Skipulags- og framkvæmdanefnd, fundur 49

Þessi fundargerð á öðrum fundum

• 19. janúar 2026 Bæjarráð, fundur 927 liður 9

  Framlögð til umfjöllunar og afgreiðslu fundargerð skipulags- og framkvæmdanefndar frá 14. janúar.

• 5. febrúar 2026 Bæjarstjórn, fundur 409 liður 4

  Fundargerðir skipulags- og framkvæmdanefndar nr. 49 og 50 voru lagðar fram til umfjöllunar og afgreiðslu saman.

  Til máls tók Þuríður Lillý Sigurðardóttir.

  Fundargerðir skipulags- og framkvæmdanefndar nr. 49 og 50 eru staðfestar með 9 atkvæðum.

Dagskrá

1. 1. Breyting á deiliskipulagi Miðbæjar Reyðarfjarðar Búðareyri 12

   Mál 2601071 Allur ferill málsins

   Fjarðabyggð auglýsir tillögu um breytingu á deiliskipulagi miðbæjar á Reyðarfirði sem felur það í sér að lóðin Búðareyri 12 verður notuð fyrir íbúðarbyggð í stað verslunar og þjónustu. Byggingarmagn er jafnframt minnkað verulega. Fyrirhugað er að koma fyrir þremur fjölbýlishúsum á lóðinni. Skipulags- og framkvæmdanefnd samþykkir tillögu um breytingu á deiliskipulagi miðbæjar á Reyðarfirði. Deiliskipulagsbreytingin er í samræmi við aðalskipulagsbreytingu sem þegar er í ferli. Málinu er vísað til bæjarstjórnar.

2. 2. Breyting á aðalskipulagi Sævarendi 2

   Mál 2507014 Allur ferill málsins

   Tillaga að auglýsingu fyrir breytingu á aðalskipulagi stækkunar iðnaðarsvæðis við Sævarenda 2, Stöðvarfirði. Skipulags- og framkvæmdanefnd felur skipulagsfulltrúa að auglýsa aðalskipulagsbreytinguna og vísar erindinu í bæjarstjórn.

3. 3. Breyting á deiliskipulagi Sævarendi 2

   Mál 2512025 Allur ferill málsins

   Tillaga að breytingu á deiliskipulagi hafnarsvæðis á Stöðvarfirði. Um er að ræða skilgreiningu iðnaðarlóðar við Sævarenda með auknu rými fyrir hafntengda starfsemi. Jafnframt myndast ný tenging lóðarinnar við hafnarsvæðið. Skipulags- og framkvæmdanefnd samþykkir breytingu á deiliskipulagi hafnarsvæðis á Stöðvarfirði og felur skipulagsfulltrúa að auglýsa tillögu að breytingu. Um er að ræða skilgreiningu iðnaðarlóðar við Sævarenda með auknu rými fyrir hafntengda starfsemi. Málinu er vísað til bæjarstjórnar.

4. 4. Byggingarleyfi Búðarmelur 31

   Mál 2601032 Allur ferill málsins

   Umsókn um Byggingarleyfi fyrir einbýlishús að Búðarmel 31, 730, Reyðarfirði. Skipulags- og framkvæmdanefnd hafnar umsókn um byggingarleyfi á þeim grundvelli að áformin eru ekki í samræmi við lóðarumsókn er varðar stærð húss. Jafnframt er gert ráð fyrir einni og hálfri hæð á viðkomandi lóð.

5. 5. Strandgata 39, 735 Eskifirði breytt notkun

   Mál 2601008 Allur ferill málsins

   Beiðni Búðinga ehf. að breyta notkun Strangötu 39, 735 Eskifirði í starfsmannahús til eins árs. Skipulags- og framkvæmdanefnd frestar málinu og felur stjórnanda byggingar- skipulags- og umhverfisdeildar að skoða málið í samræmi við umræður á fundinum.

6. 6. Skammtíma lóðarleigusamningur um Hjallaleiru 8 og 10

   Mál 2601037 Allur ferill málsins

   Framlögð drög að lóðaleigusamningi við UHA umhverfisþjónustu vegna tímabundinnar geymslu á gámum. Skipulags- og framkvæmdanefnd samþykkir lóðarleigusamninginn.

7. 7. Framkvæmdaleyfi ljósleiðari Eskifirði

   Mál 2512191 Allur ferill málsins

   Umsókn um framkvæmdaleyfi fyrir lagningu ljósleiðara á Eskifirði. Skipulags- og framkvæmdanefnd samþykkir fyrirhugaðar framkvæmdir og felur skipulagsfulltrúa að gefa út framkvæmdaleyfi þegar öllum tilskildum gögnum hefur verið skilað.

8. 8. Fundaáætlun 2026

   Mál 2601078 Allur ferill málsins

   Fundaáætlun 2026. Skipulags- og framkvæmdanefnd samþykkir fundaáætlun.