnispunktar frá 16.maí lagðir fram til kynningar.

11. 11. Fundagerðir Sambands íslenskra sveitarfélaga árið 2011

    Mál 1103022 Allur ferill málsins

    Fundargerð nr. 787 frá 27.maí lögð fram til kynningar.

12. 12. Hafnarstjórn - 84

    Fundargerðin í heild

    Fundargerð hafnarstjórnar nr. 84 frá 31.maí lögð fram.

13. 13. Eigna- skipulags- og umhverfisnefnd - 22

    Fundargerðin í heild

    Fundargerð eigna-, skipulags- og umhverfisnefndar nr. 22 frá 30.maí lögð fram.

14. 14. Atvinnu- og menningarnefnd - 14

    Fundargerðin í heild

    Fundargerð atvinnu- og menningarnefndar nr. 14 frá 25.maí lögð fram.