Bæjarráð, fundur 238

Dagskrá

1. 1. Málefni golfklúbbana í Fjarðabyggð

   Mál 1103114 Allur ferill málsins

   Fulltrúar Golfklúbbana á Eskifirði og Norðfirði sátu þennan lið fundarins. Frá 9:00 - 9:30 frá Golfklúbbi Norðfjarðar þeir Gunnar Ásgeir Karlsson, Óskar Sverrisson og Jón Grétar Guðgeirsson. Fyrir utan hús félagsins er aðstaða á svæði klúbbsins ekki fullkláruð. Leigusamningur við Skorrastaðabændur um land klúbbsins rennur út 2014. 85 meðlimir eru í klúbbnum, unglingastarf hefur ekki verið mikið síðustu misseri en unnið er að því að fjölga börnum og ungmennum, m.a. með kynningum í grunnskólanum. Lagður fram rekstrarreikningur fram til 31.12.2010. Lagt var fram bréf Golfklúbbs Norðfjarðar frá 9.mars þar sem óskað er eftir styrk vegna skemmda sem urðu á golfvellinum á annan dag jóla vegna klakastíflu sem brast og fór yfir völlinn.  Bæjarráð getur ekki orðið við beiðni um fjárframlag en vísar erindi til mannvirkjastjóra með ósk um að mannvirkjasvið verði klúbbnum innan handar með hreinsun sé þess kostur.  Frá 9.30 - 10:00 frá Golfklúbbnum Byggðaholti þeir Jóhann Arnarson og Sigurjón Geir Sveinsson. Framundan er vinna við að tengja nýju flatirnar við völlinn og hús klúbbsins þarfnast töluverðs viðhalds á næstu misserum.  Meðlimir klúbbsins eru 62 auk 15 barna og unglinga. Samkvæmt fjárhagsáætlun 2011 verður klúbburinn rekinn á pari en það er háð því að allir styrkir innheimtist.  Rætt um stöðu Golfklúbbs Eskifjarðar og Golfklúbbsins Grímu.  Einnig var rætt við fulltrúa beggja klúbba um vallarmál, tækjamál og samstarf klúbbanna en klúbbarnir hafa m.a. rætt um sameiginleg kaup á sérhæfðum tækjum.

2. 2. Land Grænaness í Norðfjarðarsveit.

   Mál 2008-09-15-1465 Allur ferill málsins

   Bréf sjávarútvegs- og landbúnaðarráðuneytisins frá 21.febrúar, sem vísað var frá eigna-, skipulags- og umhverfisnefnd 14.mars, en í bréfinu er Fjarðabyggð boðin til kaups landspilda 1,82 hektari úr landi Grænaness fyrir 520.000 kr. Svar óskast fyrir 31.mars nk.  Bæjarráð samþykkir að kaupa landspilduna og vísar málinu til afgreiðslu bæjarstjóra og mannvirkjastjóra.

3. 3. Fyrirkomulag sumarleyfa starfsmanna bæjarskrifstofu

   Mál 1002018 Allur ferill málsins

   Bæjarráð samþykkir að bæjarskrifstofa Fjarðabyggðar verði lokuð frá og með föstudeginum 22.júlí og til og með föstudeginum 5.ágúst 2011 eða í tíu virka daga. Skiptiborð bæjarins verður opið.

4. 4. Auglýsing eftir framboðum í stjórn Lánasjóðs sveitarfélaga

   Mál 1102186 Allur ferill málsins

   Framboði Páls Björgvins Guðmundssonar bæjarstjóra til stjórnar Lánasjóðs sveitarfélaga var skilað inn sl. föstudag en aðalfundur sjóðsins verður haldinn 25.mars í Reykjavík.

5. 5. Ársuppgjör Fjarðabyggðar 2010

   Mál 1103124 Allur ferill málsins

   Fjármálastjóri og Magnús Jónsson endurskoðandi bæjarins sátu þennan lið fundarins. Lagt fram yfirlit KPMG yfir viðskiptastöður milli A og B hluta.

6. 6. Samstarfssamningur sveitarfélaga á Austurlandi um menningarmál 2011

   Mál 1103126 Allur ferill málsins

   Drög að samstarfssamningi sveitarfélaga á Austurlandi um menningarsamning lögð fram til kynningar.  Bæjarstjóra og stjórnsýslustjóra falið að vinna málið áfram.

7. 7. Nýtt hjúkrunarheimili á Eskifirði

   Mál 0903017 Allur ferill málsins

   Lögð fram til kynningar framlögð stefna Einrúms ehf. á hendur Íslenska ríkinu, Fjarðabyggð, Framkvæmdasýslu ríkisins, og Studio Strik vegna hönnunarsamkeppni um nýtt hjúkrunarheimili á Eskifirði.

8. 8. Þjóðaratkvæðisgreiðsla 9.apríl 2011

   Mál 1103138 Allur ferill málsins

   Framlögð fundargerð yfirkjörstjórnar frá 21.mars. Kjörfundur þjóðaratkvæðagreiðslu 9.apríl mun standa frá 9:00 - 22:00 í öllum kjördeildum í Fjarðabyggð en þær verða í grunnskólum Fáskrúðsfjarðar og Stöðvarfjarðar, Nesskóla og safnaðarheimilum á Eskifirði og Reyðarfirði. Íbúar í Mjóafirði verða á kjörskrá á Norðfirði en sérstök utankjörfundaratkvæðagreiðsla mun fara fram í Mjóafirði. Bæjarráð sammála tillögum yfirkjörstjórnar.

9. 9. Eigna- skipulags- og umhverfisnefnd - 16

   Fundargerðin í heild

   Fundargerð eigna-, skipulags- og umhverfisnefndar nr.16 frá 14.mars lögð fram.