Menningar- og nýsköpunarnefnd, fundur 28

Þessi fundargerð á öðrum fundum

• 29. júní 2020 Bæjarráð, fundur 669 liður 10

  Fundargerð menningar- og nýsköpunarnefndar frá 22. júní lögð fram til umfjöllunar og samþykktar bæjarráðs í umboði bæjarstjórnar.

  Bæjarráð samþykkir samhljóða fundargerð menningar- og nýsköpunarnefndar.

Dagskrá

1. 1. Ferðamálastefna Fjarðabyggðar 2020 - 2021

   Mál 2004009 Allur ferill málsins

   Ferðmálastefna hefur verið lögð fram í öllum fastanefndum. Menningar- og nýsköpunarnefnd samþykkir ferðamálastefnu og vísar henni til umfjöllunar og staðfestingar í bæjarstjórn.

2. 2. Starfshópur um tjaldsvæði

   Mál 2004044 Allur ferill málsins

   Lagðar fram fundargerðir og niðurstaða starfshóps um fyrirkomulag tjaldsvæðanna í Fjarðabyggð. Starfshópurinn telur að leggja beri áherslu á að hefja framkvæmdir á Stöðvarfirði og Breiðdalsvík. Framkvæmdum á Eskifirði yrði flýtt eins og kostur er í framhaldi. Fyrirhugaðar ofanflóðaframkvæmdir í Neskaupstað kalla á að tjaldsvæðið verði flutt. Leitað verður samkomulags við Ofanflóðasjóð um sambærilegt tjaldsvæði við Strandgötu 62, vestan við byggðina. Lagt er til að framkvæmdir hefjist á árinu 2021. Bæjarráð vísar tillögum starfshópsins til menningar- og nýsköpunarnefndar til áframhaldandi vinnslu. Menningar- og nýsköpunarnefnd samþykkir tillögur starfshópsins og vísar þeim til vinnu við starfs- og fjárhagsátælun ársins 2021.

3. 3. Markaðsátak og sýnileiki 2020

   Mál 2005044 Allur ferill málsins

   Lagt fram minnisblað atvinnu- og þróunarstjóra og upplýsingafulltrúa um lykil að Fjarðabyggð sem er útfærsla á verkefni tengt stuðningi við ferðaþjónustu. Gefnir verða út afsláttarmiðar í sundlaugar og söfn sem ferðaþjónustuaðilar framselja viðskiptavinum.

   Bæjarráð hefur samþykkt tillögu sem fram kemur í minnisblaðinu. Menningar- og nýsköpunarnefnd er sammála útfærslu á verkefninu.

4. 4. Staða landbúnaðar í Fjarðabyggð

   Mál 2006101 Allur ferill málsins

   Umræður um núverandi stöðu landbúnaðar í Fjarðabyggð og hvernig sveitarfélagið getur stuðlað að aukningu í landbúnaði og stutt við frekari uppbyggingu greinarinnar á svæðinu. Menningar- og nýsköpunarnefnd Óskar eftir að atvinnu- og þróunarstjóri taki saman minnisblað um stöðu landbúnaðar í Fjarðabyggð og leggi fram í nefndinni um miðjan ágúst.

5. 5. Menningar- og listahátíð Fjarðabyggðar 2020

   Mál 2006097 Allur ferill málsins

   Lögð fram drög forstöðumanns menningarstofu að menningar- og listahátíð Fjarðabyggðar 2020. Nánari dagsetningar munu liggja fyrir fyrstu vikuna í júlí.

6. 6. Atvinnuþing í Fjarðabyggð

   Mál 2006102 Allur ferill málsins

   Tillaga formanns um að halda atvinnuþing í Fjarðabyggð í haust. Umræður um útfærslu og framkvæmd. Menningar- og nýsköpunarnefnd sammála að stefna að því að halda atvinnuþing í haust. Nánara fyrirkomulag tekið fyrir á næsta fundi nefndarinnar.