Bæjarráð, fundur 181

Þessi fundargerð á öðrum fundum

• 4. febrúar 2010 Bæjarstjórn, fundur 66 liður 3

  Staðfest af bæjarstjórn með 9 atkvæðum.

Dagskrá

1. 1. Beiðni um ráðningu á starfsmanni í almenn vaktastörf við Slökkvilið Fjarðabyggðar

   Mál 1001062 Allur ferill málsins

   Á grundvelli framlagðrar greinargerðar slökkviliðsstjóra frá 15.janúar heimilar bæjarráð slökkviliðsstjóra ráðningu á starfsmanni í almenn vaktastörf frá 1.apríl 2010. Ráðningin er hluti af hagræðingaraðgerðum sem kynntar voru við gerð fjárhagsáætlunar 2010 og mun leiða til verulegrar lækkunar á aðkeyptri yfirvinnu. Sparnaður vegna ráðningarinnar er áætlaður um 1 milljón kr. á árinu 2010.

2. 2. Starfsmat 2010

   Mál 1001067 Allur ferill málsins

   Framlagt minnisblað forstöðumanns mannauðsmála frá 18.janúar er varðar breytingar á starfsmati.  Bæjarráð vísar 1.661.261 kr. hækkunum á launum vegna starfsmatsins til endurskoðunar fjárhagsáætlunar 2009.

3. 3. Mótmæli vegna starfsloka félagsmálastýru Fjarðabyggðar

   Mál 1001058 Allur ferill málsins

   Bréf átta starfsmanna félags- og heimaþjónustu í Neskaupstað lagt fram til kynningar en í bréfinu er mótmælt starfslokum Sigríðar Stefánsdóttur fyrrum félagsmálastýru.

4. 4. Niðurskurður hjá sveitarfélögum á þjónustu er varðar börn

   Mál 1001059 Allur ferill málsins

   Lagt fram til kynningar bréf Umboðsmanns Barna frá 12.janúar - Vísað til félagsmálanefndar og fræðslu- og tómstundasviðs.

5. 5. Þjónusta á Norðfjarðarflugvelli

   Mál 1001051 Allur ferill málsins

   Bréf heilbrigðisráðuneytisins frá 5.janúar lagt fram til kynningar en í bréfinu kemur fram að ráðuneytið hefur ekki fjármagn til að mæta kostnaði við þjónustu á flugvöllum landsins.  Afstaða ráðuneytisins hefur ekki áhrif á nýlega gerðan samning við Flugstoðir ehf. um rekstur Norðfjarðarflugvallar.

6. 6. Skipun í dómnefnd vegna hönnunarsamkeppni um hjúkrunarheimili í Fjarðabyggð

   Mál 1001068 Allur ferill málsins

   Framlagt bréf félags- og tryggingamálaráðuneytisins frá 15.janúar en í því er upplýst um þá einstaklinga er skipa dómnefnd vegna hönnunarsamkeppni um hjúkrunarheimili í Fjarðabyggð. Einnig lögð fram drög að reglum ráðuneytisins um leiðbeiningar um hönnunarsamkeppni.

7. 7. Læknisþjónusta í Fjarðabyggð

   Mál 0903114 Allur ferill málsins

   Þennan lið fundarins sátu fulltrúar HSA þau Einar Rafn Haraldsson forstjóri, Emil Sigurjónsson mannauðsstjóri, Lilja Aðalsteinsdóttir framkvæmdastjóri hjúkrunar og Valdimar O. Hermannsson rekstrarstjóri. Farið var yfir stöðu mála í heilsugæslu Fjarðabyggðar, mönnun heilsugæslunnar o.fl. Einnig var rætt um breytingar á skipuriti HSA en samkvæmt þeim eru yfirstjórnendur HSA forstjóri, framkvæmdastjóri hjúkrunar og framkvæmdastjóri lækninga. Þessir aðilar mynda framkvæmdastjórn HSA. Heilbrigðisstofnun Austurlands skiptist í tvö rekstrarsvæði. Starfsstöðvar HSA í Sveitarfélaginu Fjarðabyggð, ásamt FSN, heyra rekstrarlega undir framkvæmdastjóra hjúkrunar Lilju Aðalsteinsdóttur. Lilja ber því ábyrgð á að rekstur þeirra sé í samræmi við rekstraráætlun stofnunarinnar, ásamt því að skipuleggja þjónustu við íbúa. Valdimar O. Hermannson vinnur með Lilju sem rekstrarlegur ráðgjafi og stjórnandi auk þess að veita forstöðu innkaupasviði HSA ásamt skipulagi ræstinga, rekstri þvottahúsa og mötuneyta stofnunarinnar.  Lilja yfirtekur þann rekstrarlega þátt sem áður var í höndum lækningaforstjóra.  Valdimar yfirtekur þau störf sem Emil Sigurjónsson fór með áður fyrir Heilsugæsluna í Fjarðabyggð, nema að Emil annast fyrst um sinn ráðningar lækna til heilsugæslunnar og málefni því tengd auk þess að fara með mannauðsmál HSA.  Djúpavogs- , Seyðisfjarðar- , Vopnafjarðar- og Egilsstaðalæknishéruð heyra rekstrarlega undir framkvæmdastjóra lækninga Stefán Þórarinsson.  Stefán ber því ábyrgð á að rekstur þeirra sé í samræmi við rekstraráætlun stofnunarinnar ásamt því að skipuleggja þjónustu við íbúa. Þórhallur Harðarson vinnur með honum sem rekstrarlegur ráðgjafi og stjórnandi auk þess að veita skrifstofu forstjóra forstöðu. Svava Sveinbjörnsdóttir er forstöðumaður fjármálasviðs og Kjartan Einarsson er forstöðumaður eigna- og tæknisviðs.<?xml:namespace prefix = o ns = "urn:schemas-microsoft-com:office:office" />

   Bæjarráð Fjarðabyggðar fagnar að í nýju skipulagi HSA færist dagleg stjórnun lækna- og hjúkrunarmála í hendur á heimamönnum. Bæjarráð hvetur nýja stjórnendur heilsugæslunnar í Fjarðabyggð að leggja allt kapp á að sem allra fyrst verði fundin varanleg lausn á mönnunarmálum í læknis- og hjúkrunarfræðingsstöður í heilsugæslu Fjarðabyggðar og haldi íbúa- og hollvinasamtökum á svæðinu vel upplýstum. Það er meginskylda allra hagsmunaaðila að snúa bökum saman í þessum efnum, leggja til hliðar fyrri skærur og horfa til framtíðar með hagsmuni, velferð og öryggi íbúa Fjarðabyggðar að leiðarljósi og leysa málin innan frá frekar en vera með stóryrði í fjölmiðlum.

   Fulltrúi Sjálfstæðisflokksins í bæjarráði harmar ummæli yfirlæknis HSA þar sem hann í fjölmiðlum kennir íbúum Fjarðabyggðar um ástandið í læknamálum í Heilsugæslu Fjarðabyggðar. Eru ummælin ekki til þess fallin að lægja öldur og ná sáttum um stöðu heilbrigðismála í Fjarðabyggð.

8. 8. Sorpmál - Samstarf við Fljótsdalshérað

   Mál 0905099 Allur ferill málsins

   Þennan lið fundarins sátu forstöðukona fjármála, mannvirkjastjóri, umhverfisstjóri og sérfræðingur á fjármálasviði. Framlagt minnisblað fjórmenningana frá 18.janúar um samanburð valkosta í urðunarmálum. Á grundvelli kostnaðarmats í minnisblaði telur bæjarráð ekki raunhæfan valkost að fara í samstarf við Fljótsdalshérað, Fljótsdalshrepp og Seyðisfjörð um sameiginlega urðun á sorpi.

9. 9. Fundargerð hafnarstjórnar nr.66

   Fundargerðin í heild

   Fundargerð lögð fram.

10. 10. 28.fundur félagsmálanefndar

    Mál 1001069 Allur ferill málsins

    Fundargerð lögð fram.