Bæjarráð, fundur 246

Dagskrá

1. 1. Aðalfundur Menningarráðs Austurlands 2011

   Mál 1105101 Allur ferill málsins

   Aðalfundur Menningarráðs Austurlands verður haldinn 14.júní á Djúpavogi.  Kosið verður til stjórnar. Bæjarráð tilnefnir Ástu Kristínu Sigurjónsdóttur og Davíð Baldursson sem aðalmenn í stjórn ráðsins og Ágúst Ármann Þorláksson og Þórönnu Lilju Snorradóttur til vara.

2. 2. Tómar íbúðir á Austurlandi 2011 - ósk um viðræður

   Mál 1105142 Allur ferill málsins

   Bréf Sigurjóns Bjarnasonar og Ásmundar Ásmundssonar frá 16.maí er varðar hugmyndir um nýtingu íbúða á Austurlandi sem ekki er búið í. Lagt er til í bréfinu að teknar verði upp viðræður við stjórn Íbúðalánasjóðs um stofnun eignarhaldsfélags um óseldar íbúðir í eigu sjóðsins á Austurlandi.   Bæjarráð Fjarðabyggðar hvetur til þess að teknar verði upp viðræður Íbúðalánasjóðs við aðila á Austurlandi um stofnun eignarhaldsfélags um óseldar íbúðir sjóðsins á Austurlandi. Markmið félagsins verði að bæta nýtingu íbúðanna, þannig að þær skili eigendum sínum arði og efli um leið nærliggjandi samfélag.

3. 3. Ókeypis tannlæknaþjónusta fyrir börn 2011

   Mál 1105035 Allur ferill málsins

   <?xml:namespace prefix = o ns = "urn:schemas-microsoft-com:office:office" />Bæjarráð tekur undir ályktun félagsmálanefndar frá 16.maí og barnaverndarnefndar Fjarðabyggðar vegna tímabundinnar ókeypis tannlæknaþjónustu fyrir börn. Jafnframt lýsir bæjarráð yfir áhyggjum af ferðakostnaði þar sem þjónusta er einungis veitt í Reykjavík.

4. 4. Girðing utan um Kolfreyjustaðarkirkjugarð

   Mál 0911094 Allur ferill málsins

   Mannvirkjastjóri sat þennan lið fundarins. Bréf Kolfreyjustaðarprestakalls frá 20.maí þar sem áréttuð er ósk um að Fjarðabyggð greiði girðingarefni í kringum kirkjugarðinn á Kolfreyjustað. Erindi vísað til eigna-, skipulags- og umhverfisnefndar.

5. 5. Árgjöld sveitarfélaga til Atvinnuþróunarsjóðs Austurlands

   Mál 1009205 Allur ferill málsins

   Framlagt minnisblað stjórnsýslustjóra frá 24.maí. Vinna við endurskipulagningu stoðstofnana er komin vel áleiðis en ekki sér fyrir endanlega hagræðingu. Úthlutunarfundur sjóðsins er í vikunni. Bæjarráð er sammála að greiða 2/3 af framlagi til sjóðsins sem takist af liðnum óráðstafað. Ákvörðun um greiðslu eftirstöðva frestað samkvæmt fyrri bókunum um málið.

6. 6. Snjóflóðavarnir í Fjarðabyggð

   Mál 1101234 Allur ferill málsins

   Framlögð drög að samnningi um ofanflóðavarnir við Nýjabæjarleik á Fáskrúðsfirði og tillaga mannvirkjastjóra frá 26.maí.  Bæjarráð samþykkir framlögð drög að samningi milli Fjarðabyggðar og Framkvæmdasýslu ríkisins vegna frumathugunar á ofanflóðavörnum við Nýjarbæjarlæk á Fáskrúðsfirði. Bæjarráð felur mannvirkjastjóra jafnframt undirritun samningsins.

7. 7. Ársfundur Byggðastofnunar 2011

   Mál 1105125 Allur ferill málsins

   Ársfundi Byggðastofnunar hefur verið frestað um óákveðinn tíma en hann var fyrirhugaður í dag miðvikudaginn 25.maí í Vestmannaeyjum.

8. 8. Vinnuskóli og sumarvinna 2011 - fyrirkomulag

   Mál 1103084 Allur ferill málsins

   Minnisblað mannvirkjastjóra frá 24.maí um ráðningu í sumarstörf hjá mannvirkja- og umhverfissviði. Búið er að ganga frá ráðningarsamningum við alla sumarvinnustarfsmenn sem gert var ráð fyrir við gerð fjárhagsáætlunar 2011.  Um er að ræða 26 störf - 11 flokksstjórastörf og 15 almenn sumarstörf. Auk þess verða 191 grunnskólanemi við vinnu í vinnuskóla í sumar.   Ákvörðun um frekari ráðningar frestað til næsta fundar.

9. 9. Aðalfundur Þróunarfélags Austurlands 2011

   Mál 1105180 Allur ferill málsins

   Aðalfundur Þróunarfélags Austurlands verður haldinn 30.maí kl. 10:00 í Fróðleiksmolanum Reyðarfirði.  Kosið verður til stjórnar.  Bæjarráð tilnefnir Pál Björgvin Guðmundsson sem aðalmann í stjórn og Gunnlaug Sverrisson til vara. Páll Björgvin Guðmundsson verður fulltrúi Fjarðabyggðar á aðalfundi.

10. 10. Aðalfundur Atvinnuþróunarsjóðs Austurlands 2011

    Mál 1105181 Allur ferill málsins

    Aðalfundur Atvinnuþróunarsjóðs Austurlands verður haldinn 30.maí kl. 16:00 í Fróðleiksmolanum Reyðarfirði. Kosið verður til stjórnar. Bæjarráð tilnefnir Pál Björgvin Guðmundsson, Lars Gunnarsson og Sigurð Hólm Freysson sem aðalmenn í stjórn og Gunnlaug Sverrisson, Ormarr Örlygsson og Elvar Jónsson til vara. Páll Björgvin Guðmundsson verður fulltrúi Fjarðabyggðar á aðalfundi.

11. 11. Launahækkanir í kjarasamningum

    Mál 1105183 Allur ferill málsins

    Minnisblað mannauðsstjóra frá 26.maí lagt fram til kynningar

12. 12. Deiliskipulag vegna jarðarinnar Fannardals

    Mál 1103156 Allur ferill málsins

    Mannvirkjastjóri sat þennan lið fundarins.  Lagt fram minnisblað Hilmars Gunnlaugssonar hrl. vegna málsins. Farið yfir drög að svarbréfi mannvirkjastjóra til Guðröðar Hákonarsonar landeiganda jarðarinnar Fannardals.   Bæjarráð samþykkir drög að svari og felur mannvirkjastjóra að svara landeiganda.

13. 13. Fundargerðir félagsmálanefndar 2011

    Mál 1101152 Allur ferill málsins

    Fundargerðir félagsmálanefndar nr.13 og nr.14 frá 4.maí og 16.maí lagðar fram.