Ung fólk 2016 - lýðheilsa ungs fólks í Fjarðabyggð
Mál 1609157 Fyrst á dagskrá 4. október 2016, síðast 17. nóvember 2016. 8 færslur í fundargerðum hjá: Bæjarráð, Bæjarstjórn, Fræðslunefnd, Félagsmálanefnd.
Í hnotskurn
Málið fjallar um skýrslu Rannsóknar og greiningar um lýðheilsu nemenda í 8.–10. bekk í Fjarðabyggð, byggða á könnun frá febrúar 2016, og um samstarfssamning um slíkar rannsóknir sem féll úr gildi í árslok 201615. Bæjarráð samþykkti að leitað yrði eftir framlengingu samningsins um fimm ár og bæjarstjórn staðfesti þá afgreiðslu 17. nóvember 201667.
Staðan
Bæjarstjórn hefur staðfest samþykkt bæjarráðs um að leitað verði eftir framlengingu samstarfssamningsins um fimm ár7.
Gervigreind skrifaði þetta yfirlit upp úr fundargerðum og upptökum. Hver tala vísar í færslu í ferlinum hér fyrir neðan. Þar er heimildin sjálf. Svona er yfirlitið unnið.
Ferill málsins
- Málið var á dagskrá fundar
- Fundargerð með málinu lögð fram á öðrum fundi
-
2016
Félagsmálanefnd, fundur 88 liður 2
Lögð var fram skýrsla um lýðheilsu ungs fólks sem sýndi meðal annars litla vímuefnaneyslu, mikla íþrótta- og tómstundaþátttöku, vaxandi kvíða og þunglyndi meðal stúlkna, að 30–40% nemenda sofa 7 klukkustundir eða minna og að nemendur í Fjarðabyggð telja lestrarörðugleika hamla námi sínu meira en nemendur annars staðar, og fól nefndin fræðslustjóra að fara yfir niðurstöðurnar með starfsliði fjölskyldusviðs.
Endursögn gervigreindar
Fyrir liggur skýrsla Rannsóknar og Greiningar um lýðheilsu ungs fólks í Fjarðabyggð. Skýrslan birtir niðurstöður úr könnun sem gerð var meðal nemenda í 8.-10. bekk grunnskóla í febrúar 2016. Birtur er samanburður á Fjarðabyggð, Höfuðborgarsvæðinu og landinu öllu. Í heild eru niðurstöðurnar mjög jákvæðar og flott ungt fólk bæði hér í Fjarðabyggð sem annars staðar á landinu. Vímuefnaneysla er mjög lítil og það á bæði við um tóbak, áfengi sem og önnur vímuefni. Íþrótta- og tómstundaþátttaka er mikil og nemendur telja sig örugga í því umhverfi sem þeir eru í dags daglega. Nemendur eru í góðum og miklum samskiptum við foreldra og samband þeirra við kennara er gott og er mun betra en það mældist 2014. Nemendur telja hins vegar lestrarörðugleika hafa hamlandi áhrif á námsframmistöðu sína og það er meira hér í Fjarðabyggð en hjá nemendum annars staðar á landinu. Það er hins vegar vaxandi kvíði og þunglyndi meðal stelpna á landinu öllu og einnig er svefn nemenda of lítill en um 30 - 40% nemenda sofa 7 klst eða minna á sólarhring, aðeins misjaft eftir árgöngum. Fylgni er á milli mikils kvíða og þunglyndis og lítils svefns og mikillar notkunar á samskiptamiðlum.
Lesa alla bókunina (109 orð til viðbótar)
Niðurstöðurnar voru kynntar á fundum með foreldrum grunnskóla þriðjudaginn 27. september. Haldnir voru tveir fundir í Fjarðabyggð, á Norðfirði og Fáskrúðsfirði. Samtals mættu rúmlega 30 manns. Á vel lukkuðu málþingi um geðrækt sem haldið var laugardaginn 1. október í Grunnskóla Reyðarfjarðar var einnig farið yfir niðurstöður. Á málþingið mættu um 130 manns víðs vegar að af Austurlandi. Félagsmálanefnd fagnar aukinni umræðu um lýðheilsu og felur fræðslustjóra að fara vel yfir niðurstöðurnar með starfsliði fjölskyldusviðs þannig að hægt verði að bregðast sem fyrst við þeim þáttum sem koma ekki nægilega vel út og um leið að vinna að því að viðhalda þeim góða árangri sem náðst hefur á mörgum sviðum.
-
Fræðslunefnd, fundur 32 liður 1
Fræðslunefnd fjallaði um sömu skýrslu, þar sem fram kom að líðan stúlkna í 8. bekk í skóla mældist ekki nægilega góð, fól fræðslustjóra að fara yfir niðurstöðurnar með starfsliði fjölskyldusviðs og taldi mikilvægt að þær yrðu einnig kynntar nemendum.
Endursögn gervigreindar
Fyrir liggur skýrsla Rannsóknar og Greiningar um lýðheilsu ungs fólks í Fjarðabyggð. Skýrslan birtir niðurstöður úr könnun sem gerð var meðal nemenda í 8.-10. bekk grunnskóla í febrúar 2016. Birtur er samanburður á Fjarðabyggð, Höfuðborgarsvæðinu og landinu öllu. Í heild eru niðurstöðurnar mjög jákvæðar og flott ungt fólk bæði hér í Fjarðabyggð sem annars staðar á landinu. Vímuefnaneysla er mjög lítil og það á við um tóbak, áfengi sem og önnur vímuefni. Íþrótta- og tómstundaþátttaka er mikil og nemendur telja sig örugga í því umhverfi sem þeir eru í dags daglega. Nemendur eru í góðum og miklum samskiptum við foreldra og samband þeirra við kennara er gott og er mun betra en það mældist 2014. Flestum nemendum líður vel í skólanum, en þó skera stúlkur í 8. bekk sig úr en þar er líðan í skóla ekki nægilega góð. Í niðurstöðunum kemur fram að nemendur telja lestrarörðugleika hafa hamlandi áhrif á námsframmistöðu sína og það er meira hér í Fjarðabyggð en hjá nemendum annars staðar á landinu. Það er vaxandi kvíði og þunglyndi meðal stelpna á landinu öllu og þar eru stelpur í Fjarðabyggð ekki undantekning, sem er áhyggjuefni, en einnig svefn nemenda sem er of lítill, en um 30 - 40% nemenda sofa 7 klst eða minna á sólarhring, aðeins misjafnt eftir árgöngum. Fylgni er á milli mikils kvíða og þunglyndis og lítils svefns og mikillar notkunar á samskiptamiðlum. Niðurstöðurnar voru kynntar á fundum með foreldrum grunnskóla þriðjudaginn 27. september. Haldnir voru tveir fundir í Fjarðabyggð, á Norðfirði og Fáskrúðsfirði. Samtals mættu rúmlega 30 manns. Á vel lukkuðu málþingi um geðrækt sem haldið var laugardaginn 1. október í Grunnskóla Reyðarfjarðar var einnig farið yfir niðurstöður. Á málþingið mættu um 130 manns víðs vegar að af Austurlandi. Fræðslunefnd fagnar aukinni umræðu um lýðheilsu og felur fræðslustjóra að fara vel yfir niðurstöðurnar með starfsliði fjölskyldusviðs þannig að hægt verði að bregðast sem fyrst við þeim þáttum sem koma ekki nægilega vel út og um leið að vinna að því að viðhalda þeim góða árangri sem náðst hefur á mörgum sviðum. Fræðslunefnd telur mikilvægt að niðurstöðurnar verði einnig kynntar fyrir nemendum.
-
Bæjarstjórn, fundur 208 liður 4.1
Fundargerðin „Fræðslunefnd - 32“ var lögð fram á fundinum. Málið er liður í henni.
-
Bæjarstjórn, fundur 208 liður 7.2
Fundargerðin „Félagsmálanefnd - 88“ var lögð fram á fundinum. Málið er liður í henni.
-
Fræðslunefnd, fundur 33 liður 8
Fræðslunefnd óskaði eftir því að Fjarðabyggð leitaði eftir því við samningsaðila að samstarfssamningur Mennta- og menningarmálaráðuneytisins, Fjarðabyggðar, Fljótsdalshéraðs, Rannsóknar og greiningar og Háskólans í Reykjavík um líðan og hagi ungs fólks yrði framlengdur til fimm ára.
Endursögn gervigreindar
Í árslok fellur úr gildi samstarfssamningur Mennta- og menningarmálaráðuneytisins við Fjarðabyggð, Fljótsdalshérað, Rannsóknir og greiningu og Háskóla Reykjavíkur um líðan og hagi Ungs fólks í Fjarðabyggð og á Fljótsdalshéraði. Fræðslunefnd lýsir mikilli ánægju með samninginn og mikilvægi þess að áfram verði fylgst með ungu fólki í Fjarðabyggð og á Fljótsdalshéraði líkt og verið hefur, en sveitarfélögin hafa fengið skýrslur með rannsóknarniðurstöðum úr rannsóknum meðal nemenda í 5.-7. bekk, 8.-10. bekk og nemenda í framhaldsskólum. Fræðslunefnd óskar eftir því að sveitarfélagið Fjarðabyggð leiti eftir því við samningsaðila að samningurinn verði framlengdur til fimm ára
-
Bæjarráð, fundur 497 liður 16
Bæjarráð samþykkti að leitað yrði eftir framlengingu samningsins um fimm ár.
Endursögn gervigreindar
Frá fundi fræðslunefndar nr. 33.
Fræðslunefnd óskar eftir því að Fjarðabyggð leiti eftir því við samningsaðila að samstarfssamningur Mennta- og menningarmálaráðuneytisins við Fjarðabyggð, Fljótsdalshérað, Rannsóknir og greiningu og Háskóla Reykjavíkur um líðan og hagi Ungs fólks í Fjarðabyggð og á Fljótsdalshéraði verði framlengdur til fimm ára en hann fellur úr gildi í lok ársins 2016. Líðan nemenda er skoðuð í 5.-7. bekk, 8.-10. bekk og nemenda í framhaldsskólum.
Bæjarráð samþykkir að leitað verði eftir framlengingu samnings um fimm ár.
-
Bæjarstjórn, fundur 211 liður 2.16
Fundargerðin „Bæjarráð - 497“ var lögð fram á fundinum. Málið er liður í henni.
-
Bæjarstjórn, fundur 211 liður 7.8
Fundargerðin „Fræðslunefnd - 33“ var lögð fram á fundinum. Málið er liður í henni.