Menningar- og nýsköpunarnefnd, fundur 38

Þessi fundargerð á öðrum fundum

• 31. maí 2021 Bæjarráð, fundur 712 liður 8

  Framlögð fundargerð menningar- og nýsköpunarnefndar frá 17. maí sl. til afgreiðslu.

• 3. júní 2021 Bæjarstjórn, fundur 314 liður 4

  Enginn tók til máls.

  Fundargerð menningar- og nýsköpunarnefndar frá 17. maí staðfest með 9 atkvæðum.

Dagskrá

1. 1. Starfshópur um nýsköpun og atvinnuþróun

   Mál 2002099 Allur ferill málsins

   Bæjarstjóri kynnti stöðu við vinnu starfshóps um nýsköpun og atvinnuþróun í Fjarðabyggð. Farið er fram á frestun á skilum á niðurstöðum hópsins fram á haustmánuði 2021. Menningar- og nýsköpunarnefnd er hlynnt frestun á skilum á vinnu hópsins og að þau verði um miðjan september 2021.

2. 2. Starfs- og fjárhagsáætlun menningar- og nýsköpunarnefndar 2022

   Mál 2104130 Allur ferill málsins

   Lagðar fram reglur um fjárhagsáætlun Fjarðabyggðar 2022 auk gagna vegna áætlunar fyrir söfnin í Fjarðabyggð. Lagt fram minnisblað bæjarritara og forstöðumanns safnastofnunar um kostnað við uppbyggingu og þróun safnanna á næstu árum. Formaður nefndarinnar mun funda á næstu dögum með fjármálastjóra en tillögum allra fastanefnda þarf að skila til fjármálastjóra í síðasta lagi 11.júní.

3. 3. Tjaldsvæði Fjarðabyggðar sumarið 2021

   Mál 2103073 Allur ferill málsins

   Farið yfir framkvæmdir og viðhald við tjaldsvæði Fjarðabyggðar árið 2021 með vísan til fjárhagsáætlunar. Lögð fram verkefnaáætlun atvinnu- og þróunarstjóra og fasteigna- og framkvæmdafulltrúa vegna viðhalds- og framkvæmdamála tjaldsvæðanna þar sem tilgreindur er áætlaður kostnaður í hverjum bæjarhluta. Menningar- og nýsköpunarnefnd er sammála framlagðri verkefnaáætlun.

4. 4. Útgáfa á sögu Fáskrúðsfjarðar

   Mál 2006128 Allur ferill málsins

   Umræða um stöðu söguritunar og mögulega útgáfu bókar um sögu Fáskrúðsfjarðar á árinu. Menningar- og nýsköpunarnefnd óskar eftir að fá söguritara á fund nefndarinnar á næstunni.

5. 5. Sumaropnun í bókasöfnum Fjarðabyggðar - 2020 og 2021

   Mál 1911151 Allur ferill málsins

   Forstöðumaður safnastofnunar fór yfir fyrirkomulag sumaropnunar safnanna. Lagt er upp með að hvert safn sé opið einn dag í hverri viku í sumar.

6. 6. Hernámsdagurinn 2021

   Mál 1909078 Allur ferill málsins

   Forstöðumaður safnastofnunar lagði fram upplýsingar um fyrirkomulag Hernámsdagsins í sumar. Íbúasamtök Reyðarfjarðar hyggjast standa fyrir dagskrá á hernámsdaginn fimmtudaginn 1.júlí og mun safnastofnun aðstoða við skipulagningu dagsins.

7. 7. Endurnýjun búnaðar bókasafna

   Mál 2105118 Allur ferill málsins

   Framlagt tilboð í búnað til endurnýjunar á úreltum búnaði í bókasafni Reyðarfjarðar og Eskifjarðar. Menningar- og nýsköpunarnefnd felur forstöðumanni safnastofnunar í samráði við framkvæmdasvið að kanna mögulegar úrbætur á innréttingum í bókasöfnunum.

8. 8. Tónaflug 2021 samningur og fleira

   Mál 2105107 Allur ferill málsins

   Lagður fram til kynningar samningur milli Menningarstofu og SÚN um framkvæmd Tónaflugs.